新加坡總理李顯龍上星期五 25MAR 宣佈訪問美國華盛頓DC 同紐約，出發日期係26MAR，期間會會見參眾兩院議員、商務部、國防部，仲有總統拜登及副總統賀錦麗。走得咁突然已經唔尋常。而當刻拜登仍身在波蘭接近烏克蘭邊境，更加之唔尋常。而且，拜登一場演講用8964比喻烏克蘭人面對俄羅斯嘅入侵，擺明落中共嘅面兼施壓，對應埋新加坡一直於美、中之間想食兩家茶禮，亦可視為同時向新加坡發一個警號。
舊年8月，美副總統賀錦麗夥同國防部長奧斯汀突襲式訪問新加坡，事前公開講明係傾印太戰略。但事後李顯龍仍然認為美國無要求歸邊，當時我已經認為「李顯龍 / 人民行動黨『買板唔知訂』」
再到舊年9月，PANASONIC 宣佈撤出新加坡廠房，我已經話唔止係警告訊號，係小懲大戒，又講緊呢一集節目有逾百個支那共匪小粉紅五毛式留言，更加肯定我所做嘅分析相當準確。但半年來新加坡仍然「左搖右擺」於美、中兩邊，頂盡烏克蘭戰爭「跟機」制裁俄羅斯，可是未有對中共嘅幫拖無採取較實質嘅行動，終未必惹起BIDEN 不滿，亦相信係去得咁急嘅其中一個主要原因。
同李顯龍隨行嘅仲有外長維文 (Vivian Balakrishnan)、工業貿易部長顏金勇，及通訊及新聞部長楊莉明。雖然顏金勇同美國商務部簽訂咗兩份環保技術合作、太空及資訊科技發展合作嘅MOU，但稍有商業知識嘅都知 MOU 可以話啖笑。不過，政治談判從來都係「一啖沙糖一啖屎」，美國用兩份 MOU 做「魚餌」，若新加坡肯「歸邊」就仲有嘢可以合作吓咁囉。
之後去到五角大廈國防部長會見防長奧斯汀 (Lloyd Austin)，奧斯汀在開會前見記者時講明「希望能夠同新加坡堅守合作印太戰略夥伴關係，及為南海航行安全一齊合作努力」，而且強調新加坡地理位置係連接太平洋及印度洋嘅要塞，盲嘅都應該睇得出奧斯汀係「直線抽擊」提醒李顯龍要注意啲乜。
再之後同 Biden 見面當然係「主菜」，不過，白宮嘅會前預備視像記招，提及最少四個重點，進一步確定李顯龍係去華府「照肺」
第一，回帶舊年8月賀錦麗同奧斯汀去新加坡講過乜；第二，事先張揚會面討論重點包括烏克蘭、亞太地區局勢、緬甸問題；第三，針對外長維文响今年三月初以「貿易及商業合作係亞太地區嘅主要策略」對應美中關係問題，披露美國同新加坡就印太戰略等事務，尤其是中国嘅問題已經「溝通」咗14個月。
至於第四，係重提新加坡同台灣自1975年以嚟嘅軍事合作關係。考究埋新加坡武裝部隊响1971年組成嘅關鍵除咗以色列之外仲有台灣嘅歷史，呢一點可以話「攞佢命三千」。
會面後嘅記招，拜登高度讚揚李顯龍响烏克蘭問題作出積極、重要嘅行動，擺明對準坡中關係嚟一招笑裡藏刀，仲應該係「放血」嗰隻。而李顯龍就話新加坡一直同美國持續並緊密合作維持亞太區秩序穩定，並讚揚美國參與亞太事務所發揮積極作用。至於烏克蘭問題，李顯龍除咗譴責俄國嘅侵略，仲話「唔會容忍姑息任何以所謂歷史錯誤嘅想法而作出嘅瘋狂決定侵略行為」乜嘢叫「歷史錯誤」觀念？咪就係「乜乜係物物自古以來領土」囉。言下之意，李顯龍呢句說話唔止係講俾普癲聽，仲係講俾支那共匪聽
加埋佢回答 Channel News Asia 提問時表示「宏觀上同美國達成共識於亞太戰略同中国嘅關係目的維持地區局勢穩定及經濟發展」，可以視為拜登向李顯龍「迫倉」成功，或起碼係李顯龍願意交投名狀。不過，交咗投名狀亦可以唔算數，繼續試圖左右逢源食兩家茶禮，不過美國及西方列強就可以拎住今次李顯龍講過嘅嘢向新加坡「開火」而人民行動黨以至成個新加坡都無得怨。
李顯龍份「投名狀」會唔會走數，關鍵之一係新加坡國內嘅親共勢力，而更關鍵嘅係李顯龍如果有能力擺平吳作楝等一堆「共諜」，就唔駛去華府「照肺」啦。欲之後事如何，我只好一句「响2015年李光耀臨終前，我接受多個傳媒訪問，都質疑李顯龍嘅能力同智慧」
相關嘅影片節目已經上載至 Jacky Lim Channel YouTube頻道
歡迎收睇。睇完記得 Like 同 Share
Be the first to comment