封殺梅艷芳紀念巴士，共匪狐狸尾巴露出了？！

梅艷芳紀念巴士於文化博物館展出計劃被突然取消，館方先話「有人投訴」，但康文署之後就話因為「有危險」，前言不對後語已經可以肯定有陰謀。而我响巴士台嘅技術分析，除咗睇到港共嘅操作有幾咁核突，亦因此使一切嘅陰謀論有無限發揮空間。

由港共宣佈尖東科學館遷館至沙田開始，卻未有公開清楚交代文化博物館內展品嘅安排，梅姐歌迷明確表示擔憂梅姐遺物嘅去向，已經使人可以質疑支那共匪不懷好意於梅艷芳。只不過源由為何，太習慣「政治上腦」嘅港燦就只會想到梅姐在世時彷彿同共产党对著干，未有更宏觀、更實在嘅推論，始終欠缺足夠說服力。

雖然支那共匪忌諱於一刀切引起反彈而唔會失驚無神突襲式將梅姐遺物掉晒去堆填區，但單純梅姐生前嘅舉動都不致於共匪要將佢有關嘅事物消滅，極其量以淡化嘅手段逐步削弱其地位、影響力已經足夠。但如果有宏闊嘅因素可以延伸出嚟，咁就唔同講法。

研究共产主義、納粹主義等專權政體都會發現有唔少共通點，其中之二分別係刪改歷史同消滅族群原有嘅文化，目的係建構對政權有利嘅意識形態條件；响執行上兩者亦相附相承。例如同支那共匪一樣師承自蘇聯嘅中國國民黨，Hide up 孫中山嘅淫亂史以便塑造成圖騰；或是例如刪去台灣原住民歷史，那管响美國有齊記錄嘅「南岬之盟」，但放大「牡丹社事件」，一方面連同將《三藩市和約》淡化處理建構蔣魔光頭介石「接管」台灣嘅權威性，另一方面塑造原住民不過是需要老K拯救教化嘅生番，確立例如要Camake Valaule叫做朱曉民、Ayal Komod 叫張震嶽、 Kolas Yotaka 叫葉冠伶嘅「漢化政策」合理性，甚至 Ciwas Ali 叫做(高)金素梅而得權勢致財帛豐厚，確立蔣氏皇室的救贖是何等成果美滿。最重要的基礎是使由蔣氏皇室帶入台灣的所謂中華文化植根於台灣以能掩蓋、扭曲，甚至醜化原住民 (包括荷蘭、西班牙統治之前及期間) 到日本統治時期嘅一切文化，鞏固由篡改歷史所延伸出的觀念同價值觀，穩住蔣氏皇室到中國國民黨嘅統治權力。

不錯的，飽讀詩書嘅學者可以簡單拋出一句「咪就係納粹黨嘅『消滅一個民族先要消滅佢哋嘅語言』囉」但我從來做評論嘅立場係要受眾明白。前段咁樣舉例，不就是清晰地使人容易明白希特拉嘅「金句」係點樣實行並產生效果嗎？！

梅艷芳由新秀歌唱大賽到離世的三十一年，不單止承載住佢嘅演藝事業嘅輝煌成就，亦同時記錄住香港嘅娛樂文化何等嘅光芒璀璨，與及香港藉住娛樂文化對外嘅聯繫同擴張實力。單純以梅姐改編日本歌曲嘅作品紅到返日本，與及概括比較1970年代香港播放嘅日本電影、劇集、唱片銷量、歌手改編作品嘅數量，响梅姐出道之後嘅變化，能睇到梅姐變相使到香港同日本嘅文化交流响1980年代「開行 Turbo」。

另外，梅姐年幼時在荔園賣唱嘅歷史被翻出，與及形象百變而生的「百變梅艷芳」嘅外號，再加諸於其演藝作品嘅類別、內容、風格嘅多元化，正正記載著真正嘅獅子山下精神，香港人靈活多變嘅特質，反映住香港能夠成功嘅宏觀因素。

引伸出嚟，先撇除政治角度嘅睇法，匪區對香港嘅睇法係「一切輝煌成就乃因民族恥辱而生」，具體而言即是我過去多番講過「鴉片戰爭喪權辱國的帶罪之身」，然後就得出「香港人得向『祖国』償還這一切從民族恥辱而得到的」嘅想法。而相對蔣魔家族响台灣建構嘅省籍制度衍生所謂外省籍高人一等，以至將原住民稱呼為山胞，可見匪區之象根本同出一徹。同時證明前段不斷強調中國國民黨嘅所作所為絕非強詞奪理而係有證有據。

將呢一切以歷史為基礎嘅分析套用於梅艷芳，可以確立支那共匪欲滅之而後快的動機，至於係唔係，天知地知共匪佢哋自己先至知。不過，呢次梅艷芳紀念巴士一事，加諸於未有交代文化博物館關閉之後如何處理梅姐嘅遺物，縱不是狐狸尾巴現形，都難免讓人有欲蓋彌彰的想法。