香港時間今日凌晨响沙地阿拉伯「聖城入口」吉達舉行，曼城4:0擊敗富明尼斯捧杯。場波本身無乜嘢好講，富明尼斯比曼城坐多一倍時間嘅飛機，輸波實屬正常。舊年卡塔爾世界杯為中東伊斯蘭神權國家借足球運動「洗底」正式開動，沙地阿拉伯為此而掟嘅錢，對比之下卡塔爾所掟嘅銀碼只係碎銀，淨係 Saudi Pro League 羅致歐洲知名球員、教練所花費嘅，卡塔爾王室已經要唔該「企開啲啦DLLM」；跟住仲要「搶」埋今年嘅世界冠軍球會盃，同埋 2034 世界盃，唔好話歐美國家，淨係中東阿拉伯大陸諸國唔好話尾燈都見唔到，塵都無得佢哋食。
單純氣候條件，客觀上中東根本完全唔L79H適合舉行足球呢類消耗巨大體能嘅體育比賽，當年 FIFA 抽籤2022 年主辦權而卡塔爾奪得，冚世界都指摘 FIFA 痴撚咗線，貪污指控甚囂塵上 (事實亦真係有貪污，只是法律上證據唔係100%鋤入而裁定無罪)。而又之後嘅咁多年，西方社會嘅炮尖指住 FIFA 之外，對於卡塔爾 (以至沙地) 嘅炮擊，除咗世界盃決賽週開賽前夕卡塔爾王室宣佈球場禁酒而稍為大聲少少屌過「漠視合約精神」之外，批評聲唔好話空包彈，直情可以話「放屁都響過佢」；相反地，當沙地王室响舊年暑假大灑銀彈，大量球星以超過 mach 1.01 狗衝，仲有嗰啲响英超、德甲等頻頻錯判嘅球證，十足十 FIFA 主席 Gianni Infantino 見到錢就老豆姓乜都唔記得。天氣熱？有錢咪得囉！
而由氣候條件延伸出嚟，卡塔爾聲稱球場內有冷氣，唔會熱親啲球員。好吧，好狠憎冷氣嘅林超英去咗邊呀？綠色和平去咗邊呀？伊巴謙莫域嘅鄉里 Greta Thunberg 去咗邊呀喂？
講到中東，除咗氣候，最多人諗起嘅一定係伊斯蘭教神權政治「欺負女人專家」。Saudi Pro League 掟錢出嚟嘅時候，除咗英格蘭女子足球名宿 Susan Smith 响英國嘅電視台同報紙開過炮之外，so sorry that cannot found any 歐洲、北美嘅女權份子 / 人權組織開過一句聲「沙地借足球掩蓋打壓女性暴行可恥」。
更荒謬嘅係，沙地王室一邊廂仍然維持禁止女人拋頭露面、嚴禁單獨出街 & 出街必須做男人嘅跟尾狗等嘅「伊斯蘭神聖規定」，另一邊廂响 FIFA Club World Cup 開幕儀式入面，容許女表演嘉賓 Bebe Rexha「袒胸露乳」(以班中東痴線佬嚟講，衫袖同上半身布料貼身已經係裸體)
仲有同一班「陌生男人」Dancers 載歌載舞，甚至同DJ David Guetta「陌生男性」握手，點解沙地王室唔係一如平常日子咁拉咗 Bebe Rexha 去被掟石頭行刑??? 更唔好話沙地準備搞女子職業賽，清楚可見沙地阿拉伯嘅偽善嘅作嘔程度之極。
更是主辦地點 Jeddah 乃回教徒前往聖城麥加嘅必經之路。沙地往常直接或間接指責「西方文明」污染伊斯蘭嘅聖潔，卻將「聖城入口」舉辦球賽且容許女人袒胸露乳，甚至以「國際化大都會概念」規劃成所謂度假大鎮。更可引證沙地王室扙著嘅神權只係幌子。再延伸出嚟，一直受沙地王室豢養嘅馬來亞塔利班(即係伊斯蘭黨) 頭目哈迪阿旺，唔知對住 DAP 班女人又想講乜呢?!
講到尾，所謂「石油經濟」開始步入尾聲，中東諸國必然要謀求出路。以往近一世紀以石油支配全地球，西方列強對於其神權致上嘅痴線行徑姑且隻眼開隻眼閉。若然無咗石油，如何避過「西方文明」指斥「欺負女人」?? 幾百年嚟做慣神棍嘅只會諗住搵另外一啲嘢去支配及反制。也許就是見到歐洲响職業足球嘅投入同經濟成效，又見到西方文明總有例如 Sepp Blatter、Gianni Infantino 之類嘅貪婪賊匪，於是由卡塔爾「賊佬試砂煲」開始，或是再早一啲嘅阿布扎比王室入股曼城，沙地王室見此路可通於是由收購錫菲聯、入股紐卡素等起首進行「大開殺戒」。
奈何西方社會除咗Sepp Blatter、Gianni Infantino 呢啲貪婪份子之外，仲有Greta Thunberg、綠色和平呢啲擺明車馬收錢做嘢而選擇性失明嘅仆街杏加橙，再甚至基辛格冤魂不散而總想著為自己利益而永續問題嘅政棍，於是乎沙地之類等嘅中東伊斯蘭神棍痴線佬，呢鋪咪連番得逞囉。
所以話地球上最危險嘅唔係有啲乜嘢禍患蒼生嘅痴線佬同乜叉種族主義、共产主義，而係一堆拎住本《文明與科學》但選擇性「擇善固執」嘅偽君子。
Be the first to comment