咁多類商業車輛入面，法律名稱「非專營巴士」嘅旅遊巴絕對係飽受歧視同遭到忽視嘅一種，因為唔好話合法泊位數量係所有車輛種類最少的，就連想搵個唔點阻到人/車嘅罅隙然後「錶板擺低三百二行咗去」都因為車輛體形而難度極高，所以能夠行入食肆堂食，對於旅遊巴司機嚟講，唔止係痴心妄想，直情係「發夢都唔駛諗」。就算好好彩搵到合法嘅錶位，唔好意思，絕大部份都係「半個鐘錶」
就算用 HKeMeter 入錶，頂到盡只係得一個鐘。而講緊啲食肆唔會响正個錶位嘅側邊….. 請問就算有錶你估真係有得去「堂食」呀?!
如果人多排隊的話？食你條毛就有
延伸出嚟，買外賣返上車食，就係旅遊巴司機之絕對必然。因此，所謂環保政策之走塑，對旅遊巴司機絕對係最大的(無「之一」) 受害者。再甚至宏觀去理解，根本好難唔對住謝展寰同一眾環保份子直接爆粗屌佢哋老母。
首先，承如上段提及的政策規劃，旅遊巴司機基本上真係絕對唔駛旨意响開工期間可以進入食肆舒舒服服食返一餐，或者話能夠泊低架車去「堂食」，基本上係難過中六合彩。事實上，呢個規劃問題積累咗超過二十年，講緊由小弟未攞到9,10號牌而同呢個行業有緊密接觸以來已經知道，到考到牌之後當然親身經歷。
本來，旅遊巴上也許會有一個儲物櫃或「電箱」，繼而有一個大約2呎闊1呎深嘅「枱面」，司機可以坐响其後嘅座椅，算係無得堂食但又算可以舒舒服服坐住响度填飽個肚。
而我掌管廈門金龍代理業務時期，物色到一家位於佛山嘅玻璃纖維廠家製造專用款式儲物櫃 (如下圖)，而因為「枱面」右邊有一個直徑大約三吋、深約兩吋嘅「杯座」，唔少揸金龍嘅司機「唔駛驚抄牌趕車而會倒瀉杯奶茶」當年會俾個LIKE過小弟。
可是，响2009年5月1日，運輸署對旅遊巴乘客座椅實施新規例，美其名「保障乘客安全」，表面上說是援引歐盟 ECE-R80 安全標準，實際上根本係發揮佢哋非常厲害嘅僭建規則能力，為業界包括車公司、車身廠、代理添煩添亂。是故之我稱之為「香港特色的ECE-R80標準」。其中一樣所謂安全設備就是一個猶如只有櫈背的「安全防撞護欄」。
講解呢件嘢點樣阻住司機開飯之前，有必要點出，原裝歐盟議會訂立嘅 ECE-R80 安全標準，並無需要一個咁嘅護欄。更是適用於闊度400mm 或以上嘅座椅 vs 香港法例最低座椅闊度係380mm….. 你懂的！
好吧，有咗呢個「安全防撞護欄」之後，即使車身廠仍然會裝有儲物櫃，但唔好意思….
睇相都應該睇得到，司機根本無可能坐响度食飯。
順帶一提，亦因為「香港特色的ECE-R80標準」，車尾不再有連續的座椅，因而司機想响中段時間匿去車尾瞓返一陣都唔得！
請問英國嘅 Flixbus 嘅巴士車尾中間點解會有張櫈嘅呢???
正所謂已經俾運輸署啲「僭建」搞到連食外賣都食得唔安樂，一係企响度食、一係同坐响街無分別咁捧住個盒/兜得返一隻手揸餐具嚟食，今鋪呢個謝局長剪環同啲環保撚/閪整啲乜鳩環保餐具，請問係咪想餓X死旅遊巴佬呢？
好話唔好聽，支叉想拮塊唔好話豬扒，連件魚柳、餐肉都搞唔掂；仲有支匙羹，唔止舀飯都成困難，朝早做完廠/學仔，搵到個位叫個外賣早餐火腿通粉，分分鐘支羹都溶鳩埋，成碗滾熱辣倒落肚，跟住好似台灣裕隆汽車太子爺嚴凱泰咁食道癌死呀？
綜合晒所有情況，請問除咗向謝展圜同一眾催銷所謂環保主張嘅環保撚直接爆粗屌佢哋老母之外，作為一個旅遊巴司機 (no matter 現時唔係全職) 對住啲「環保餐具」還可以作出乜嘢嘅反應？
返回文首，旅遊巴業被受歧視、忽視嘅情況累積咗超過20年，個政府都無妥善處理到，如今連生存之基本之一嘅食飯問題都要剝削埋。再又如果挖返當年「膠樽苦主大聯盟」嘅新聞返出嚟，想請問尊貴嘅中国香港特区政府官員們在口口聲聲話推動旅遊業發展嘅同時，旅遊巴司機嘅基本生存問題打算幾時解決呢？
或是單純針對「餐具」嘅問題，請問謝局長同一眾環保份子响打算催銷之前，除咗坐响冷氣房間用個屎忽責住個腦之外，有無諗過唔少外勤工作嘅行業嘅從業員「前總理溫家寶的人權」嘅問題呢？單係旅遊巴司機嘅問題，已經可以1000000% 肯定答案係「無」囉。
1 Trackback / Pingback