馬來西亞六州議會選舉 – 現代文明與宗教迷惑之爭

馬來西亞六個州嘅州議會選舉响上星期六舉行，所有點票結果當然出爐。始終要時間整理資料，況且亦無乜時間性質限制，所以排到今日先寫。表面上「希盟」crossover「國陣」呢個聯邦中央「團結政府」嘅組合仲守得住檳城、雪蘭莪同森美蘭嘅陣地，但議席數目全部報跌。

希盟雖然勉強保住檳城嘅2/3絕對大多數，但响雪蘭莪，加埋國陣嗰2席先至啱啱60%；甚至乎森美蘭跌破一半，必要孖住國陣先至叫做 monopoly (國陣可以變節孖國盟做 Majority 亦都得)。再者，希盟當選嘅得票差距除咗個別「堅過石堅」嘅人物，例如林冠英、陸兆福之外都有明顯收窄，巫統勝出嘅候選人幾乎都係「啱啱好」險勝保住議席。反觀仍然以種族主義掛帥嘅「國盟」，即係2020年「喜來登政變」後出任首相但之後再俾巫統沙比利「隊冧」嘅慕尤丁，加上「馬來亞塔利班」嘅回教黨贏得嘅議席均有大幅進帳，更是响另外三個州直情一黨獨大。

事關今次州選嘅其中一個背景因素，必定要追溯到武漢肺炎，全球經濟被搞到一塌糊塗，馬來西亞更可謂傷亡慘重，「喜來登政變」响一定程度上都係因此發生。只不過慕尤丁為首嘅國盟政府對於可謂陷入垂死邊緣嘅經濟狀況比希盟更加束手無策，於是被巫統嘅依斯邁沙比利「隊冧」，但巫統依然無計可施，於是唯有「賭一鋪」提前國會大選，點知史無前例嘅懸峙國會响國王阿都拉運用憲法嘅空隙變相介入，令到希盟領頭組織「團結政府」。只不過馬來西亞經濟受到武漢肺炎嘅打擊實在太嚴重，要重振經濟嘅難度極高。

响呢股嘅頹勢之下，希盟同國陣嘅合作雖然採取務實方向去做，但一班宗教種族狂熱份子火力全開煽動尤其是鄉郊地區嘅馬來人，調子依然係幾十年嚟嘅「華人係馬來土地嘅入侵者，係馬來人仍然貧窮不濟的罪魁禍首」為基礎，針對目標真係盲嘅都睇到係希盟，尤其是民主行動黨。

响今次州選更是瘋狂加鹽加醋，例如指安華等勾結華人就是背叛馬來人，巫統竟然夥同「入侵者代表」的民主行動黨更是罪無可恕，愧對由東姑拉曼到納吉父子_{(第二任首相拉薩 Abdul Razak 為香港人熟悉嘅前任首相納吉嘅親父)} 加埋阿叔 _{(第三任首相胡先翁)}等幾十年嚟捍衛馬來人權益嘅領袖…… 等等。當然唔少得回教黨主席哈迪阿旺一日到黑批評華人之餘就係話馬來人對真主唔夠忠誠而受苦難所以要多祈禱。

受過教育接觸過文明世界嘅人，即使係馬來人，都知道呢類言論係一派胡言，但係响 Kampong (馬拉話「鄉村」) 嘅，就非常之受落。不錯的，今次州選結果就係有如支那共匪嗰招「農村包圍城市」，當中嘅元素正正就是文題的後半部。

呢股可謂「文明與落後」之爭唔單止係今次州選嘅議席分佈，仲有清楚見到馬來半島東岸嘅吉蘭丹同登嘉樓兩州有徹底「塔利班化」嘅趨勢，吉打雖然位處西岸，但都可能朝呢個方向去走。相對於另外三州，與及柔佛同馬六甲較為現代化嘅州份，唔止明顯格格不入，甚至可以話背道而馳。可以話馬來西亞聯邦之間又再出現裂痕，或者正確啲講，呢條存在咗超過60年嘅裂痕縱未擴大，但幾可肯定無法修補。事關馬來西亞基於宗教形成嘅種族主義問題累積得太久，雖然近呢十幾年似乎有化解嘅可能，但只限於較為現代化嘅地方 (唔係州，極其量係「市」)，但未能化解跡象嘅地方，同時又係比較貧窮嘅區域。較富庶地方的經濟實力，本身都唔足夠「照顧」所有窮親戚，加上大馬政治唔少得嘅 I help you, you help me la 嘅貪污問題，已經可謂睇唔到解決貧窮嘅可能。

更是班馬拉佬政棍，只圖借宗教同種族主義轉移 Kampong 無知的視線，方便自己繼續撈油水，更加睇唔到貧窮得到解決嘅希望。繼而班「馬來亞塔利班」以宗教麻醉 Kampong 中的無知，維持自己嘅尊權同特權。甚至直接啲講，哈迪阿旺呢啲仆街冚家鏟根本就係唔想馬來同胞可以富起來，因為佢哋除咗拎住可蘭經嚟鳩噏呃人之外係無謀生能力。而今次州選，可以話成功借勢進一步坐大，對於「已現代化州份」縱未構成威脅，但肯定係洪溝。

原本2022年嘅國會大選結果，我認為「馬爆」危機暫時解除，但呢次州選之後就「死灰復燃」，只不過當中嘅因素由11個州嘅意識形態不咬弦+砂朥越嘅分歧 (沙巴都係睇砂朥越頭)，變成11個州分成兩派，現代文明 vs 宗教瘋狂嘅隔閡。可以話「馬爆1.0」經過整合之後嘅「馬爆2.0」咁囉。

後記：吉打、吉蘭丹、登嘉樓呢三個州除咗相對比較落後同貧窮之外，翻開歷史，連埋玻璃市共四個州，都係泰國「嫌棄」嘅生番之地 ─ 暹羅國王拉瑪五世响1909年同英國簽訂《英暹條約》Anglo-Siamese Treaty，交出呢四個附庸國嘅控制權俾英國為「保護國」。原因就係由宗教及所衍生嘅大堆問題搞到頭都大埋。正所謂一百年前泰國管唔掂放手嘅問題响一百年後仲响度甚至變得更惡劣，請問如何睇到問題得到解決嘅可能呢???