壬寅年大年初二，先恭祝各位讀者「萬事如意，心想事成，出入平安…..」
過年前後，唔少網友、朋友都話「等我解籤 」；而响過去一年我所經歷而領受到嘅，覺得「要做返啲嘢」，所以早有兩手準備。為求認真以免有辱車公以至眾神明，故絕不會爭先搶奪出文 (and 片)，總之「有緣就會睇到並有所參悟」。然後點都加一句「Google 玩嘢玩咁盡必定最終引火自焚」！
今年嘅籤 ，必先要了解返舊年嗰兩支籤
因為我對今年嘅兩支韱所參透到的，與舊年的有著關連。
刘二世业強今年又亂鳩咁解，唔止有辱神明，亦可謂韱文將佢當頭棒喝。亦先睇兩韱韱文：
第三十八籤
人扳高處求真菜，我向低邊拾芥羌
媚奧不如去媚灶，莫教步獵逞英豪
解曰：凡事守舊，自身平安
斷韱：家宅興旺，求財無望，家宅節儉，占病醫心，饞嘴成疾，好大喜功，口舌招尤，好高鶩遠，必有所失，婚姻人棄我取，俊男美女不合
第四籤
福無私與皆天賜，禍不空生自有招
一片婆心能積善；自然福長禍潛消。
解曰：家宅興吉，求財半遂，自身平安，堅心求謀
斷韱：家宅不安，占病醫心，自身運滯，出入小心，婚姻不合，求財無望，禍患自招，咎尤自取，唯有心善，求謀轉遂
我對舊年兩支籤所參透到嘅初步結論就係「牛頓第三定律：Action = Reaction」，今年呢兩支籤，我參透到係一個延續呼應。先解咗沙田鄉事委員會嗰支第四籤，相信大家會容易啲理解。
舊年嘅第十四籤「公道但存方寸地，那有驟雨並風霜」，我認為其中之一解就是直指沙田第一城鎖車隊嘅貪得無厭，唯過去一年仍然有恃無恐一切話知。雖然「天譴」彷彿未見，我認為也許是車公立足沙田數百年不忍滿目蒼夷，就以「一片婆心能積善，禍不空生自有招」作最後勸誡同警告。响過年前夕流傳鎖車隊有勞資糾紛，如果屬實就是警告訊號。
見好多人集中講「婆心」二字，意即要懷慈悲之心行事。須知「婆心」出自禪宗史冊《景德傳燈錄》卷十二【鎮州臨濟義玄禪師】，可解曰「婆心」或「慈悲」就是先放下自身固執，勿衝動求快，思量自身與他人。奈何鎖車隊就是堅持己見之「逢車必鎖」，總之要快手搵錢要緊，話柒之佢入管理處攞泊車證…
是故之，要能「自然福長禍潛消」，就係睇鎖車隊、管理公司同埋法團自己識唔識收。但一如刨馬經睇往績，佢哋經年的食髓之味，奉勸各位無乜事就唔好去沙田，尤其是沙田第一城，even 搭車都避免唔好入去，免得受無辜波及。
至於第三十八籤，我所參透到的車公大元帥對港共爆seed 一句「講又唔聽，聽又唔只唔做，仲要倒行逆施，仲嚟問乜春？你食自己啦！」
先理解「人扳高處求真菜」vs「我向低邊拾芥羌」。真菜所指包括食得落肚嘅菜蔬同供觀賞嘅花卉；芥羌所指包括食得落肚嘅芥菜、可煉油煮食嘅芥籽；煮餸幾乎必備嘅配料薑；另可解野草野花。
芥菜此物，古今都有人嫌之味苦而不欲嚐，但又有人醃漬成榨菜、鹹酸菜、雪裡紅；芥籽在歐洲則研磨成香料。至於羌，為薑之異寫，古今亦嫌其辛辣而不欲嚐，但其溫熱藥性，則能針對普遍性味寒涼之蔬菜。唔少家庭煮食蔬菜都會落兩片薑就係咁解。《論語》卷十【鄉黨】敘述「不撤薑食，不多食」即每餐必要食薑，但唔需要食得多。套用返於籤文，意即一個二個掛住摘靚菜返去食 / 鑑賞所謂牡丹之艷，無人記得要有人清理雜草等「唔起眼但必要嘅事情」，甚至對於呢啲「卑賤下欄功夫」嗤之以鼻，睇唔起做呢啲「基本功」嘅人；或覺得有如整榨菜嘅嗰啲人係嘥時間憨撚柒鳩白痴仔。
對應於武漢肺炎，莫講乜叉回港易根本縱容「神風敢死隊」播毒，一味催打針但只得支那共匪有得袋錢嘅 福興、BNT，將750萬劑 AZ 射落海都唔益你；又或者乜叉安心上路、18:00後病毒先至出沒而禁晚市… 呼應返舊年嘅第四十五籤「下手須教一酌先，世情局面苦徒然」，唔係「倒行逆施」呢四個字，咁就「逆天而行」囉。
韱文第三句「媚奧不如去媚灶」更是一絕。此句出自《論語》卷三【八佾】「與其媚于奧，甯媚於灶，何謂也？」。奧指「奧神」，乃古時主人房的守護神；「灶君」則人所共知嘅廚神。所謂傳統觀念認為奧神比灶君尊貴。意指港共一切只顧阿諛奉承。呼應前兩句套用於武漢肺炎，更可視車公大元帥認定一切只係執行黨的任務。再接上韱文第四句「莫教步獵逞英豪」，更是無料扮四條，阻礙真正懂得處理嘅專業。另外，刘二世业強之曲解韱文的動機亦根本就在向「主子」獻媚之舉，故此韱亦是對佢當頭棒喝之意。
更堪玩味嘅係【八佾】原文接續孔子給王孫賈嘅回應「不然，獲罪於天，無所禱也。」 正是此節開首之「你食自己啦！」甚至更串而更符合我嘅風格嘅表達會係咁
車公表示：屌你都費閪時
將舊年支四十五籤夾埋今年嘅三十八籤去理解，車公大元帥亦無為賜新訓誡。以我所修行頓悟所得，此現象乃因上天已認定「無可挽回」之局，故此不再指點教誨。即係會點？ 總之天機不可洩漏，我折壽事少，「破功」誤大局事大。 頂盡只能講思考吓「逆天而行」呢句成語。
另外順帶一提， 刘二世业強解曰「守舊」鳩噏，我認為佢仲有係以東方日報支黃大仙第十七簽「蕭何月下追韓信」及第三十八籤「陶淵明辭官」借題發揮。事關白粉報引述的解籤佬話應該搵舊人出山，但支那共匪係唔會搵棄卒翻閹。不過呢兩支籤所曉諭嘅局面若然成真，恐怕全世界一地爛眼鏡。即係點？參透吓蕭何、韓信、劉邦嘅關係對應香港過去40年嘅歷史。總之人在做天在看，呢個世界係有報應的。
相關嘅影片節目已經上載至 Jacky Lim Channel YouTube頻道
歡迎收睇。睇完記得 Like 同 Share
Be the first to comment