辛丑年車公靈韱之物極必反

辛丑年大年初二,先恭祝各位讀者「萬事如意,心想事成,出入平安…..」本來唔打算今年又解韱,事關香港、台灣、亞太區嘅局勢已經非常明顯,心想爭在車公大元帥今年點樣表達預視出嚟,無諗過車公直線抽擊到連劉二世業強都唔敢用往年嗰啲「市民同政府和衷共濟就萬事大吉」嗰啲例牌台詞,仲要屌鳩港共軍政府,可謂車公大元帥強到屈機;而且韱文展現嘅勢頭係 End game 之象,支那共匪必定想搵啲投共神棍亂鳩Spin,所以都係花少少時間講解一下。先睇兩韱韱文:

第四十五韱
下手須教一酌先,世情局面苦徒然
積薪歷火非無事,識者能知火未燃
解曰:凡事不合,自身平安
斷韱:家宅小吉,求財不大,家宅困苦,占病拖延,自身運滯,出入無功,婚姻不合,求財休想,雖盡人事,總不成功,積德行善,靜待時至

第十四韱
鉞能罰惡明天憲,善者禎祥惡災殃
公道但存方寸地,那有驟雨並風霜
解曰:家宅平平,占病作福,自身平安,出入平利,婚姻不合,求財半遂
斷韱:家宅災厄,占病醫心,自身運滯,出入閉門思過,防險,婚姻不合,求財無望,心歹行劣,自招天譴,咎尤自取,改悔運轉

相信大家睇到 underline 嗰幾句,都預計得到可能將會乜嘢事。其實兩支韱可以好簡用幾句平常人都識嘅成語、俗諺已經簡得到晒:

物極必反
牛頓第三定律:Action = Reaction
凡事去得盡,緣必早盡
做仆街嘢多,係要還㗎
半澤直樹:以牙還牙,十倍奉還

先解咗沙田鄉事委員會嗰支第十四韱,咁樣睇落去應該會「精彩」啲。

鉞,係一種長柄斧頭,在周、秦之時用作兵器,但後來發現由於頭重尾輕根本不利戰場殺敵,故變成宮廷儀仗之器。大家睇古裝戲見到皇宮大殿、衙門公堂兩側楝咗好多種武器陳設,除咗有大家必定認得嘅關刀,仲有必定有鉞。

另外,古代皇帝登基,接過嘅寶物除咗又係大家必定知嘅玉璽之外,仲有鉞。鉞象徵之意就係權力。再仲有,皇帝委派使節出訪,或出兵打仗,亦會遞上一把鉞(並非登基嗰把,另造的) 表示得聖上授權。

鉞之意即大權在握,正常嚟講就係「罰惡明天憲」,所以「善者禎祥惡災殃」,即有謂「明察秋毫,儆惡懲奸」。只不過「公道」係要彰顯但要「存方寸地」,即所謂有權不能用盡,不然「驟雨」頻繁時節就會有「風霜」── 六月飛霜,必有冤情。

呢枝韱係沙田求嘅,我第一件事就諗起兩個地方 ── 沙田第一城,新城市廣場。

第一城最出名嘅係乜?鎖車囉。嗱…… 違泊係唔啱,寫明要罰錢,鎖車確係「天憲」。只不過,如週前一貨VAN司機行入管理處保安室攞泊車證短短一分鐘唔夠都要鎖,就係無「存方寸地」。另一方面,眾所周知,鎖車罰款係管理公司、法團嘅主要收入來源,鎖車隊員搵到盤滿鉢滿,好明顯「鎖車」嘅目的並不志在管理屋苑內嘅街道秩序而只係錢、錢、錢,根本中晒「斷韱」的「心歹行劣」。聽聞週前那貨VAN事件幾乎釀成血案…… 用返車公大元帥嗰嘅仁慈去講,他日若不幸真係「見紅」,絕對係自招天譴,咎尤自取

至於新城市廣場…… 劣跡暴行記載「厚過電話簿」,如今還不知悔改繼續替支那共匪為虎作倀,按照此韱之意,「天譴」將會是必然,爭在只係拆招牌定姓郭嘅冚家富貴。

四十五韱我參透到嘅意思其實大同小異。韱文首句「下手須教一酌先」,唔係叫人做嘢開工前「兩杯落肚」,酌之意係「斟酌」,即係「諗清楚、睇清楚先至落手」,睇吓係咪「世情局面苦徒然」。用返沙田第一城個例子,鎖車隊落鎖之前有無諗清楚係咪非鎖不得呢,就是停咗响管理處門口,司機入去攞泊車證,就連本欲遵行規定都要殺無赦斬立決,個鎖車仔/佬/婆仲要以為好威威,正正就係「識者能知火未燃」嘅相反囉。

至於以四十五韱是為香港求去參透,好多人定必跟隨劉二世口水尾諗到支那港共就係無體察民情苦況,但我將重點放响後兩句韱文。字面解就是支那共匪屎片柒婆不知民怨堆積,隨時有人掉枝火柴落去堆「積薪」就會「歷火」。但要知道支那共匪認為香港人只係一堆只顧搵錢嘅白痴,點會認為有「民怨」呢兩個字呢?

再甚至乎以支那共匪抱持嘅「中華民族主義」去睇香港,只係「中華民族不肖子孫」,一切問題只係你哋啲港燦刁民還沒歸順、歸降、償還「百年民族恥辱債務」,所以不承認而不知「薪已積」,更莫謂只欠一枝未擠熄嘅煙頭。

直接講,最後大決鬥就在眼前,能逃的盡快逃,留有用之軀,且勿忘香港此地之恩,準備重建;未能逃者,做足生活、生存準備。車公大元帥已經講明「積德行善,靜待時至」「出入閉門思過」「改悔運轉」,以通俗講法就係「機會留返俾有準備嘅人」,同埋緊記「小不忍則亂大謀」切勿輕舉妄動,所謂「國之將亡,必多妖孽」勿輕信共諜熱普城、共匪陳志豪及容樂其、巫堃泰、林匡正等之煽惑。

另有 影片節目,有更多其他分析講解

歡迎收睇,多謝支持。

Be the first to comment

Leave a Reply

Your email address will not be published.


*