先啟：本來諗住錄片上YouTube，但剛啱今晚已錄一集，加上呢期 HK Bus Channel / HK Car Channel 嗰邊拍好多片，想抖一抖。同埋，始終新聞評論我寫字先係強項。
美國國會响香港時間今日傍晚正式確認 Joe Biden 為下一任總統，香港嘅Social Media 一片愁雲慘霧、哀鴻遍野、呼天搶地、要生要死 (下刪三千字)，好似世界末日到臨咁。正正反映香港人嗰種對政治過份投入嘅特質，但呢啲情緒狀態，可謂失去咗了解新聞時事必須要嘅冷靜同理智，根本唔適合睇新聞。
好多人認為，拜登上場會一改對華政策方向，會對支那共匪擺出友好嘅態度，所以一直渴望 Donald Trump 能夠成功連任，遏制住支那共匪對香港嘅侵害。但就過份投入，好似拍戲「投入角色」煞科都抽唔到身，亦因此忽略宏觀嘅新聞資訊，或無法作出實在嘅了解。最簡單，單係美國總統選舉制度，有幾多呢兩三年先至留意新聞時事嘅人真係知道、明白運作方式？更唔好話制度背景同美國係「聯邦制」國家。但無人講咩？或者話，無正確陳述嘅新聞資訊咩？
無錯，相對 Donald Trump，拜登同支那共匪嘅關係比較友好，事實上亦有證據證明 Joe Biden 冚家同支那匪有錢銀瓜葛，亦有證據反映選民投票有舞弊，因而可以推論成場大選係支那共匪黑手推 拜登 上位，所以 Donald Trump was certified lost the election 就是 Hong Kong “Certify”。但 拜登 一上場係咪即刻同 屎煎片 和好如初？係咪即刻撤銷對台灣出售軍備嘅合約吖？
自問美國政治唔係專長，所以唔會做乜嘢評論分析。但美國係一個講「制度」嘅國家，唔係皇帝一言九鼎想點就點。但似乎好多人，尤其是呢兩三年先至留意新聞時事嘅「政治躁狂」ignored 呢一點。呢啲情緒化驅使排拒或選擇性接收新聞資訊，加諸於本身欠缺認識「新聞」概念，就促成 拜登確認勝選就是「世界末日」嘅諗法。
套用「供求定率」，讀者觀眾嘅「情緒狀態」同埋只求「快餐式」嘅資訊嘅「求」，都要「供」先成事。大量只為求 Hit rate, view hour 嘅所謂 KOL 一味「武俠小說式」評論，先以「唔會悶」紓緩情緒，再以有如「武林爭霸」情節鳩噏一大堆所謂評論分析，繼而就因為啲分析都係錯作出錯嘅預計局勢變化。結果受眾就繼續「情緒化」的偏聽然後送錢俾嗰啲鳩噏昆鳩你嘅所謂知名評論KOL，然後無限LOOP。
要「武俠小說mode」嘛？其實可以講民主黨想即刻彈劾 Donald Trump 即時收皮，拜登唔駛等多十四日先至坐正。用返「武林爭霸」情節，你哋係咪仲更加之驚「世界末日即刻到臨」？但單係美國大選呢大約半年，有幾多嗰啲好有名氣嘅 KOL 講佢哋套「武俠小說」嘅內容唔係你心中想要嘅嗰種？有無諗過佢哋就係為求 Hit rate, view hour 特登選擇性噏一啲你哋喜好嘅嘢？更唔好講有啲係「執行黨嘅任務」擺明誤導你。不過，你聽到好開心，好似執到寶咁，然後周圍傳，無啦啦成為支那匪做統戰嘅最佳幫手。
就以民眾衝入國會一事，個個睇到有Comment 有如香港反送中咁，就起勢係咁 High High 揩，然後 Share Share 些係咁傳，相信無乜人諗過可能係支那共匪抄橋過美國，特登搞鳩 Donald Trump 無得提出要求國會聽證調查選舉舞弊。就係因為「情緒問題」排拒或選擇性接收資訊，偏聽只想聽/睇嘅評論嘅結果。
我响「尖碼」時期都經歷過「政治躁狂」，好明白唔少人响呢兩年其實發生緊乜嘢事，但無奈整個互聯網生態變化，既走唔到我走過可以進入懂得何謂新聞、如何了解新聞嘅階段，更造就咗支那共匪嘅統戰輿論操控嘅「成功」。或者你睇到心情更加之灰，無法子的，要怪就怪全世界响過去三十年天真無邪對住支那共匪，以為「促進經濟發展可以推動民主化」，結果就被「世界工廠」「十X億龐大市場」成為西方列強嘅現代鴉片。
不過，古老哲理「物極必反」，支那匪玩到咁盡，總會出現 action = reaction 嘅場面。唔好問幾時，因為無人知。頂多一句「歷史係不斷重覆」。
後記：舊年一眾網友支持訂購越南 LIX 酒精GEL，我嗌咗幾個月請大家幫手「清倉」都反應不大。原本貨倉2020年租約到期，但成個12月周身唔得閒無時間處理，同業主續多兩個月。
雖然我唔係蝕得最大鑊嗰個，但都真係請大家幫幫手清倉，最主要係唔想浪費。
要唔到成箱想散買幾枝嘅請 email 或 Facebook PM 同我聯絡。
Be the first to comment