豐田這種邪教

唔少信奉「豐田無得頂」嘅「信徒」為咗捍衛佢哋確切堅守「用豐田天下無敵」等嘅「真理」，不惜蔑造大量與事實不符嘅「信條」，例如比較各車款嘅燃料成本，為盲目吹捧讚頌豐田Coaster，造假虛構三菱ROSA每日耗油量「高達」120升進行抹黑，當有人以廠方規格資料油缸容量只係100升徹底擊破呢個百份百絕對謊言之後，佢哋就只會暗箭式人格謀殺的指桑罵槐，以至運用其所謂江湖地位與及自以為非凡嘅人脈勢力四處抹黑並阻礙好些正常、正當嘅事務，清楚可見 「豐田霸權」嘅遺禍唔止係 (涉嫌) 勾結運輸署等政府部門貪污歛財影響香港公共運輸服務，更可以話係一門邪教，影響緊嘅唔止係運輸行業、「巴士迷」圈子，係成個香港。

事實上，大多數「豐田邪教」信眾只係不學無術嘅嘍囉，佢哋「宣教」嘅內容絕大部份都只係自我想像的胡吹亂編，沒「創作」「聖訓」的就一味道聽途說然後以訛傳訛，除咗耗油量之狡詐，另一最經常「宣道」之說莫過於「唔係豐田一定無零件」，但每當有人指出實情絕不是「無」，佢哋就話「價錢貴」「要訂貨等三五七個月」，若再說出實情價格非不合理水平而且有現貨，佢哋就佯稱「難維修」試圖昭示另一「聖訓」─「豐田無嘢整」。只不過佢哋就係不學無術之狗熊，頂多聽說好些「除了豐田以外」就不曉得維修嘅所謂技師的片面之辭繼續宣揚妖道。更是當有人「升高車底」「上架任驗」作簡單說明，佢哋當然唔會識得虛心受教之餘，更是圍爐取暖式恥笑「捐車底的白痴仔，快啲去攞白咭」，這不是更有力的證明「豐田霸權」根本形同邪教嗎?!

撇除 (疑似) 皇冠車行提供利益等嘅因素，以訛傳訛道聽途說帶來嘅認同感、成就感，對於嗰啲不學無術嘅嘍囉嚟講又真係充滿快感，而且香港人悠久以來都係隨風擺柳、西瓜靠大邊嘅習性，認為得到認同比認知事實更加重要，甚至認為尋找事實真相只係浪費時間嘅事情，只有傻仔先會做然後俾「跟大隊」嘅人拿作取笑材料。由此可見「豐田霸權」延伸出嚟嘅「豐田邪教」嘅種種一切，也不過是香港社會嘅一個縮影而已。

後記：須知道豐田Coaster 在全地球只有香港係所謂 market leader，market monopoly。唔好話我响汶萊見到大部份係 Fuso Rosa，就是响日本，你想見到豐田 Coaster 或同集團 re-badge 嘅日野 Liesse，都有相當難度。所謂「香港只係一個井」完全無講錯。