本來唔想回應蔡子強嘅一派胡言，但思前想後認為，針對佢嘅瘋言瘋語真係浪費時間，反而從歷史、哲學角度探討返「30年嚟嘅『付出』」，存在必要性，以防香港人未來做高達卡通嘅阿寶 – 重覆犯相同嘅錯誤。
蔡子強嘅廢噏其中個重點係「妥協」，表面好似係道理。但「妥協」二字嘅大前題係交涉各方處於對等地位談判，循住「一人讓一步」嘅方向達成目標，但支那共匪要嘅只係大撚晒，結果只會係你讓的話只會被得寸進尺。再者，香港自1982年以嚟根本無say，鄧小平一句三腳櫈搞到連談判嘅位置都無，根本唔存在妥協嘅基礎。即係話蔡子強以至傳統泛民嘅「妥協」係憑空想像嘅廢話。
點解佢仲會提「妥協」，乃因所謂傳統儒家觀念，作為「文人」為「父母官」就當謙謙君子講道理，尤其是面對天子聖上。但支那共匪唔止連位都唔俾香港，擺出強權壓倒一切嘅姿態，仲要一直都係黑幫式威脅，即係「妥協」根本只係幻想、空想。呢個就係從「認中關社」到吹奏「民主回歸」响蔡子強等呢一班學者政客响思想、心態上嘅成因。
至於响歷史角度方面，普遍香港人知曉嘅歷史觀，香港乃中華民族帶罪之身 ── 因鴉片戰爭不平等條約喪權辱國在英國殖民走狗統治之下而成繁華之都，加諸於「中國人」身份認同，仲會認為要為承擔返「民族恥辱」嘅責任，不知不覺間墮入咗支那共匪承繼中國國民黨設定嘅圈套都唔知，使到「認中關社」應運而生，再演變出民主回歸。
另一方面，明知共匪係爛仔仍認為只能君子講道理，乃因儒家嘅觀念「有教無類」，與及所謂「人之初性本善」，對上於三、四十年前嘅國際政治局勢，以為世界大潮流可以教化支那共匪走向文明，實行民主政體；然後又是背負「民族大義責任」的以為香港嘅「華洋雜處」經歷同眼界可以推動教化支那共匪。但實際上，莫講8964，蔡子強等從來都在迴避爛仔呢個特質，用返儒家去自我麻醉。
與此同時，以「帶罪之身」看待英國只係喪權辱國之象徵，認為英國對香港不會有承擔，於是對戴卓爾夫人更改英國國籍法、外相賀維宣佈話無「88直選」，全無意識去追討；甚至又再因為幻想中国可以教化走向民主，香港嘅「帶罪之身」為為民族大義遷就支那匪區。
蔡子強、傳統泛民政客一直就係有咁嘅假設、以為、等待、幻想，即使 8964 之後可謂狼相盡現，就使出「建設民主中國」呢句口號出嚟，維持佢哋繼續幻想、等待，亦當然為咗「討飯」，因為由1970年代「認中關社」起計，用幻想呃飯食食咗廿年，可有其他謀生能力？
然後到95年無咗直通車，就幻想97後可以追回；但到97後嘅歌舞聲平，根本無力去追。再到 03 年 7‧1 老懵連續三日只識嗌「早晨」之後以為得逞，就繼續佢哋嘅幻想。到 08 北京奧運「大國堀起」，以為夢想有機會成真，點知去到 14年，支那共匪唔止狼相盡現，仲真正伸出魔爪，但佢哋做嘅係繼續幻想，甚至阻止其他人對付魔爪，再甚至箝制道出魔爪的真相嘅人。
一直有一種陰謀論「無咗魔爪佢哋就再無法生存」。撇除當今香港嘅狀況，試回想當年自由行、奶粉荒，佢哋做過啲乜出嚟？咪就係繼續「為民族大義贖罪負責」的思維大叫「唔好歧視排外法西斯」「何不喂人奶」？又例如小巴加座位，張炳良先掟18座位出嚟，如果唔係我死咬唔放，佢哋收咗貨㗎喇，仲有撚得19 vs 20 咩！
根本蔡子強佢哋就係無能力在幻想之外謀生，於是乎發現有人試圖強力地去指出幻想實現無望，甚至迫使佢哋嘅無能現形，就試圖去捍衛佢哋嘅討飯空間，變相孖住共匪做事，乜嘢有朵有牌頭鳩噏都係秘笈，蔡子強呢啲所謂學者係有份造成。佢哋以為維持住自己嘅話語權、主導權，可以繼續佢哋嘅幻想呃飯食。
所謂五千年文化其中一個重要元素就係統治者權力無受制約，成為中華民族主義其中一種特質，人人為之追求，或退而求其次從權柄疏罅跌出嚟嘅餅碎，例如「鹹魚」動輒遷怒巴士佬。儒家本質就是順從權威，中國國民黨特色中史教學洗腦形成嘅史觀，充滿罪疚感又唔面對現實。甚至阻止有如《國王的新衣》那個話王帝根本無著衫鳩揈揈嘅細路講出真相，就是蔡子強呢類垃圾嘅問題根源。
相關嘅影片節目已經上載至 Jacky Lim Channel YouTube頻道
歡迎收睇。睇完記得 Like 同 Share
Be the first to comment