今年嘅聖誕節，相信好多香港人嘅感受就係百般滋味在心頭。經歷咗兩年有多嘅社會動蕩，可能你或者你嘅親朋好友已遠走他方，加上支那共匪武肺病毒生化戰爭搞到全地球滿目瘡痍，好多人都在嘆氣，點解要經歷呢啲「大時代嘅日子」嘅苦難，同埋一定想問，到底呢啲日子幾時先至捱過，或者就以基督教信仰角度去講，到底上帝嘅公義幾時先至會到臨呢。
响舊年嘅聖誕文告，我以舊約撒母耳記上四至六章敘述以色列人同非利士人嘅戰爭，與及哈巴谷書第二章先知哈巴谷對以色列人嘅訓勉，帶出「公義必將到臨」呢個訊息。縱使有所謂「公義只會遲到而唔會唔到」，但相信好多人都會懷疑公義係咪真係會到臨。再甚至乎，香港人講到基督教，除咗「耶撚」呢兩個字，經歷過呢兩年半，必定諗到根本係假先知嘅管浩鳴呢條仆街撚樣，然後質疑上帝嘅公義仲係咪存在响香港，以至响地球上。
香港好多教會、牧者，對於耶穌基督降生所成就嘅救恩，都好強調「因信稱義」，用「免費」嚟比喻基督教信仰。但當你「決志」「落答」之後，就話作為信徒要點樣為上帝、為教會付出，崇拜、團契、查經班、主日學、祈禱會、靈修不可或決係基本盤，更當然唔少得瑪拉基書3:10「十一奉獻」。無錯，大家一定睇到前後矛盾，但如果向教牧提出「矛盾」嘅質疑，輕則可能表面討論實際訓話數小時，重則可能係二話不說被指責「對上帝不忠」然後逐出教會。
我必須要強調，呢個唔係基督教信仰本身嘅問題，而係人嘅問題。就係一啲人，一啲教牧，一啲所謂「資深信徒」自以為擁有真理然後仗著所謂上帝的話語當作權柄說三道四指手劃腳，忘記咗耶穌基督嘅救贖對於世人嘅首要目標就係謙卑，但我認為唔係只有「傳福音」時掛在口邊「承認自己係罪人」，係要銘記「不要以人的有限去了解上帝嘅無限」，然後應用於地上，就是記得「一山還有一山高」嘅道理，唔好狗眼看人低。
無錯，上帝嘅救贖真係唔駛錢，但唔代表你可以隨時得到。點解？正如人哋送禮物俾你，最起碼你個心要去接受，要伸手去攞，再然後打開包裝嘅花紙、紙盒等等，件禮物先至真係屬於你所擁有。但係當下嘅香港人呢，只係等待人哋拆埋包裝、捉住你隻手然後擺份禮物去你掌心。收唔到嘅就怨天尤人，或是遷怒於其他人「點解唔送禮俾我」。喂，老馮㗎？
在問「上帝嘅公義幾時會到臨」之前，其實先要問你點睇「公義」呢兩個字。到底係好似中國國民黨响剛過去嘅「四大公投」咁，投票前就話體現民主，完成點票後就話「民主已死」咁「公我贏，字你輸」，即好似啲藍絲廢老，兩年前就話政府點啱點好，兩年後就BNO Visa 响英國話當地生活點寫意點好，還是真係明白「善惡到頭終有報」呢個好似係佛家嘅道理？
唔好以為「報應」只係佛教或道教嘅嘢，响基督教信仰其實一樣有呢個概念，從最低級最市儈嘅，啲教牧、執事同你講瑪拉基書3:10 嘅時候就話「當積聚財寶在天上」，到「人死後必有審判」，都係從呢種概念而生。又或者例如所多瑪和蛾摩拉，就是「多行不義必自斃」最典型例子。
點睇「公義」呢兩個字，為「公義」做過啲乜？唔係話有無上街抗爭，而係支那共匪又好、共諜熱普城又好，盧覺強李耀培又好，以至我又好、Martin、Sharon….. 邊個都好，有無用過教牧成日講「上帝造人同其他生物嘅分別就係智慧」去明辨是非，認清黑白？定只係跟紅頂白，因人廢言，不加思索，盲從附和；不求甚解，最緊要快，一於標題黨唔睇內文唔睇條片Share咗先講，啱聽就照單全收，唔啱聽話之引經具典。
最簡0單，碌 Facebook 睇 YouTube 邊個紅就跟邊個，話之佢track record 千錯萬錯持續咁錯，例如盧覺強呢啲仆街，沈旭暉嗰啲冚家鏟，紅吖嘛，快吖嘛。又例如响反送中嘅嗰段期間，嗰啲Whatsapp、TG 嘅「廣傳猛料」但實際係假新聞，如果有用過智慧去判斷、分析，類似「喂喂喂，收到風晏啲呢，阿寶會揸高達去到灣仔會展」嘅錄音廣傳四海?!
香港嘅教會，面對教會以外嘅公眾，一味強調耶穌基督嘅救恩，對於由摩西頒下十戒，到四福音「登山寶訓」、使徒保羅書信所載述嘅「上帝嘅公義」，唔計蘇穎智之流只會拎羅馬書13:1 「當順服掌權者」嘈喧巴閉，鮮有提及，極其量只係輕描淡寫，又甚至乎例如「行淫被捉的女人」又係扯到返去「上帝的救贖」，但就如耶穌潔淨聖殿，見有唔妥就「手起刀落」，面對羅馬凱撒政府，仍然堅守原則。
但香港人面對支那共匪嘅強權，真係一味羅馬書13:1 咁屈服順從，表面上因為 you have no gun，實際上就係小農奴隸DNA嘅崇尚權威，跟隨風向，包無死錯。再延伸到整個地球，英、美等西方列強30年前憨撚鳩鳩以為推動經濟發展可以使中國走向民主………. 強權就係咁嘅條件下有機可乘而能擴張勢力，正所謂「有強權無公理」，問「公義」會唔會嚟之前，根本就必先要反省你為「強權」提供咗幾多「燃料」。唔好問支那病毒生化戰爭幾時完結，反省一吓送咗幾多資源俾支那共匪造呢隻生化武器出嚟。
亦所以今個聖誕節，同樣無嘢值得慶祝。香港人，以至英國殖民走狗、美帝紙老虎、歐盟哈巴狗，當為養撚大咗共产党呢隻怪獸誠心向上帝悔改，或許「救恩」可能會到臨，否則以後都唔駛旨意過聖誕。
願上帝的榮耀、公義與大家同在。阿門
有關嘅影片節目已經上載至 Jacky Lim Channel YouTube頻道
歡迎收睇。睇完記得 Like 同 Share
1 Trackback / Pingback