英超曼城 Foden Grealish 被紀律警告,哥迪奧拿作賊心虛老羞成怒?

都係嗰句,唔係好睇波,唔會特別捧邊隊,睇落好睇就繼續睇,唔好睇嘅就行咗去。曼城呢隊波,直情「屌晒老母」先至行咗去,事關唔止悶,仲有好多嘢好唔合理,甚至惹起我懷疑領隊哥迪奧拿打假波。

有乜唔合理之處,最主要兩點:第一,永遠小組短傳,無大腳「斬」,明明對方「鐵血長城」密集防守,都唔會大腳由左斬去右或右斬去左改變進攻方向拉散對方防線,總係要兩三腳先至「換邊」。第二,明明禁區頂廿碼左右有位起腳都唔起,甚至由中後場單刀帶波直衝,硬係要死搓爛搓入禁區先至「起腳」,大佬呀,做球員嘅最想係乜呀?咪係將個波射入個龍門囉,但「耶穌」(加伯利‧捷西斯。明明《聖經》就係「耶穌」)又好,Foden 仔又好,邊個都好,硬係仲要搓,傻的嗎?

無錯,如果講「打假波」,球員都有嫌疑,但最近曼城三場英超賽事,令到我嘅懷疑直指領隊哥迪奧拿。

12月11日 主場對狼隊。狼隊擺明係一隊「黑社會爛仔」,曼城唔敢衝得太盡係正常,但上半場補時階段狼隊占美尼斯憨鳩鳩玩球證兩黃一紅,下半場曼城打多一個,竟然最後只贏一粒十二碼….

四日後,主場對列斯聯,7:0 劏魚腩。七個入球,其中五個嘅「入波」方式,响上一季唔常見,今季開賽以來見都未見過:

第一粒 列斯聯龍門甩手,霍頓娥眉月頂20碼一腳抽埋去 (以往應該要交返俾基亞利殊或者迪布尼再「搓」);
第二粒,馬列斯右邊高波吊入禁區,加利殊頭鎚頂入 (以往應該起碼兩腳短傳先至入禁區….);
第三粒,迪布尼左邊接應單刀入禁區起腳 (以往應該要交俾跑到上嚟嘅霍頓或禁區右邊嘅馬列斯….);
第四粒,馬列斯接應根杜簡地波,帶入禁區十六碼地波蕩入 (以往應該係前場有五個隊友响度繼續搓);
第五粒,列斯聯睇漏晒嘅迪布尼,攞到波單刀廿五碼起腳「世界波」(以往應該要交俾霍頓,甚至等埋「耶穌」响右邊衝上嚟再搓多幾腳…)

其實第六粒都係「唔正常」,但符符碌碌咁樣入就唔計。係第七粒開角球頂入先至「正常」

睇直播,呢七個入球,都無話以往咁影哥迪奧拿好high嘅表情,球證吹雞90分鐘完場,畫面影到嘅哥迪奧拿好似「死老豆」咁款。
喂,贏波仲要送七隻蛋,竟然口黑面黑??!!!

跟住到12月19日晚作客紐卡素,曼城送四隻蛋俾沙地皇儲….

第一粒係紐卡素後防and 龍門衰憨鳩,無乜好講;
第二粒,簡些路中場偷到個波,單刀到娥眉月頂嚟一腳「世界波」(以往應該係前場仲有根度簡、迪布尼、馬列斯响度…..);
第三粒,施真高左路吊高波入禁區12碼點,馬列斯趕到而個波都未落地就一腳「搞掂」(以往應該「擸定個波等人齊」再搓下先吖嘛);
第四粒嘅古怪唔係「耶穌」底線出波史端寧趕到篤入,而係簡些路响右邊近中線大腳斬去左邊前場俾「耶穌」(以往應該一係交右邊俾史端寧或者根度簡,又或者篤返後俾辛真高,頂多地波短傳俾迪布尼先至睇吓點「搓」上去…..)

再又無錯,可以係成班球員夾埋領隊打假波,之前咁多場都係「主客和讓半一」呢兩場「大屠殺」而莊家就通殺啲贏一球球半兩球嘅落注。但同上一場一樣情況,曼城入波後無 shot 哥迪奧拿 Yeah Yeah Yeah … (呢啲畫面通常係控制室見到有就即刻撳制cap低 稍後replay 插畫面,,無 replay 可理解為無 shot 到),更是完場後唔止「死晒老豆老母」,直播見到畫面影住佢黑晒臉同賀維握完手就擰轉身行入更衣室。更是賽後仆咪,哥迪奧拿竟然唔係大讚班球員踢得好,反而係「表現其實未如理想,咁樣贏波只係好彩」

嘩…. 乜嘢世界呀!!!

我真係唔識睇波,只係循常理去理解,要不是哥迪奧拿痴總制,就係同班球員有拗撬,甚至開大片。拗嘅可能就係打法。都係嗰句,球員落場最想做嘅事就係入波,但假設…. 如果領隊、教練俾指示係要「死搓爛搓」,作為球員「睇到有位可以起腳」都唔射得,無可能無怨氣積累。

如果我無估計錯誤,「開大片」應該係响對狼隊之後,班球員決定對列斯聯時「抗旨」一於「射得就射」。哥迪奧拿於是頂撚住度氣,甚至可能唔知點同啲「莊家」交代,就搵辦法捉人祭旗。

霍頓同基亞利殊有啲「唔生性」,夜媽媽出咗街俾隊方捉到,於是就攞佢兩個「新丁」嚟個下馬威

係唔係,我唔敢肯定。再次重申,我唔識睇波,只係用常理、常識去做推斷。不過,2018-2019年度曼城尾二場5月5日主場對李斯特城,贏波就「拎半隻杯」,和波就仲要睇利物浦頭,哥迪奧拿竟然多次叫將會離隊嘅甘賓尼唔好射……

係咪我疑心太大?走著看囉。如果連足球呢啲唔係我專長嘅都「開口中」,我都唔知講乜嘢好。


Be the first to comment

Leave a Reply

Your email address will not be published.


*