噚日 HK Bus Channel 出外景，所以今日先至有時間講返呢單不論是否巴士迷都津津樂道嘅「新聞」。至於「巴士台」又拍攝乜嘢節目，訂閱 巴士台 YouTube 頻道就會知道。
英國每日郵報 (The Daily Mail) 報導 “The Crown” 响倫敦西區「重組」香港場景進行拍攝，搵嚟一部保存响英國嘅城巴 Leyland Olympian (車隊編號152) 做「道具」，引起議論紛紛。巴士迷角度就話場面好正、車主 Dave Rogers 保存得架車好好；至於非巴士迷，我有見到嘅討論不外乎「點解有架城巴响英國」，「仲有無其他古董巴士…」之類；不過，兩邊都有一個共同角度，就係關於香港退役巴士保育問題。
點解有架退役城巴响英國，就係車主將佢買咗返去。其實香港退役巴士被運往外地唔止呢一架城巴，單係响英國，早前就有一架 Volvo Olympian 由香港運咗返過去，另外就有前中巴勝利二型 LV36，「短珍寶」SF31 响蘇格蘭愛丁堡對岸 Dunfermline 嘅 Scottish Vintage Bus Museum；另外仲有退役自九巴嘅 AEC Regent V 34′ A165 响威爾斯 Cardiff Transport Preservation Group。
HK Bus Channel 資料相片
另外响澳洲，就有前中巴 MCW “Super” Metrobus ML1 同 ML2，退役自九巴嘅 Leyland Olympian 9.5m BL79，平治 O305 ME30。
前至後：中巴ML1，九巴 ME30，九巴 BL79
HK Bus Channel 資料圖片 by 駐澳洲特派員 Stephen Cho
先搞清楚一個概念，呢啲退役巴士都係車主真金百銀購入，係佢哋嘅財產。以自由經濟原則，係唔可以挑戰、質疑佢哋點解買咗啲車離開香港。呢個概念嘅「錯誤」導致退役巴士保育嘅關鍵障礙。
第二，換另一角度，呢啲响外國保存嘅香港退役巴士，大部份都完成復修，甚至領有牌照行得走得。若果响香港，全部得個擺字，甚至車身殘破，機器故障，然後繼續得個擺字。在一定程度上，呢批去咗外國嘅車可以話「離開比留低更好」。
香港做退役巴士保育响宏觀上的確一片空白，但新加坡政府規定不能「保留全屍」或只能由教育機構申請保留空殼，香港總算有辦法安置退役巴士，比新加坡好得多。舊年 HK Bus Channel 一集節目介紹一部退役自新加坡 SBS Transit 嘅 Volvo B10TL 運咗嚟香港，亦係呢個原因。
**點擊相片收睇節目**
節目入面提到既然外國保存香港嘅退役巴士，香港保存一部新加坡退役巴士係異曲同工；雖然對比响外國，退役巴士「行得走得」而香港「得個擺字」，總好過新加坡「死無全屍」。
另外，撇除「巴膠」予公眾觀感印象嘅問題，好多人認為保留退役巴士只係「巴膠」嘅興趣。但又正如 HK Bus Channel 嗰一集節目尾聲仲有提到「當大家見到呢啲退役巴士…… 都會急不及待拎部電話出嚟影相…. 」
但如果唔係「巴膠的興趣」，就例如今次 Netflix 拍攝劇集，又或者之前幾次嘅展覽展出過嘅「平頂寶」你又有無得影相打卡，或者睇得好雀躍呢?!
到底香港有幾多部退役巴士被保留落嚟？唔計巴士公司嗰啲，我所知道起碼幾十架。之所以得個擺字，當然同政策有關。唔想講得太政治化，支那共匪唔會俾「英國佬嘅嘢」留低。問題係，要安置啲巴士，甚至其他古董交通工具，就需要地。但一講到「地」，香港人諗乜？咪買樓囉。
唔知仲有幾多人記得當年提出「交通博物館」呢件事??
這是其中一個原因導致自「尖碼」提出「交通博物館」構思而成功爭取保留到巴士總站之後，無再點樣講過呢件事。另一方面，保留巴士圈子可以話真係唔得團結，甚至爾虞我詐、互相攻訐。無錯，就係為咗功名利祿，但唔係大家唔關注唔支持保留退役巴士嘅藉口，相反地就係無政策，成個社會唔在乎，先至令到呢啲「仆街撚樣」有機可乘。
正如前段提及，呢啲巴士係私人財產，即係有實際金錢價值可以衡量，而講到「錢」，香港人對於車，又只係會諗到價值，賣返出去值唔值錢。再然後講到「古董車」，通常只會諗到價值連城嘅豪華房車、超級跑車。若不是好似今次 Netflix “The Crown” 咁有架城巴出現，或者澳洲國慶日啲相、片，有邊個會諗起退役巴士？
政策，依家呢個時空，唔駛旨意會有變動，但香港人無論响香港、英國、澳洲，定邊度都好，嘗試摒棄「用錢衡量」退役巴士、小巴，以至其他汽車等交通歷史文化嘅事物，係可以做得到嘅事。無人知道他日能否扭轉得到局面，但老生常談一句「天自助人必先自助」，姑且老土嘅一句「希望呢部城巴152 嘅事可以成為一個開始」
有關嘅影片節目已經上載至 Jacky Lim Channel YouTube頻道
歡迎收睇。睇完記得 Like 同 Share
Be the first to comment