從新開檔,一切話之

經歷咗近半年嘅風風雨雨,雖然 YouTube Channel 早在10月中旬重開,但始終我嘅專長還是偏向於寫字,幾經思量終於決定重開網站,重拾寫(打)字嘅事。

思量過程嘅艱難唔係支那共匪嘅砌生豬肉法,而係諗用返乜嘢格式、筆風。長篇大論對我而言實在好吃力,再者又有幾多人真係會有心機睇晒全文;但要精簡扼要又能表達訊息,又係另一個難度。思前想後,重溫返以往响香港、台灣、新加坡、馬來西亞寫報紙嘅作品,似乎係比較可取嘅方向。

至於 YouTube Channel,我會繼續做,不過亦都思量緊點樣做,事關撇除 Google 嘅仆街針對,正所謂「首先做好自己」嘅道理,題材、內容、風格 要點樣更吸引到觀眾/聽眾,著實係一門學問。但要我學某啲所謂 KOL 炒雜碎亂吹胡扯到舞雷公咁遠,so sorry 我做唔到,亦唔會做,因為「個個同一條 formula 即係爭崩頭」,然後就去返 Google 嘅仆街針對而結果我就必定輸鳩硬。

另外仲有 HK Bus ChannelHK Car Channel,礙於無充足嘅資金、無充裕嘅人手,無可能 Full time 運作,但又希望盡量做好每一集節目嘅製作,都花耗相當嘅精神同體力,目標唔只係「車迷」,仲有係希望對汽車認識不深嘅觀眾都能夠樂在其中同 get some insight。

總之老土講嘅嗰句,希望大家繼續支持小弟,文要讀,片要睇,然後 CLS – Comment, Like, Share,尤其是 share,真係好重要。當然仲有唔少得課金捐助,睇YouTube 首播可以 chatroom 用 super chat 課金,事後先至睇片 and 睇呢度嘅文章嘅就可以咁樣支持吓我。

局勢緊張,要走亦走唔郁,只能見步行步,但只要繼續得到大家支持,就盡力堅持行落去。對住支那共匪得一個心態,就係好似揸車咁「人要惡過車」,先可以可能比較容易過。

Be the first to comment

Leave a Reply

Your email address will not be published.


*