通告：砂朥越胡椒粉

我嘅網店暫時販售項目唔多，其中一項係小弟家鄉砂朥越嘅胡椒粉，以預購方式進行，亦寫明要儲夠目標數量我先至訂貨返嚟香港再寄送至訂購者。

舊年7月「上架」，直到今日(2021-5-25) 收到嘅訂購數量比「目標」嘅一半。不過，我原本計劃响舊年年底「好好醜醜」蝕運費 (貴到仆街) 都訂夠50支返香港，起碼向呢十幾位訂購咗嘅網友/朋友作交代。但無奈古晉因為武漢肺炎肆虐且確診數目持續高企而 LOCKDOWN，雖然唔係封城，但工商業活動近乎完全停頓，就連物流公司都幾乎停止運作，「出貨」更難安排之餘，運費亦乘勢飊升，由去年年底已高達每公斤 MYR180 (折算HK$320，即每支80g 嘅運費HK$26，真係蝕大本) 一直加價，最高達 MYR250 (折算 HK$450) per kg，恕坦白嗰句我蝕唔起，況且訂購數目「未夠數」我真係「大條道理」。

又本來「政治不正確」的古晉有順豐速遞，每公斤運費只係 MYR130 (折算 HK$240)，可是當地只有一個服務據點，住得最近嗰個表哥由屋企揸車去要接近1小時 (想像吓由粉嶺沿大埔公路出旺角)，但莫講話古晉一直無直飛香港班機而會是經吉隆坡或亞庇空運至香港 (BKI/HKG無咗客機但仲有純貨機)，就是支那病毒搞到 KCH/BKI 或 KCH/KUL 班機 cut 晒咁滯而貨運倉位緊張，順豐話唔保證可以順利寄到去香港。

另外我有問過船運。支那生化戰爭之前每週有兩班貨船古晉至香港(中間當然仲會埋其他 Ports 啦)，運費折算約 HK$130/kg，船程7-10日 (又坦白，我原本計劃係呢個安排)，如今又係 cut 晒，所有出入口海運經西馬巴生港或振林山港轉船，古晉當地 Forwarder 只收一隻「原櫃」嘅柯打，散貨起碼「兩板」(即最少400kg) 先至同你睇吓有無其他貨可以「夾埋一齊」經巴生轉船嚟香港，而且唔保證時間，就算 CIF 遲咗成個月都無得賠。所以一直無法寄到胡椒粉返香港。

噚日砂朥越政府表示擬全面 LOCKDOWN，並已實施部份措施，包括停止所有非必要嘅工商業運作，即係我想「豪」運費寄胡椒粉返香港都寄唔到。暫時未知當地措施會維持幾耐，即係話訂購咗胡椒粉嗰十幾位朋友只能繼續「等了有等」。因此我作出以下嘅公佈：

1. 暫停「砂朥越純胡椒粉」預購，直至另行通告；
2. 訂購咗嘅朋友如果想取消並退款，請電郵至 jackylimblogger@gmail.com，內容資料包括你的訂單編號，聯絡方法，及收款戶口的 FPS identity。收到後兩週內會退款 (訂購時以信用卡付款將扣除手續費每支 HK$3.0)；
3. 如果唔介意繼續等待的則無需採取任何行動。總之可以由古晉出到貨的話我會通知閣下。

感謝訂購咗嘅朋友嘅支持同信任，作為評論人/生意人，我需要負起呢啲責任。

縱使網店販售項目暫時不多，但仍希望得到你嘅支持。

Jacky LIM
2020-5-25