台灣的武漢肺炎再度爆發，週內累計新確診個案近千。抗疫絕對是當務之急，但國民黨仍舊「鹹魚模式」刁難民進黨政府打口水戰，擾亂輿論浪費時間。而回顧過去呢一年多，老K嘅「口水」來來去去嗰幾味，內容重點和目標可以話統統都係在為支那共匪做輿論統戰，甚至乎馬英九、連勝文等「匪諜」狂吹支那疫苗擺明靠害。
今次老K對「疫情」爆發所噴嘅口水，表面上又係嗰啲，但細心留意有兩個情況實在惹人懷疑：
1. 上年年底長榮航空機師「中招」然後「播毒」，國民黨日日喊打喊殺，又話要炒魷又話要罰錢收監，今次呢波「疫潮」其中一個源頭來自中華航空，老K 粒聲唔出；
2. 另一源頭的新北市蘆洲區晚宴獅子會前會長父女，唔止「趴趴走」仲要謊報行蹤。舊年年底衛福部桃園醫院護士「中招」，國民黨又係日日「瘋狗症發作」炒魷、罰錢、收監…… 但今次除咗新北市市長侯友宜依法處罰佢哋30萬台幣兼鬧兩句之外，老K幾乎潛水；
華航可謂「國民黨flag carrier」，已證老K 雙重標準；長榮機師嗰次「播毒」範圍响台北、新北，部桃醫院 (台灣當地真係咁樣簡稱) 護士漏報行蹤一個地點，獅子會前會長父女「播毒」Level 1 範圍已經唔止台北、新北，仲有宜蘭、彰化、高雄，漏報行蹤地點多達最少三個。相比之下，國民黨 Double Standard 到令人反胃作嘔，撈埋佢哋一直以嚟嘅言行去睇，點可能唔懷疑老K 又有不軌企圖或行動！
除咗狂吹要入口支那疫苗，仲有不斷話要放寬「在陸台商」返台檢疫限制甚至豁免檢疫，尤其是農曆新年前夕；再甚至乎老K黨籍金門縣長楊鎮浯、立委陳玉珍等近月更要求恢復小三通免得金門人無飯開。順便同楊鎮浯和陳玉珍講，我祖籍金門烈嶼東林，而且係「823炮戰難屬」(阿爺骨灰安置响公墓)。唔好以為泛綠陣營無人可以直接對付你哋班共諜！
老K呢啲「訴求」若得逞嘅後果形同使台灣向支那共匪中門大開，佢哋呢個企圖目標同「匪諜將領」之一嘅傅作義响1949年1月21日向共匪周恩來獻城北平有乜撚嘢分別?!
國共內戰「匪諜將領」歷史，之前一集响 YouTube 頻道嘅節目講過蔣魔光頭介石响「退守台灣」後半公開地自揼心口痛罵嘅郭汝瑰、韓練成，同幾乎當住蔣介石面前帶隊向共產黨投誠嘅劉斐。佢哋既不斷向中共提供國軍情報，又持續向蔣介石方面隱瞞或謊報共軍軍情。老K 根本做緊呢啲嘢！而佢哋呢次對華航同蘆洲獅子會粒聲唔出，Scenario 同當年萊蕪戰役濟南失守、淮海戰役蚌埠徐州被攻陷相似?!
國民黨前黃復興黨部主委于北辰將軍月前爆料國民黨內唔少黨員抱著「寧被共產黨統一，也不向民進黨屈膝」嘅思維，引證佢哋視民進黨為敵與及對武漢肺炎疫潮以至共軍犯境的言行嘅原由。直接啲講，寧勾結共匪置台灣生死安危於不顧。所以單純集中於抗疫，有絕對必要將老K徹底封口，最起碼免得時間再被浪費。
其實响台灣國內已經有唔少聲音要求以間諜罪拘捕多名老K政棍，但蔡英文政府遲遲不作行動，既被浪費時間又換來被批評軟弱。須知道民進黨孭住白色恐怖等政治包袱，唔想貿然破壞法治原則，呢個可以理解，但國民黨勾結共匪根本已經鐵證如山，根本可以立即 action。擔心拉馬英九可能「出大代誌」，咪先拉咗吳斯懷、陳廷寵囉，而且佢兩個直情係台灣社會「最大公約數」，該唔會有乜 back fire。但有得佢哋繼續日日「癲狗日報」，阻住抗疫已經係大問題，蔡英文繼續婦人之仁隨時重蹈蔣介石vs郭汝瑰更係天大嘅問題。
影片節目有更多分析，歡迎收睇
Be the first to comment