上週五港共幹部邱騰華引述新加坡交通部長王乙康表示「旅遊泡泡」應該未能如期原訂5月26日成行，我一啲都唔感到意外，事關兩星期前新加坡再度武漢肺炎大爆發，兩個主要「災場」陳篤生醫院及樟宜機場，而且樟宜機場爆發位置係 CIQ – 移民署辦公室，即係出入境櫃枱職員，稍有常識嘅都必定諗到結果如何。而我响 30APR 嗰日嘅 YouTube 節目「預言」旅遊泡泡應該「泡湯」。
新加坡政府日前宣佈關閉 Terminal 1 及 3 ，連同已在月初關閉嘅 Terminal 2，僅餘下 Terminal 4 「有限度運作」。不錯的，國泰航空使用 Terminal 4，但又就係「樟宜機場群組」係CIQ，試問誰敢冒住本護照要經過 移民署職員 嘅手而被播毒嘅風險?!
最原本嘅「旅遊泡泡」响舊年9月公佈，11月22日成行，但因為港、坡兩地都有爆發，結果「押後」「延期」再實際取消，今次又再歷史重演，表面上只能話香港同新加坡「唔好彩」或是「有緣無份」，但實際上，武漢肺炎生化戰爭以來，除咗同香港(但搞唔成)之外，新加坡從來無任何同類嘅計劃，係連公佈都無。一來係新加坡社會普遍保守嘅觀念，認為唔去旅行係正確態度，二來係新加坡國內本已民怨甚熾，武漢肺炎衍生嘅經濟及民生問題有如火上加油，李二世顯龍再蠢都未必敢冒險，更何況今次嘅「泡泡」關於檢疫嘅安排白痴嘅都睇到逆向操作响新加坡播毒，根本無可能會俾「泡泡」成行得到。
過去多篇文章及影片節目都提過新加坡國內嘅民怨所在係乜，在此不贅。今次武漢肺炎不只使人民行動黨嘅無能、精英主義嘅傲慢盡現眼前，經濟以至社會整體嘅影響對新加坡人嘅「切膚之痛」不止是生意下跌、收入減少，就是因為「疫情」其中的「重災區」於外勞宿舍，而多數外勞從事建築地盤工作，導致唔少建築工程延誤，當中包括HDB flat 組屋。
須知道 HDB flat 計劃同公職金掛鈎，而通常畢業後工作了大約5年就有足夠MPF結存可以申請購買組屋，因此唔少購買組屋嘅會係年約26-30 準備結婚嘅人士。又另外，組屋通常以不逾兩年「樓花」供申請發售，意即若申請成功購買得到的話就一切「人生計劃」可以如期進行。如今因為「疫情」導致收唔到鎖匙，情侶/夫婦們一係繼續分開住，一係暫時同老爺奶奶/外父外母同住…… 莫講話「扑嘢」都唔方便，就是所謂「相見好同住難」嘅考量，再一係就租屋等收鎖匙。據當地朋友表示，過去半年住宅租金持續上升。真係粗俗啲講嗰句，李顯龍 / 人民行動黨正宗「阻人扑嘢」等被「燒春袋」！
無錯，新加坡人普遍都係「鵪鶉」，但唔代表無忍無可忍大爆發嘅機會，2013年人口白皮書一役已經係例子，李顯龍再蠢都唔會唔知依家成個新加坡周街「炸彈」，仲搞乜嘢「旅遊泡泡」俾支那共匪播毒？所以武漢肺炎呢場生化武器戰爭未結束香港人都唔駛旨意去旅行呀。
影片節目有更多分享，歡迎收睇
Be the first to comment