舊年年初武漢肺炎爆發，外科口罩、消毒酒精啫喱等防疫用品需求突然急速上升，但本港存貨有限，加上病毒散播全球，導致防疫用品供應出現短缺。人心惶惶之際，眾多商戶四出各國採購，亦有唔少人自發搜羅，撇除當嚴加譴責那些欲趁機發「國難財」炒賣之徒，亦有唔少有心人希望盡點綿力，當中包括唔少議員。
小弟亦嘗試出一分力，但亦坦白，一方面以多年從商資歷知道供應短缺問題不會長久持續，另一方面以多年時事評論嘅經驗觀察並預計港人的一窩蜂心態，必定出現供應過剩甚至無法消化存貨嘅風險，所以縱使見到「供應短缺」問題不可能數星期內得到舒緩，在一位在越南經商多年的網友物色到當地有廠商能以接近往日正常價格水平供應符合規格的口罩及酒精啫喱，也未敢貿然行動，直到在網上「吹雞」眾籌加上多位友好議員團購，籌募到足夠支付貨款、船運物流費用，才正式向 LIX Detergent 訂購近500箱酒精啫喱。
全數在去年3月中運抵香港，並隨即安排派發予參與眾籌嘅網友及議員，餘下約250箱，租用一個「工廈劏房」單位存倉，希望半年內能全數消化。
我亦大膽坦白承認，若全數賣出，得到嘅利潤頗為可觀，但訂價僅約 HK$35.0 一支，絕無進行炒賣，對得住全世界啦！唔係要根本係大種乞兒嘅「左賊」嗰隻要我食西北風呀嘛?!
到了去年9月，貨倉租約到期，心中只想住唔好浪費，送去堆填確有污染問題，於是向業主商議續租三個月，並減價促銷，結果……
有幾位有參與眾籌嘅網友私下同我講，同過好多親戚朋友推介，得到嘅反應離不開「仲有大把未用晒」「仲賣咁貴?? 出面十蚊支都有啦」bla bla bla
即係應驗咗當日「一窩蜂心態，供應過剩甚至無法消化存貨」嘅預計，但同時應驗咗一個我從沒有公開過嘅諗法 ── 香港人唔會為自己製造嘅問題承擔責任。我嘅觀察不只是基於存貨未能全數消化，而係知道唔少議員花費咗大筆金錢搜羅咗口罩、酒精啫喱返嚟，原本「口頭承諾」話會夾返一份錢嘅街坊幾乎全部潛水去也，會蒲頭嘅就扮晒專家噏乜鳩14683 bilibala 嫌三嫌四推莊話唔撚要，我所知道損失嘅最大銀碼達六位數。
做生意唔係包賺，但做議員嘅呢？點解無幾多人會減輕佢哋唔應該承受嘅損失？無人叫你攞十萬八萬俾佢哋填氹，每人攞一百幾十出嚟，咁都唔做已經可謂過鳩份。另一邊廂，唔好話幫襯炒家就「心甘命牴」，擺明係騙局都要「中」個頭埋去唔見一萬幾千甚至三五七萬然後喊苦喊忽嗌生嗌死，恕我直接怒屌一句「香港人死鳩晒都唔撚駛恨」！
於是乎，決定清倉離場，只是一直同多家「泥頭佬」談不攏，不止是價錢，而係手續 ── 需要向環保署及消防處特別申請，故此一直由去年聖誕前拖延至今個月初。期間作「最後大劈價」，$1650 減至 $380，結果……
有網友響應，但售出數量仍寥寥無幾。但同時有好幾位網友私下同我聯絡，有些表示可免費提供地方擺放部份存貨，更有幾位支付金錢但講明「貨就唔要，同我捐咗佢，唔好浪費同污染」。
收到佢哋嘅實際行動支持，令到我同我嘅團隊成員可以响近期 Facebook 和 YouTube 的打壓重新振作，並成功聯絡到多家社福機構表示有意接收全部或過半數存貨。就在 Call4Van 協助處理運輸安排，在日前運送至以下機構：
香港基督教服務處
國際十字路會
備註：國際十字路會其中一項選擇性條款「是否同意義賣」。我揀選了「同意」，因為我知道這個組織長期有實際行動支援南亞裔港人。
有圖有真相呀DLLM！
其實整個清場安排可謂「碌爆人情卡」，因此本來有一位可免費提供地方擺放部份存貨嘅朋友，原預計可擺放的數量我也沒有用盡。保留下來少量存貨仍然在網店發售。
在此衷心感謝去年信任我而參與眾籌嘅網友朋友，更多謝最後伸出援手嘅幾位，銘謝之心，盡在不言中
經過呢一次「兩盒THX」，再加埋搶廁紙…… 所觀察到嘅真係「盡在不言中」。YouTube 節目將會講更多文章以外嘅內容。
Be the first to comment