「2021預測」其中提到馬來西亞最大政黨巫統領袖「咕喱」── 東姑拉沙里(Tengku Razaleigh)提出願意同「死敵」民主行動黨合作執政，同埋放棄血統種族主義「華人都可以係Malay」兩樣佢老人家幾十年嚟必定反對到底嘅主張，無跟開南洋新聞嘅當然唔知發生乜事；我當然get到佢講乜，但亦因為出自呢位老人家把口，唔止眼都凸埋，仲要「下巴跌埋落地」，所以認為係其中一粒「2021年忽得」。
簡介「咕喱」
一般香港人認識嘅馬來西亞政治人物，來來去去都係納吉、安華、馬哈迪，頂多加埋林冠英，極其量多一個因為桃色醜聞而知曉嘅「蔡CD」，其他嘅唔好話坐乜位、做過乜，隨時連大名都唔知係乜。
行年83嘅「咕喱」由1974年開始任國會議員至今，46年未斷過且是任期最長嗰個，所以係所謂「國會之父」身份。1976至1984年任財相，時任首相計有大家認識嘅納吉嘅堂叔胡先翁 (Hussein Onn) 至1981年由馬哈迪擔任。雖然1974年大馬同中共建交係佢促成，但同時係重炮殲滅馬共嘅「指揮官」，加上佢提出嘅財政政策針對較富庶嘅華人，因此大馬「華人」非常憎恨佢。事實上，「咕喱」恪守馬來人優先觀念，對華人嘅立場算不上友好。
1983年「土著銀行醜聞」，懷疑挪用公款及清洗黑錢，事件仲涉及响香港極之轟動嘅佳寧集團詐騙案 (所以話南洋政治點都會關香港事)。時為財相嘅「咕喱」可能因此被馬哈迪「貶官」工業及貿易部長，兩人並因此而反目，「咕喱」退黨出走，成立「四六精神黨」。雖然1990年與「死敵」民主行動黨結盟參加大選，但普遍認為不過是佢為求針對巫統嘅權宜之計，事實上响當年10月尾大選過後不久已經鬧翻。1996年解散「四碌」重返巫統直到今日。現為巫統政治顧問團主席，即所謂「黨鞭」。
清楚可見「咕喱」响種族方面嘅政治立場取態，引證佢响呢次專訪所講嘅係一啲佢從來都唔相信嘅事情，已經夠晒痴線。另外，「咕喱」嘅政治計算可謂比馬哈迪更細密，故仲有「老狐狸」呢個外號。單係睇1990年大選夥拍 DAP 就知道佢啲「數口」勁到一個點。因此，不能排除「咕喱」今次都只係政治計算戲碼；DAP元老林吉祥相信亦因而斷言拒絕合作。不過，「咕喱」今次所講嘅內容，真係「刀刀見骨」，亦引證成件事絕不簡單。
第一，所謂「華人都會係馬來人」嘅主張，係基於1947年脫殖運動嘅《人民憲章》「在馬來土地出生，視馬來土地為永久居留之地，並願意效忠，不分族裔皆是馬來人」。呢份憲章被視為馬來亞立國基礎。
仲有，「咕喱」不斷強調當年提出憲章嘅布哈努丁（Burhanuddin al-Helmy）為1956-1969年期間嘅伊斯蘭黨主席，即係將所有馬拉佬封口，尤其是如今最唔妥華人嘅現任伊斯蘭黨主席哈迪阿旺 ~ 開聲反對即係欺師滅祖 / 布哈努丁嗰陣你都只係二打六咋，出乜X嘢聲呀。
第二，以「必須以人民得益為先」Spin 巫統黨內所有拒絕同DAP合作嘅黨員都只係意氣用事；再講「巫統若能與DAP合作，必定係雙方以智慧分配權力而促成的」。「邊個唔同意嘅就係背叛馬來土地嘅白痴仔」，並非單純用「元老」身份「鎮住個場」
佢另外「洩密」1977年婉拒胡先翁提名任副首相，馬哈迪因此先至有得上位。呢招盡現佢「老狐狸」本色。事關胡先翁1990年離世，死無對證，「咕喱」講乜都得但不能盡信，不過馬哈迪亦因此無法反駁，事關一出聲就可能被批「死撐」/ 唔出聲默認「執二攤」。「咕喱」兩吓散手就成功拖住老馬嘅後腿。
「咕喱」咁做嘅目的當然無法知曉，但馬拉佬同華人响政治上嘅芥蒂係好難建立合作關係，馬哈迪响2018年有本事促成，相反角度亦即有能力扑散。照此推斷，該是「咕喱」要壓制住老馬，減少節外生枝嘅可能，意即佢有希望今次提倡嘅能夠成事嘅意向。當然，能否成事，唔係佢一個「黨鞭」可以話事。
提倡自己唔信嘅嘢？傻㗎
雖然，關於種族嘅主張佢唔係第一次講，上一次係2018年9月，但當年3月底大選巫統輸到仆街，佢講乜都無人理，或認為只係政治投機。但舊年3月「慕尤丁政變」，依家係馬拉佬話事。又當然，仍可能只係佢嘅個人政治盤算，但問題核心就在於「華人也可以是Malay」，呢個係馬來西亞63年以來「講嗰個死嗰個」嘅政治禁忌 ── 李光耀講過，卒之幾乎被拉去槍斃 (Singapore is Out 之前，納吉老豆阿都拉薩為首嘅一派主張以內部安全法拘捕李光耀然後判死刑)；民主行動黨繼承李光耀嘅主張，個個元老級人馬都坐過監，包括林冠英。「咕喱」唔怕死呀?!
你可以話佢已83歲，死唔死都無所謂；佢嘅仔女唔係從政，唔駛好似馬哈迪要顧住個仔，無後顧之憂所以百無禁忌，但始終唔係佢「信奉」嘅主張，就幾乎可以肯定「背後有啲嘢」。
馬來西亞當前嘅政局問題，除咗武漢肺炎支那病毒，就係舊年3月政變以嚟國會同政府自運作停頓，舊年9月安華又嚟政變但俾國王阿都拉搞兩搞變咗「無米粥」，一句講晒得個「亂」字。而「亂」嘅成因又係沒完沒了嘅種族主義問題同埋利益分配問題。有人想設法擺平，亦有人趁機搏亂攞著數。但撇開「咕喱」有何盤算，佢今次提倡嘅如果實現，一眾馬拉佬政棍無得「扮馬來同胞救世主先知」然後 I help you, you help me la，「黃皮膚黑頭髮就是中国人」嘅滲透統戰邪術亦無以為繼，咁就似乎解釋得到點解「咕喱」會講一啲佢自己從來都唔信嘅嘢出嚟；或者再衰啲講，以佢嘅「老奸巨滑」道行之高，無著數又點會咁講嘢。也當然不能排除廣東俗諺「嗰頭近，轉死性」。
今早馬來西亞同新加坡兩國政府發表聯合公告：隨住兩國之前簽訂備忘錄於今日失效新隆高鐵正式「壽終正寢」，睇住支那匪正式失去一個响馬來半島嘅搵錢兼滲透大計，所以拎返呢單一個星期前嘅新聞出嚟寫，同大家齊齊慶賀一吓。
後記：「咕喱」嘅主張其實對整個馬來西亞聯邦製造另一個麻煩，事關《人民憲章》只係俗稱西馬同英國佬「拗數」嘅事，與「東馬」嘅沙巴同砂朥越無關。
再者，沙巴自蘇祿王朝以來信奉伊斯蘭教，可能稍好少少；但砂朥越王國係一個以基督教為主要宗教嘅國家，Native language 係英文唔係 Bahasa，無可能以「憲章」處理。
Be the first to comment