唔專業解韱 2020 – 大逆轉巨變到臨

庚子年大年初二，小弟身體及精神狀態都陸續恢復過來，就同大家「開年」。先恭祝各位讀者朋友「身壯力健，龍馬精神，心想事成…… (下刪三百字)」 。

鄉議局劉二世業強繼續到沙田車公廟為香港未來一年運程求韱問卦 ，求得第92籤；另外沙田鄉事委員會為沙田求得71籤。同樣地先此聲明，小弟不諳玄學術數，純粹個人參透覺悟，唔會 sound-bite 模式求其解，諗到幾多解幾多。信則是，不信則非。

先睇吓 車公大元帥第92籤嘅籤文：

車公大老爺以呢枝籤嘅訓示係咁：
人生何在逞英豪 ── 做人要知道自己嘅能力，唔好恃勢凌人；
天理人情只要公 ── 更要記住「天理」兩個字，唔好諗住有權有勢巴撚閉蝦蝦霸霸；
天眼恢恢疏不漏 ── 唔好以為無人知你做緊乜、無人收拾到你；
定然作福福來縱 ── 福至皆因為善所積；同樣道理，禍臨乃行惡聚孽。所謂因果自種！積善或作惡，乃自身所擇。
另外，根據〈斷籤〉嘅「家宅裝風光」就順便提提你：你或者你跟嗰個大佬空心老倌嚟㗎咋！
仲有，「上天示警，不然災星」，即係叫你「有乜事發生的話，記得唔好話無人(神明) 提你！」

籤文响字面上其實係提示求籤者「慎言思行」── 「天理人情只要公」做人要講道理，處事要公平、公道；「定然作福福來縱」意指多行善得福，緊記「天眼恢恢疏不漏」而唔好自欺欺人。俗啲講嘅係「反省吓自己所做嘅嘢」而唔係「指點迷津」所以第92籤確實係中籤。當然，解籤還得因應求籤之人和所問之事。講到呢度，相信好多人睇完呢枝韱第一件事就諗到警隊 (姑且暫時用返正式名稱)。

「斷簽」的「家宅裝風光」，正正對返「毅進仔」呢三個字反映警隊嘅實力根基係零，著住套制服得個樣。試吓叫佢哋唔帶槍、OC Foam出更，唔好話對住佢哋口中嘅「暴徒」，行入條後巷佢哋都唔撚敢！更甚至乎成撚日撞車、巴士轉彎都轉唔掂…… 根本就一堆垃圾！

但佢哋又成日覺得自己係「差佬」好撚威，加埋「香港阿薩德」── 鄧炳強 (姑且暫時用返正式名稱) 落柯打可以濫打濫射濫打濫殺濫捕濫姦…… 中咗籤文第一句「人生何在逞英豪」！ 只不過就係「濫打濫射濫打濫殺濫捕濫姦……」，唔好話法治，淨係香港法例第232章《警隊條例》都完全唔見咗，連「法律」都無埋，就中咗籤文第二句「天理人情只要公」，不過係極地相反咁「中」囉！

至於「天眼恢恢疏不漏」，我嘅睇法係先對照返過去七個半月以嚟 謝振中、江永祥、汪威信…… 以至當然唔少得「香港阿薩德」，更仲有 7.21 元朗恐襲主角嘅游乃強、李漢民嘅一言一行。車公大老爺呢一句籤文該會係「你班撚屌當全世界白痴唔知你做乜呀？我依家就話你知全世界都知道你哋做過乜！」。甚至我覺得因為車公廟的道家因素仲要講埋新屋嶺同 8.31 太子站，軍政府衛隊殺撚咗人之後搵班唔止毫無道德操守，直情有違祖師訓誡嘅所謂法師作法「封印」亡魂。車公大老爺該是昭告天下呢班神棍準備禍臨頭上。我之所以講埋班神棍，係因為佢哋作(惡)法時所諗住嘅都應該係「以為無人知」。

若是以「以為無人知」呢五個字無限上綱的話，當然仲有港鐵，尤其是主席 歐陽伯權、行政總裁 金澤培、車務總監 劉天成。就算唔計封站飛站、714沙田鎮壓 (鄭柏林屈手)、721元朗恐襲、811葵芳站TG放題、831太子站大屠殺，呢四單嘢已經夠佢哋有排受。再當然唔少得 林鄭月娥、李家超、鄭若驊 (姑且暫時用返正式名稱) ，更加唔可以無份嘅 支那共匪，尤其是 張曉明、王志民 等等。

又姑且輕鬆少少咁講，呢枝籤最堪玩味嘅唔係有師傅搵到嘅籤頭「馬謖帶兵」，而係第一句籤文「人生何在逞英豪」對以斷籤嘅「家宅裝風光」「外強中乾」。因為除咗揭示警隊 (姑且暫時用返正式名稱) 係一堆垃圾之外，若以求籤者劉業強有如政府代表去理解，即係話香港特區政府 (姑且暫時用返正式名稱) 從來都係得個殼，响我嘅角度嚟講即係確認咗係「港共傀儡政權」。「傀儡」之上有宿主嘛，港共傀儡之上不就是 中国共产党！而我所參透到嘅係 車公大元帥「洩密」支那共匪其實都係得個殼，所謂「大國崛起」根本得啖笑，甚至加埋斷籤嘅「求財無」，即係眾多 港燦 成日以為「祖國充滿機遇」查實得個桔！

引伸出嚟，不論 林柒婆、比卡超、僭建工程師老婆、孟宏偉隻狗、香港阿薩德…… 以至民建聯、工聯會、經民聯、希師奶新民黨 (姑且暫時用返正式名稱) 等土共政棍，成日以為倚靠「阿爺」就可以作威作福大撚柒鳩晒，車公大元帥如今就昭告天下「你哋跟咗個空心老倌咋懵炳」。

舊年區議會選舉嘅結果可以話係俾呢堆江湖術語有云「跟錯大佬慘過劈錯友」嘅土共、以至港共軍政府一個警告訊號。只不過港共軍政府試圖透過 民政事務局 架空十七個區議會，與及鄧炳強同警隊 (姑且暫時用返正式名稱) 嘅囂張，就知道佢哋無諗過要退讓 / 繼續以為大權在握可以橫行無忌。而籤文第四句「定然作福福來縱」對以斷籤「上天示警，不然災星」，可以話係車公大元帥用上香港人最 like 嘅 直咇腸 mode 發出最後警告。

事實上，回顧 港共軍政府 尤其是警務處 (姑且暫時用返正式名稱) 在過去最少七個月嘅作惡之量及深，「定然作福福來縱」中嘅「福」已經無效，意指唔駛旨意有好嘅下場。或者姑且以「中籤」嘅性質而言，警告港共軍政府及一眾土共等「精精地好依家收手，尚且仲可以有條生路俾你哋走。仲繼續死撐就唔止死路一條，直情係不得好死，死狀慘不忍睹嗰隻。」

有無咁誇張？再講一次，此乃我個人純粹參透。只不過响舊年十月上旬，有港人於車公廟求得第五籤：

將勇兵強誰敢當，出征必勝世無雙；
一鼓功成歸捷報，凱旋歌唱喜昂昂。

有網友當時請我解說。我查找資料並思考參透之後全部推卻，只在 Facebook 出 post 簡單扼要的說明：

當日顧慮的唔係怕「洩漏天機折陽壽」，而係怕「洩咗度氣」── 大家等運到而唔做嘢，功虧一簣浪費車公大元帥好意，累到全香港就無謂。

第五籤有幾強？以過年重點節目打麻雀比喻 ── 起碼係「清一色對對糊十番」，甚至運氣好的話會係「自摸，大四喜，位位1024」。強到咁，點解呀?!

如今大年初二，又港共軍政府派劉業強求得 92 籤，以我嘅修行認知係呼應咗第五籤，所以就對第五籤講多少少。直接少少講，港共軍政府氣數已盡，班傀儡幹部唔好諗住走佬，諗吓自己嘅下場會係卡達菲、薩達姆、壽西斯古、米洛舍維奇、墨索里尼……. 唔好諗住希特拉 (自行了斷)，更唔好諗住皮諾切特 (有機會道歉)。

最後以籤文第四句「定然作福福來縱」作結，奉勸港人反思過往嘅不足以至不是，把握最後時機做該做的事。