區議會選舉 瘋狂大勝之後

區議會選舉終於塵埃落定，結果連我都「要換眼鏡」。眾所周知，我做形勢評估偏向審慎，甚至可以話保守，有預計投票率逾60%，但真係無諗過投票率「過7」、議席數目「狂風掃落葉」。結果係值得高興，但跟住落嚟就要做好工作與及政局變化嘅準備。

切勿因議席數目過份興奮

雖然總數 452席泛民取得388席，但總得票 160萬 vs 120萬，比率 57% vs 41%，頂盡只算勉強維持「64黃金比例」；嚟緊立法會選舉(如果 中国共产党 仲未滅亡) 地區直選仍然係比例代表制，即係預計結果同2016年比較唔會有太大變化，甚至 選管會「黑哨」+ 土共配票而輸返轉頭。

另外，睇返土共嗰 59席嘅得票比例反映嘅選民勢力分佈並無大變化，即係 共匪殖民「溝淡」係有成效，或相反而言證實「感化新移民」真係痴人說夢話。更直接講，唔終結單程證係唔會解除 共产党 滲透危機。

再另外，有唔少學術研究指出「兩黨制」概念的選舉，總得票比例超過 45% 就有可能出現議席壟斷 (2/3) 局面，所以真係唔好 high 過龍。

當選人切勿勝利沖昏頭腦

熱普城 班共諜之所以可以响選舉期間吹出人血饅頭、白票廢票、甚至「寧投建制不投泛民」呢啲口號，係因為長久以來唔少泛民議員嘅工作表現真係尸位素餐、到每次選舉先至出嚟「生人霸死地」。

唔少選民知道大局勢之下得要「小不忍則亂大謀」；另同時地，香港人終於見識到投票效果嘅威力真係可以「今次抬得你上天堂，下鋪可以打到你落地獄」，就必定會對當選者未來嘅工作表現有所要求，甚至唔可能滿足於「民建聯式成功爭取」。所以不論新手老鬼，唔該認真做好一個議員要做嘅工作。

選民切勿過高期望，唔好做「咸魚」

唔係唔好對當選人有要求，而係先要面對一個現實 ── 現有制度下嘅區議會嘅職權「咨詢」而沒有實權，所有地區事務權力仍然係响「垃圾桶局長」嘅民政事務局手上。

即係點？唔好話「壞」交通燈議員無得催促路政署召喚承辦商維修，就是垃圾桶旁邊堆滿垃圾，議員係無得直接 call 食環署派人到場清理，而只能通知民政事務署轉告食環署有件咁嘅事，食環署做唔做、幾時做、清晒抑或清一半，議員係無權過問。甚至乎因有大量缺德狗主搞到遍地黃金想掛一個狗屎桶，議員都無得「落柯打」短期內成事，而係要交返俾各區嘅民政事務專員發落。

無錯，民建聯嗰啲成功爭取，就係响咁嘅條件下產生。再講白啲，過去咁多年，18區幾乎每區嘅民政事務專員都會「鬆章」俾民建聯而刁難泛民嘅區議員；另要記住大部份公務員都有去上國情班接受 支那共匪 洗腦。所以，各位唔好以為如今泛民大勝佢哋會「手鬆」，隨時掉返轉加倍刁難。亦所以大家唔好對候任議員有太高期望，更唔好「咸魚」思維對議員們嘅表現可能不及以往，而係要清楚明白一切問題源於劉江華呢條冚家鏟，亦當然係成個制度嘅問題。除非恢復返區議會原有嘅職能同權力，甚至 升格到有如市政局 / 區域市政局嘅水平，否則劉江華呢條仆街一定會玩嘢。

議員民間合力爭取恢復區議會原有嘅職能同權力

點樣去爭取嘅行動策略係後話，我反而認為重點反而有無理據、籌碼同政府講數，因為「無 ground」幾大聲都無用。

港共一定話「現行制度行之有效，無修改需要」，而「制度」可以理解為憲政之下嘅事務，表面上 港共 (唔計 軍政府 嘅野蠻) 係可以睬你都有味。不過，我認為可以引用大部份民主國家憲法訂立議會嘅「修憲門檻」2/3 或 3/4 議席總數嘅概念 ── 泛民議席 388 of 479(連同新界牛屎佬嘅「當然議席」)比例 81%，reached「修憲門檻」，只要所有泛民候任議員聚埋一齊，或最少有320位，就「夠牙力」向政府迫宮。

問題除咗 388位議員能否聚結而成之外，更重要嘅係民間要再次展現實力，俾呢 388位議員有更足夠嘅「籌碼」。我相信坊間大部份人無諗到可能性 / 認為政府唔會退讓，但姑且提出「2/3 或 3/4 議席總數修憲」嘅概念作為論述拋磚引玉予各方 brainstorming 如何實現，甚至思考一吓「執政意志」呢四個字。

港共政權、支那共匪、土共政客全方位大反擊

若用正常對民主制度嘅觀念去睇，港共政權、支那共匪、土共政客 應該願賭服輸，可是三者合成也不過是 中国共产党，就必定想輸打贏要。

之前我預測過最壞嘅 scenario 係林柒婆「唔承認選舉結果」，雖然柒婆鳩噏「尊重結果，認真反思」，但撇除咬文嚼字未有講「承認」兩個字，港共軍政府 以至 那共匪 係可以响2019年12月31日23:59 之前以任何方式阻止候任議員上任。唔好認為美帝嘅一連串行動可以阻嚇 林柒婆 同 張曉明 唔敢亂嚟，反而要記住有得你叫 共匪 賊嚟㗎！更是 共产党 對香港嘅態度就係「留地不留人」，因此要不能排除任何極壞嘅可能性。

就算美帝紙老虎真係嚇到佢哋唔敢做咁盡，一樣有大把賤招對付泛民。其一就係前面所講，由垃圾桶局長繼續操盤，刁難所有泛民議員，與及削減常規撥款、取消「特別撥款」…… 其二係 林柒婆 進一步削弱區議會職能，例如取消所有會議表決嘅約束力 (雖然依家都無，係直情叫所有部門唔駛理)；其三係可以係 劉江華 重演 陳維安 於立法會嘅戲碼，吩咐各區議會秘書處職員向議員進行不合作運動；其四係 林柒婆大舉委任「失業大軍」 ……當然一定仲有其他我同你响呢一刻仲未諗到嘅招數啦！

至於班「失業大軍」我相信都係會發爛咋，估計一方面响議會內外做盡一切向下一屆區議會拖後腿嘅仆街事，另一方面會係向 港共軍政府、統監府、港澳辦 伸大手板攞錢攞資源、唔委任入返區議會都要返一官半職。

但我覺得最最最最大鑊嘅將會係唔少當選人明言要徹查過往賬目，睇吓班 土共 cap 水有幾過份，我好肯定當中一定有貪污、偽造賬目、公職人員行為失當…… 全部係要「坐幾年」嘅刑事，佢哋必定會極地反擊，甚至我好相信班 土共 連埋劉江華責成秘書處 銷毁緊啲文件。所以，講返轉頭，真係唔好為選舉結果太開心，事關成個爛攤子要收拾。

候任議員同民間都要做足準備工夫

就是選民嘅期望，土共議員留下嘅爛攤子、仲有 港共中共 種種作惡圖謀，不論新任或是連任的議員，都不能怠慢；更是新丁素人缺乏從政經驗，更加要設法盡快熟習區議會嘅運作、地區政策事務工作、應對各政府部門官員嘅遊花園打官腔。

至於可以點做，我當然唔會公開講，但若果想分享交流，可以聯絡我相約安排。議會運作我就唔曉，但地區事務、政策，同政府部門「打交」，我都算有唔少經驗同心得，即管盡點綿力，能夠同大家一齊响未來四年用行動證明沒有親共派主導嘅區議會嘅事務會更加好。