明早區議會選舉，我已經先後兩篇文章分析形勢，呼籲大家無論如何都要去投票，要「倒票」俾泛民候選人，務求營造出一個宏觀、多角度 對香港 有利嘅局面。
過往我只响立法會選舉有推薦名單，今次區議會選舉就首度有推薦名單。全港18區 452個議席都有競爭，我嘅基本立場係 All-in 泛民區選聯盟 (但剔除 油尖旺 尖沙咀西 及 屯門 三聖選區。名單之後會較詳細解釋) ，其實可以唔駛寫，但有一部份候選人係現實認識多年、曾經共事過，甚至可以稱得上朋友嘅，或有一啲戰略考慮，所以就有我會稱為「精選心水推介」名單，呼籲所屬選區嘅讀者朋友全力支持佢哋。名單如下：
1. 港島區
中西區
中環 – 許智峯
呢位兄台，應該唔駛我再解釋。但我要「申報利益」：古晉家族另有一個定居香港嘅分支家庭，許智峯認識佢哋。
石塘咀 – 葉錦龍
游蕙禎之後政圈另一個少有地响第一次見面就主動同我打招呼嘅人。唔係咁就另眼相看，而係代表佢已知道從政者該有嘅基本態度。咁多年來，我對踏足政壇人物最著重嘅係心態。地區工作表現可以靠經驗累積，但心態唔好就想改都改唔到。
灣仔區
軒尼詩 – 夏希諾
有少少純粹交情，但相信長期讀者朋友都知道我嘅處事作風，係公事公辦，「友情」係唔會凌駕公眾利益嘅考慮。
東區
阿公岩 – 陳溢謙
由「反高鐵」、「尖碼」識到依家，合作過無數議題。
南區
利東一 – 羅健熙
仲駛問咁多嚟把鬼咩?! 投啦！
利東二 – 陳欣兒
田灣 – 袁嘉蔚
我同區諾軒嘅交情，相信都唔駛再多講；佢培訓得嘅接班人，心態、表現、修為質素我相信唔會差得去邊。
華富北 – 嚴駿豪
同樣地，我同柴文瀚嘅交情都唔駛再多講；佢培訓得嘅接班人，心態、表現、修為質素我相信唔會差得去邊。
黃竹坑 – 徐遠華
相信無乜人知道我同 Kevin 早在「尖碼」時期已經認識。
2. 九龍區
九龍城區
黃埔西 – 鄺葆賢
黃埔東 – 關家倫
紅磡 – 關兆倫
呢個組合，我都應該唔駛解釋，但對關氏兄弟有少少補充：
通常稱為「殯儀區」嘅街坊，四年前嘅「錯誤」而「受」咗幾多，我唔知。但唔想繼續「受」就投俾關兆倫。
同樣道理於黃埔東，唔計近呢五個月，鼠王芬嘅禍患有幾深，你哋應該心中有數。IT 術語 Garbage in garbage out，跟住隻老鼠「學師」嘅會做到嘢??
紅磡灣 – 任國楝
呢個又係仲問咁多嚟把鬼咩?! 投啦！
鶴園海逸 – 郭天立
余志榮嘅違禍，唔駛多講啦。崇安街、庇利街一帶嘅交通問題，唔爆晒大鑊都唔出嚟鳩噏扮爭取，呢啲係議員嚟㗎？叫佢躝返去海逸皇宮洗碗捉老鼠啦！
郭天立係經驗淺，但肯學肯試，例如「阿蓉阿珍旅遊巴」嘅問題，佢同黨友郁手早過余志榮條仆街先啦！
宋皇臺 – 楊振宇
2016年立法會選舉原本係民協「超區」代表…… 已經代表咗佢嘅實力！
常樂 – 黃永傑
雖然相對前面嘅推薦名單較少接觸，但我所知道同見到嘅，絕對唔係民協嗰隻老油條揸流灘。
深水埗區
美孚北 – 李俊晞
我姑且「扮老人家」講嘢 ── 睇住佢做 intern，睇住佢落區。
觀塘區
觀塘中心 – 梁翊婷
繼游蕙禎同鄺葆賢之後，我見識到「戰鬥格」嘅女性政治人材。
黃大仙區
瓊富 – 莫嘉嫻
同任國楝同級數嘅猛人，仲問?? 投啦！
正愛 – 岑宇軒
鳳德 – 張嘉宜
慈雲山建設力量歸類係「傘後組織」，雖然我無份建立，但有親眼睇住呢個組織嘅建立。
油尖旺區
富榮 – 李偉峰
民主黨人派膠出醜乃常見之事，佢係我記憶中第一個被我恥笑完之後會走嚟問我「喂，衰咗啲乜呀？」嘅民主黨黨員。
奧運 – 涂謹申
我坦白承認，純粹「還人情」。但所謂「得人恩果千年記」，做人係要識得飲水思源。
尖沙咀西 – 簡浩明 KHAN Abdull Ghafar
乜水？水炮打清真寺，Mohan Chugani 之外另一個有接受傳媒訪問嘅受害人囉。 要講到「對抗暴政」的話，其餘三個候選人都企開啲啦！
無錯，佢之前嘅政見係偏向土共，但 水炮打清真寺 一役，雖未有如 Mohan 咁「勇武」，但相信點都會有少少改變嘅…..
最重要係選區重劃無咗九龍站上蓋，ethnics South Asian 同胞係呢區 Key factor，你認為 老K盲粉上腦嘅 陳嘉朗 會識得應對呢班長期被邊緣化嘅族群嗎？
所以，我直情剔除陳嘉朗嘅原因唔止「私怨」；但又可以講，「私怨」所反映佢嘅人格同智慧、能耐，我睇唔到佢可以妥對處理呢區嘅 Key factor。
3. 新界區
屯門區
恒福 – 朱順雅
摷我啲舊文啦，佢真係一個「女強人」。
荃灣區
馬灣 – 譚凱邦
四個字 ── 百屌成才 (進行中)，但其實算唔錯。
綠揚 – 潘朗聰
有少少類似 美孚北 – 李俊晞 個情況。
葵青區
長康 – 王振霖
我係响「巴士佬圈子」識佢。佢係我議政歷程裡面第一個人走嚟同我講「我只係唔想俾件共产党自動當選，你可唔可以幫吓我」。
經驗淺？嗰條試驗性質村巴，佢有份諗出嚟，然後走嚟搵我 fine tune 㗎！長康嘅街坊諗返吓徐曉傑呢條友除咗做樣要求原有巴士線加密班之外仲有做過乜吖?!
長安 – 張文龍
响「尖碼」後期認識，2014年佔領之後有較多接觸。佢係另一個諗出嗰條試驗性質村巴嘅人。
葵涌邨南 – 黃潤達
街工本來其實好多臥虎藏龍，但就係一個梁耀忠……
簡單講：黃潤達呢個人，係做到嘢嘅人！
荔華 – 張鈞翹
呢個人，犀利咯！認識於「尖碼」時期，嗰陣佢只係中學生。
從政唔係講年齡，係講「肯唔肯落手落腳」。荔華呢個選區，又公屋又居屋仲有村屋，唔止九華徑，仲有長坑村，少啲毅力都唔得呀。
元朗區
元龍 – 張秀賢
天恒 – 王百羽
呢兩個仲問咁多嚟把鬼咩?! 投啦！
頌華 – 陳詩雅
雖然佢唔係 梁翊婷 嗰種「戰鬥格」作風，但絕不嬌柔造作。「傘後新人」我唔係睇得上眼好多個，但佢係其中一個。
────────────────────────────
以下呢個，大家可能好大逆不道，但有非常強大嘅戰略意義
瑞華 – 周永勤
當大家嘅眼光聚焦於721元朗恐襲嘅時候，仲有幾多人記得周永勤係第一個「何君堯苦主」呢????
以前係自由黨又點呢？田北俊夠仲係黨員啦，你哋唔係睇佢抽水睇得好開心咩????
不過，响「大局勢」層次，我認為只要黃子毅 < (周永勤+林進)÷2，呢一區達成前兩篇文所講嘅戰略目標。
大埔區
怡富 – 任啟邦
富明新 – 關永業
新富 – 胡耀昌
────────────────────────────
北區
華明 – 陳惠達
天平東 – 劉其峰
────────────────────────────
西貢區
軍寶 – 黎銘澤
澳塘 – 呂文光
理由得一個：新民主同盟！
講到新同盟，當然唔少得認識最耐嘅…..
運亨 – 范國威
健明 – 梁里
欣英 – 鍾錦麟
再講一次，我嘅立場係 All-in 泛民區選聯盟 (except 尖沙咀西 & 三聖)，以上嘅係「精選心水推介」，唔代表其他選區嘅泛民候選人唔掂。
至於三聖嘅巫堃泰，呢條友最常掛咀邊嘅一句說話係「識人好過識字」，成日想左右逢源討好各方、食兩家茶禮，呢個正正就係黃世澤近年不斷「爆佢樽」嘅最根本源頭成因。一個好聽叫「世界仔」、唔好聽叫「古惑仔」從政會有何後果？西門梓敬 咪就係例子囉。再甚至佢嘅私德….. 表面只係私人事情，但有無假公濟私….. 放長雙眼啦。只不過無奈地得一個叫蘇炤成嘅對手，故此我宣佈對呢個選區中立。
或者你係瞓醒先睇到呢篇文，希望你能夠更堅定嘅去投票 & 呼籲更多親友去投票並以 All-in 泛民區選聯盟 為基礎去投下選票。
Be the first to comment