明早就係區議會選舉，如果你仲猶疑緊去唔去投票，咁就先睇咗我噚日嘅宏觀戰略分析。簡單嚟講，聽日投票嘅重要性在於國際社會極度密切關注並視之為衡量香港仲係咪有一啲原則性因素值得去幫 (利益角度其實好清楚，我唔响度重覆，總之「政治就是利益」而香港有利益價值)。
如果仲係未諗得通，就再睇多一次前文，我講得好清楚「我對泛民恨之入骨但都基於戰略考慮」而提出我嘅主張就係「倒票俾泛民」。簡單而直接啲講，我作風「硬」到咁都「大局為重」咗先，因為香港逃出 支那共匪 魔掌比懲罰泛民更重要、更優先！
如果仲係猶豫不決，甚至「條氣唔順」的話，再睇我以下嘅補充：
1. 我開口埋口「除了議席以外沒有別的方法開飯」「永續抗爭呃飯食」「永遠反對派唔駛承擔執政責任」屌撚到泛民班友反艇，但又事實的 泛民有十二年無主理過地區事務，鬧、屌係唔夠實在的。但如果今次大勝而又都係做到一 pat 屎，就應驗同證實咗我無鬧錯，你哋無憎錯。
2. 唔少人話「制度不公義，所以唔應該跟共产党嗰套玩」，咁我想問 梁國雄 同 曾健成 又去選 ?! 無錯，當前嘅選舉與及嘅政制就正如《少林足球》謝賢嗰句對白 「頭證旁證主辦單位足協贊助商都係我嘅人……」再簡單啲講：場波 (選舉) 係 黑哨
迤住踢觀眾未必睇得清楚係黑哨；但相反地認真落力去踢，就盲嘅都會清楚睇到係「黑哨」。唔好話 西方列強 有足夠證據可以開拖咁遠，香港仲有大把人懵吓懵吓，周街都係「耶穌復活後嘅多馬」── 親眼睇到先至信。
3. 承第 2.點，2017年特首選舉，曾俊華嘅「假戲真做」就敲醒咗好多人終於發現原來所謂選舉委員會係可以唔跟民意，先至肯定知道無真正普選真係會出事。既然當年做出咗個效果，今次何不照板煮碗 ?!
我仲未預計到 港共軍政府 以至 共产党 會有乜嘢動作，但「認真踢黑哨」先至可以使 共匪 現形，甚至可能有意外收獲。
最簡單吖，林柒婆 (張曉明) 的確想提早閂票站，但如果無人龍排隊，Reuters、CNN、BBC、ZDf….. 點會影到有幾荒謬呀！
複雜少少，投票率高，而又响點票期間泛民候選人有明顯優勢的話，馮驊啲手下想响點票時做手腳的話，就分分鐘 總票數 > 登記選民人數
仲唔明就再講多個例子：
食店請打手响 Open Rice 寫嘢灌水正評都唔係乜嘢秘密，你屌柒後面嘅 JDB Holdings Limited 根本就無作用，但「拖馬」啲識飲識食嘅朋友去試菜，嗰間食店是龍是虫就必定現形。例如星馬印尼菜食店，點吹點「打手」都無用，我呢啲南洋怪獸去食一餐…… (某間餐牌有「沙勞越喇沙」嗰間，我已經周街唱)
若然仲嫌我只會講「草根」角度層次嘅嘢，想要睇啲深入少少，例如有啲歷史角度嘅，去睇黃世澤講愛爾蘭共和軍歷史如何 apply 於今次區選。
再講一次，唔係叫大家「含淚投票」，而係响目前大形勢要明白事情有分緩急輕重、有先後次序，依家最急嘅係乜，就係應付戰局。姑且直咇腸講埋 (香港人真係太撚唔用腦)：撇除舞弊，如果今次區選又係土共過半甚至大勝，鄧炳強 嘅變態所為唔會變本加厲你返嚟搵我！
但如果係泛民勝出，張曉明、習近平點唔忿氣而想武力升級都增加咗難度，而再推後少少，見到網上提出泛民可以聘請班失咗業嘅 勇武派手足。我同意呢個講法，雖然客觀上無可能請得晒，但至少都叫做解決咗部份「民兵」嘅生活問題。而就用港豬對應罷工嗰句「你養我呀」，唔支持明天投票俾泛民嘅係咪養班民兵兄弟姊妹吖?!
未諗到投邊個？唔好玩啦……. 我講到明「倒票俾泛民」咯！不過，有幾個選區土共候選人之外只得熱普城，我以「瑞士模式」中立不表態，另外仲有一個選區都會中立。如果時間許可，今晚會提供「精選心水推介」。總之大局為重，聽朝早起去投票。
硬膠選舉條例：
梁國雄 參選的 九龍城區土瓜灣北(G16) 的候選人尚有李慧琼；
曾健成 參選的 東區樂康 (C32) 的候選人尚有李進秋。
Be the first to comment