三日後就係區議會選舉。唔計 支那共匪 打算取消嘅問題，好多人猶豫去唔去投票，或者接受 熱普城 嗰啲仆街嘅煽惑投廢票或白票。的而且確，「血債票償」 呢四個字辣著好多人， 包括我在內。但我唔會叫大家唔投票，而係呼籲大家區選係一定要去投票，更是明言「唔該倒票俾泛民」。
唔係又要「含淚投票」，我講得就梗係有一定理據，當中包含嘅有對付或防範 支那共匪 嘅戰略考慮，仲有當前香港局勢最重要嘅國際政治戰略。
首先，雖然 港共軍政府 取消選舉嘅可能性仍然存在，但姑且「太平狗」嘅思維，如果泛民取得多區過半，即使 港共傀儡政權 又玩削權，最起碼阻截咗嗰啲例如音樂噴泉、水泥燒鵝之類無撚鳩謂工程cap水大計。再又雖然共产党點都有辦法將慳到嘅公帑 cap 到手，但能夠阻礙 支那共匪 要做多幾重功夫，都係成效。
第二，除咗取消選舉之外，當然仲有種票呢種慣晒手勢嘅舞弊方式。但就算點晒票，未到「宣誓DQ」之前仲有一招叫做 「唔承認選舉結果」。無錯，就係有如委內瑞拉、敘利亞之類嘅獨裁政權嗰種「輸咗唔認數」。
想像一吓，如果泛民議席過半甚至大勝，林柒婆、張曉明…… 真係使出呢一招，共产党 於選舉嘅野蠻徹底表露無遺 ── 選舉前選舉後嘅嗱喳招數全部齊晒。香港人真真正正可以同 中国共产党 反大枱之外，西方列強 亦有齊足夠理據正式介入 (甚至軍事介入) 香港。
但以上呢兩個 scenarios 唔去投票，唔倒票俾泛民，點可能出現?! 無錯，共匪 於選舉嘅矛招已經多不數，但就係爭咗「唔承認選舉結果」呢一種回顧歷史於國際政治上最仆街但又最「撩交打」嘅招數，何不學吓毛澤東嘅引蛇出洞嚟打著紅旗反紅旗。
第三，响國際政治方面，星期日嘅選舉雖然唔係「國會」級數而只係「地方議會」，但因為全港18區452個議席一同進行投票，亦可以視為全民政治表態。幾唔鍾意2010年嘅「五區總辭，變相公投」都好，現實就係國際社會會睇住星期日嘅選舉結果，包括泛民 vs 土共 所得議席總數 及 得票數字/比例，作為觀察香港人對爭取民主、人權、自由嘅意志同決心。 如果點票結果泛民議席過半，又或者議席唔過半但452席嘅得票總和過半，國際社會就最容易攞到數據即時做判斷。
唔好覺得國際社會睇得咁表面咁膚淺，掉返轉講，就以每次台灣選舉為例，你哋唔係都只係睇呢啲數據咩？有幾多個人會真係留意每個縣市甚至逐個選區嘅點票結果？例如舊年縣市長選舉，新北市長蘇貞昌 vs 侯友宜，三重、新莊、板橋、新店區嘅得票，有邊個會花精神時間去研究？又或是2016年立委選舉，Freddy 林昶佐為何會响普遍視為老K安全區嘅中正萬華勝出？萬華區嘅西門町你哋都未必識，其他嘅你哋知條毛咩！
如果仲未諗得通，我仲有一個「大攬炒」嘅分析估計：假設選舉、點票一切正常進行，以現時香港及中国嘅政治局勢，11月24日當選嘅人响 2020年1月1日係咪可以正式成為區議員，真係都成疑問。唔好又覺得我鳩吹講得咁誇張，可知道 共匪治區 入面根本就七國咁亂，甚至「曾鈺成接(疑似)朱鎔基孫女」單嘢…… 具體我就不便透露，但讀吓法國大革命歷史當中「貴族參與革命」嘅部份，又或者1965年新馬分家歷史當中「認同李光耀主張嘅馬拉人」嘅部份，應該會參透到我想講乜。
另外，長期睇開我寫嘢嘅讀者朋友都會好清楚知道，我憎泛民憎到入骨，開口埋口「除了議席以外沒有別的方法開飯」「永續抗爭呃飯食」「永遠反對派唔駛承擔執政責任」屌撚到泛民班友反艇，甚至獨家挖出民主回歸臭屎，但今次都「絕對直咇腸 mode」呼籲倒票俾泛民，大家應該好清楚星期日投票嘅重要性有幾咁高。
所以，星期日唔該真係要去投票，我嘅立場已經好清楚。如果時間許可，我係會提供「心水精選推薦名單」俾各位 All-in。總之，局勢分析、形勢需要我已經講晒，甚至可以話連「心理輔導」都應該同大家做埋，但民主原則就係要堅持聽嗰班「斡旋見唔到、勇武前排無响度、戰場後援影都無，就連冷氣軍師都只係鳩噏無料到嘅熱普城」而唔去投票或投白票廢票，都係你嘅抉擇。不過，亦請同時記住一句大家經常老生常談嘅說話：
路係自己揀，仆街唔好喊。
1 Trackback / Pingback