今次三罷同 8月嗰次一樣，都係有大量「我好鍾意返工」嘅人堅持要返工，呢種態度思維其實就係導致勇武派手足 (呢度將會改稱「反暴政民兵」) 聯同各路人馬發動堵路、封鐵嘅原因 (無之一)，目的就係製造客觀條件使人人都返唔到工。雖然歷史上的大罷工都有類似阻止返工嘅行動，可是香港人總係倒果為因，就成為 支那共匪 製造輿論嘅「彈藥」。
好多人 (不論乜嘢立場) 都以「搵食」為「理據」而不欲罷工，更當然有唔少人以「老細炒魷」為藉口，但就無幾多人明白「齊心就事成」嘅道理 ── 一個罷就要怕老闆炒你，冚世界一齊罷就老闆怕你。我明白人性總係自私，深怕被篤灰，所以收收埋埋唔敢表態、唔敢吹雞；但我最唔明白、甚至係最唔能夠接受嘅係，明明有晒客觀因素令到你可以唔返工，堅持要返而返極都未返到就怨天尤人。心諗你哋想點呀，你鹵味！如果除咗醫護、運輸等必要嘅行業之外，冚世界都主動唔返工 (唔返學)， 民兵又駛乜要堵塞道路、隊冧鐵路，然後送子彈俾 港共軍政府 / 支那共匪 搞輿論！
舊年颱風山竹之後，好多人埋怨 林柒婆 無宣佈停市停課；到今次，同樣有人發出類似嘅怨言，今早「兒童洗腦局」(即係教育局) 宣佈家長自行決定是否讓子女上學，冚世界就只係怒屌「點解唔早啲宣佈」，而唔會用自己個腦去做判斷。我已經唔期望呢啲「我好鍾意返工」嘅人會識得用「軍政府」去理解當前嘅局勢，但一味批評官府不負責任，而唔係自己盡返做老豆老母嘅責任，咁又係咪不負責任嘅態度呢?! 掉返轉講，如果主動參與罷工，你就可以留返响屋企照顧細路，咪唔駛等洗腦局公佈囉！真係簡單嘅一句「你個腦响邊呀？要去養和做4D腦掃瞄就趁呢期無乜 支那蝗蟲 就去啦，DLLM」
或者大家會認為我鬧得好撚盡，但試諗吓由6月9日以嚟呢五個月零四日，點解仲未爭取到實質成果，仲相反地 港共軍政府 支那共匪 會作惡無上限？表面上係民兵對 軍政府 武力不對等，實際上係香港人唔夠 支那共匪 奸狡，成日幻想政府、警隊(姑且用返正式稱呼) 仲有良知…… 無錯，就係「逃避現實」呢四個字。成因基本上離不開我之前講過「過咗好耐表面的太平盛世，仲未接受到香港進入動蕩不安嘅年代嘅現實」。呢種「太平狗」嘅心理狀態，就係試圖維持原有的生活以迴避、試圖否定現實，排除所衍生要承受嘅壓力。每當 軍政府衛隊 瘋癲暴行出現，被迫面對卻不懂面對，於是就要宣洩情緒。嗰啲「點解政府會咁做」「差佬係咪痴線」之類嘅Post，就係咁樣出現。
另一種比較厚黑嘅成因，就係香港人太習慣飯來張口，甚至再直接嘅講法係「只圖不勞而獲，坐享其成」。一味只希望有彌賽亞拯救遠離 支那共匪 的凶惡，但就唔願意「決志歸主」。實際啲表達，就係希望勇武手足以至西方列強到臨打贏共产党，但自己付出最少。不過由於所謂良心而要嘅表面功夫，就「工照返，贖罪券式抗爭於Lunch time」，又或者見到民兵時就話「多謝你哋」。
我唔係要搞「割蓆」，而係要迫所有人，特別係「我好鍾意返工」嗰咋「和理非」面對現實 ── 香港根本由 2019年6月12日開始就在內戰狀態，依家嘅政府係一個以武力威嚇人民屈服就範嘅軍政府，已經開槍殺人、強搶民女、見人就打。
逃避現實換來一時之快，但呃到自己又如何，到頭來咪又係要受！更是自欺欺人如今直情會累街坊、可以累死全香港，你仲避就真係不負責任！家陣叫你罷工唔係要你死呀！掉返轉，你敢保證 支那共匪 唔屠城都打算重演 Ugandan Asian peers 歷史？唔係咁都唔識衡量呀嘛?!
「香港你同我都有份」唔好得個講字，就算班民兵唔駛你打埋一份，繼續做「和理非」都唔好「逃避現實」以至坐享其成心態，變相拖後腿、「送子彈」俾 共产党。
後記：「太平狗」嘅典故係明末清初作家馮夢龍的《醒世恆言》卷三《賣油郎獨佔花魁》小說中的「寧為太平犬，莫作亂離人」。呢篇小說大綱內容係講叫雞扑嘢，全文就你哋自己慢慢搵嚟睇。但試問過去呢十幾廿年以來，唔好話「叫雞」會惹起道德爭議，有邊個敢承認你無「扑嘢」嘅問題？更唔好話游蕙禎當日講呢兩個字你有份話佢粗鄙！
Be the first to comment