近期香港人捱打 港共軍政府衛隊 暴行 ，對美國《香港人權及民主法案》就好似荒漠甘泉，期望盡快通過實施對 港共軍政府 作出制裁就可以「止暴制亂」。可是，除咗熱普城 等一類 共諜 吹淡風，好多人都沿襲「嫌錢腥」嘅思維習慣，以為美帝注重民主人權應該過硬，但一見到 Mitchell McConnell 疑似拖延就只係識鬧佢正一仆街 / 佢老婆係共諜…… 而當例如 Solomon Yue 之類美國政界人物「提水」留意商界因素，香港政界又只係回到「收錢做嘢正仆街」 但就無人識得稍為正確少少做分析同處理。
我好坦白承認唔熟美國政治，但都知道「政治捐獻」响美國並唔係乜嘢秘密，捐得錢嘅都想响政治發揮影響力，要真正知道發生乜嘢事的確就要回到「收錢做嘢正仆街」嘅邏輯。一直有話美國參議院審議因為同 中国 有生意往來嘅企業基於政治捐獻導致《香港人權及民主法案》出現滯後，甚至「吹淡風」未必能夠通過。
無可否認，嗰啲同 中国 有生意往來嘅企業確實係法案審議滯後而可以「吹淡風」嘅原因，但又要明白美國政治唔係 核突支那Style 有錢使得鬼推磨，有一啲基本政治原則必須守返。所以對於收受嗰啲企業捐獻嘅政客嚟講，現階段係一個進退兩難嘅局面 ── 支持就得罪金主、唔支持就得罪國民。順便要講，唔好用香港井底蛙嘅思維去睇外國政治係必須的！
至於負責响參議院「撳制」嘅 Mitchell McConnell (以香港 mode演繹，費時大家睇唔明)，「佢老婆係趙小蘭」呢個 fact 已經夠惹人懷疑有心拖延法案，而再睇埋佢主要收邊啲金主嘅錢，佢似乎真係有少少要講清講楚。
排首位嘅 Blackstone Group 都唔駛再多講，大家都知乜嘢料；可能要「關注」嘅除咗 Goldman Sachs之外，仲有第7位嘅 KKR & Co，事關本身已經有唔少業務同中国有關，最近更以接近 8億美元收購 生產型 LED 燈具 及 香港一般街燈照明組件供應商嘅 雷士照明 (2222.HK) 旗下的中國業務 70% 股權。仲有Votesane PAC、NORPAC 與及 Brownstein, Hyatt et al 表面睇好似無乜嘢，但 支那共匪 有否暗中委託，不得而知。
其他嘅企業我認為算是安全，例如第二位嘅 UPS，匪區業務收益佔整體只得2%，而且美中貿易戰之下總體盈利有增長；Metlife Inc 主要收益亦都唔係响亞太區。有好幾間醫學有關的公司，例如發明「犀利士」嘅 El Lilly & Co 、「偉哥」嘅 Pfizer Inc、癌症標靶藥嘅 DaVita Inc等等，但有幾多中国人會買吖！
Geo Group 可以理解成私營懲教署，同樣表面上應該無乜「中國因素」；不過 Google 搵到有發生過涉及囚犯人權嘅醜聞事件，即係道理上佢無得唔支持條法案。
Comcast 即係美國「全國廣播公司」 NBC 如今的真身 NBC Universal (NBC 同 環球電影合併的公司)、及英國 SkyTV 嘅母公司。表面上都應該對法案無乜影響，不過可以考慮多加利用佢持有嘅兩間廣播機構所衍生可能對香港有利嘅因素。
所謂「有求於人」就係當前香港嘅現實狀況，當然要「關注」點都應該要客氣一啲。要記住 Mitchell McConnell 只係 one of the key persons，遊說工作唔可以只係集中於佢，而係要全面。但無論做得幾多，至少一定要搞清楚 How to do。因此，點憎伍淑清都好，「裝修」千祈唔好 target Starbucks。事關有接近美心集團嘅報料表示，就算全線所有店舖要重新裝修，即使保險唔賠，造成嘅損失相對整體業績嚟講只係「散銀」；但我哋要同美國社會、商界解畫都有撚排解，絕對係「傷敵一千，自損一萬」之局。無錯，真係要解都係可以解得通，但要耗用幾多時間呢？再者，所謂「地球係圓嘅」── 你香港人可以「原則塔利班」美國人都一樣可以，美國商界可以一句 Your anger to Ms Wu are not my business 就收鳩我哋皮。
Be the first to comment