區議會選舉唯一响候選人抽籤號碼都仲收到確認嘅黃之鋒，今早 (29OCT) 10:45 正式收到 林柒婆馬房「食洋腸」嘅 蔡亮 通知，正式被 DQ。呢件事可以話正式證實原本南區嘅選舉主任 馬周佩芬 突然 sick leave 吹起 支那共匪 有死命令「點都要攞黃之鋒祭旗」嘅江湖傳聞絕非子虛烏有，同時亦幾乎可以預計11月24日大家未必駛去投票。
我先前已經講過，支那共匪本來有一個「全面DQ候選人」嘅劇本。只不過正想行動之際，可恥嘅 美帝走狗紙老虎 突然通過「加辣版」《香港民主及人權法》，兼且講明要收集由2015年區選以來有份操作 DQ 嘅選舉主任名單以準備展開制裁，搞到個個於愛國課題口不對心嘅幹部通通要向美帝紙老虎卑躬屈膝。林柒婆 隨後放風不排除押後選舉，就係對應美帝嘅「干涉內政」宣佈「我仲有攬炒後著」。
既然已有押後選舉呢個「大絕」後著，道理上其實可以好好醜醜俾所有人入閘，唔駛要班 AO 幹部怕孭鑊唔肯「配合劇本」。只不過支那共匪視 黃之鋒 係必須鏟除嘅眼中釘；而且 共匪 認為班選舉主任未有跟隨黨的指示，乃因 黃之鋒 早前出訪歐美而導致，所以必須狠狠懲戒，因而成為「死命令」。
共匪對選舉延伸的政治盤算
我可以講，DQ 黃之鋒 唔代表區選一定能夠如期舉行。因為所有選區都要對戰，就唔係 支那共匪 最想要嘅「能預知結果的選舉」； 縱使已透過 (疑似) 入贅台灣黑道嘅黃毓民安排人馬在某啲選區鎅票，仍然有極大機會失去議席，甚至個別區議會失去過半「輸甩褲」嘅機會都唔細，就必定想押後甚至取消選舉。以 DQ 黃之鋒 揭開序幕，完全符合 支那共匪 嘅作風。
如果真係選舉押後，甚至過咗12月31日都仲未投票而現屆區議會任期結束導致議會架構危機出現咁點算？要明白支那共匪從來都只係想中央集權管治、根本唔想有地區議會嘅存在…… 或是從現實角度，區議會只係要嚟俾土共進行蛇齋餅糉式籠絡統戰，同埋吸取政府財政資源自肥。如今 支那共匪 本身已經黨庫空虛，只有安排佢哋班議員「續命」才能繼續有受供養嘅財政來源。如果有得選而結果失去議席，就有可能「謀反」甚至「策反」。
另外，支那共匪 想盡快將「反送中」演變成如今的「香港大革命」的亂局終結。本想出兵，但唔係唔知動武嘅可能後果係招致「新八國聯軍」，可是安插武警、老解喬裝混入警隊 / 黑警臥底扮「暴徒」亦逐步被破解，就試圖回到以「筆桿子」為主嘅方向。眼見香港人咁著緊選舉，一於將計就計，試圖藉 DQ 黃之鋒 轉移視線，開始輕視上街抗爭，甚至我估計不排除會煽動嗰班「除了議席以外沒有別的開飯方法」嘅政棍，當 林柒婆 再一次吹風「押後選舉」，就開始帶風向叫人著重選舉，輕視以至忽略民兵同政府軍街頭對戰。
如果你係共产党見到以上分析，點會唔想藉此「大好時機」拍停區選。
選舉衍生的金錢問題
我另外之前亦都講過，從商界八到禮義廉、工賊會、經血聯等土共仲未泵水俾公關公司、廣告公司做選舉工程。 而事實上，到今日仲未見好多的士、小巴車身有土共嘅廣告。根本上就係 支那共匪 無錢派，或者係班土共慳住使以便著草走佬，或是相應民情估計輸鳩硬就無謂使咁多錢。
但與此同時，唔少通稱民主派嘅候選人就上咗廣告、搵咗公關公司準備造勢大會等活動。錢就使咗，如果無得選，財政上最傷就係民主派。無錯，支那共匪就係想多角度、多方面重創泛民，甚至藉以摧毀香港整個代議政制嘅制度。
對於美帝發難，共匪真係會覺得 so what，事關班共匪所想嘅 the worst scenario 係「整爛晒個香港，你美帝西方列強鍾意咪慢慢執；美帝唔執就你哋班港燦慢慢承受唔歸順党嘅惡果」。直接講，中国共产党 就係擺陣同香港人搏攬炒。
Be the first to comment