大家叫慣嘅 黑警，呢度叫嘅 港共軍政府衛隊 幾個月以嚟日復日嘅所謂下午四點例行記招，連埋出街食嘢而食店有電視焗睇嘅次數，夾埋都唔夠十次。就算啲事後「精話 capture」，我都係眼尾睇吓網民嘅陳述、或傳媒嘅 soundbite 就算，真係 click play 睇嘅數量都係唔夠十次。點解唔睇？擺明車馬就係 2014年 許鎮德 啲鳩噏 嘅翻版，頂多講得好聽啲「舊瓶新酒」；直接啲講，估都估到 港共傀儡政權 升呢嘅 港共軍政府 玩乜，仲嘥呢啲時間?!
在 (疑似) 投誠美帝嘅謝振中、(疑似) 向老豆搵仔篤灰嘅江永祥 第一次出場之前，我已經私下同唔少朋友講「共产党鬥爭，槍桿子之外就係筆桿子，記招根本係 港共軍政府 同 支那共匪 搞輿論戰嘅佈陣，傳媒走去報咪即係幫 軍政府 做傳聲筒」；更有同個別相熟嘅記者講「咪撚去啦」，但佢哋嘅回應大致都係「打份工，人在江湖身不由己」然後彼此互相體諒。
所謂無期望就無失望，結果 軍政府衛隊 日日廢話、鳩噏老吹 比當年許鎮德 勁十倍百倍。 (疑似) 投誠美帝嘅謝振中話响「暴徒」褲袋搵到把武士刀，就咁睇好撚好笑，亦好彩地好多人都覺得佢憨撚柒鳩嘅程度係極品，我嘅睇法係 要不是 謝振中 曲線玩膠，就係支那共匪擺撚明車馬當香港人白撚鳩痴 ── 有槍有炮可以強權對付仲駛乜理你班港燦恥笑。
嗰一刻間我已經好想公開叫傳媒杯葛咪撚再去；甚至陸續有更多記者遭 軍政府衛隊刁難、襲擊，然後第二日謝振中、江永祥、麥子豪，甚至係鄧炳強、李家超都係擺明耍鳩你「吹撚得我漲呀」，我堅係想正式開聲。只不過有交情現職或已轉行嘅記者同我講，佢哋好難放低「新聞專業」，個別有講「老細柯打，明知耍都要去坐」。打工嘅嘢，我明；但「新聞專業」呢四個字，實在不敢苟同。
唔好又諗住用「無讀過 U journal 有乜資格講嘢」嚟想還拖，我只係用中學程度嘅邏輯同常識去衡量個記者會：
但凡對 軍政府 有利嘅就吹到天咁大；但凡不利嘅，唔係砌詞猾辯就係話「手頭未有資料」。仲要唔係只係一次半次係咁，而係累計已經接近三個月、做咗就嚟100次咁滯，呢啲仲叫做「新聞」嗎？有何「新聞價值」而要報導呢？
根本上， 謝振中、江永祥、麥子豪，甚至係鄧炳強、李家超 …… 只係執行緊 中国共产党 繼承 德國納粹黨 一個有逾半世紀嘅祖師遺訓
謊話講一千遍都變成真理
無錯，除咗藍絲無腦，一般香港人係唔會信。但 支那共匪 從來都只係想香港人愚笨如只會食疴瞓扑嘅豬，甚至認定根本就係豬 (例如張曉明)，所以就以為呢招係行得通。但最重要嘅係，睇返呢句說話來自德國納粹黨 宣傳部長戈培爾 最原裝嘅版本：
謊言如果重複一千遍而又不許別人戳穿，許多人就會把它當成真理
所以點解 謝振中、江永祥、麥子豪，甚至係鄧炳強、李家超 …… 要不斷耍鳩你哋 班記者，甚至响戰火現場連記者都拉、打，甚至想殺……順便講，我一早話咗 粉嶺芬園洗腦課程「記者都係敵人」，都係來自 支那共匪 沿襲 納粹黨 嘅「金石良言」。
或者好多傳媒中人繼續以「新聞專業」嚟否定我呢個推論，但事實擺在眼前，唔係用「無 U-grad，無讀過 journal，無朵無牌頭」就可以 spin 走我，然後呢一切「廢噏」就會消失。
或者唔講到咁「激」，又撇除「老細指令」「搵食啫，咪去坐吓，求其問兩句交差就算」，好多記者還抱持「新聞專業」去個「記招」嘅原因，或許會係「就睇吓佢哋講乜出嚟，然後可以做對比寫到篇稿」。但又係去返轉頭，日日都必定係嗰條 Formula ── 有利就吹，不利就耍甚至唔答，新聞價值何在？唔好同我以至全香港人講，期待「警方」會恢復正常嘅一日出現囉。除非你心甘樂意做「愛恩斯坦的傻瓜」── 重覆同一個方法做事而想得到不同結果的是傻瓜，否則根本睇唔到再有需要去磨時間。
再甚至乎以 支那共匪 鬥爭思維，只要謊言經報紙電視收音機散播予人民接收就有可能變成真理。仲去個記者會形同為 港共軍政府 / 支那共匪 散播謊言，最起碼只要有 CCTVB 就能廣泛散播。但掉返轉，如果會場記者剩低小貓三四隻，攝影機得返三兩部，你估 CCTVB 唔覺得面懵呀?? 共产党最驚就係記招得返「自己友」無得吹而然後煽動。
各間傳媒、各位記者點睇點諗，我唔加多把咀。再衰啲講，港各大報紙、電視台嘅老細、編輯當我透明臭四澳洲Sydney坑渠小動物…… 我絕對可以「無眼屎乾淨盲」，但要講嘅講晒，各方自己睇路啦。
Be the first to comment