相信啲 動物權益人士 (簡稱：動保撚) 一睇到文題會想即刻發癲，但唔該睇晒全篇文先好講嘢，我呢度唔歡迎「標題黨」。而又先始聲明，我反對虐待動物；雖然養貓，但唔抗拒狗。
港共軍政府衛隊，即係大家叫慣嘅「黑警」多次鎮壓行動有帶同警犬，但又同時供應「催淚彈放題」；班軍政府衛隊成員個個 full masked防止吸返啲山埃 (順便費時俾人睇到雙眼瞳孔放大)，但啲狗狗就「赤咀上陣」。唔好話動保撚，就連一般人都屌柒 軍政府衛隊 有無搞撚錯「自己就識帶罩，有得啲狗索 TG」。近幾日仲有人摷返 World War I & II 嘅相片，執勤犬隻都有帶上專用防毒面罩，話 軍政府衛隊 連納粹德國都不如。
查實大家鬧之前，有無用返一句係人都識、來自《孫子兵法》嘅哲理 ── 知己知彼，百戰不殆，諗返清楚 軍政府衛隊 點解會咁做？為乜會咁做？好老實講，只要你諗得到，就只會「唉」一聲。
軍政府衛隊 之所以出動 警犬，其實得一個原因 ── 靠嚇。點樣嚇？一吠，二追，三咬。吠，試圖將怕狗嘅人因吠聲而退縮；追，驅散「暴徒」；咬，如果追到「暴徒」就一如平日訓練咁樣，一啖咬落去小腿或手臂，然後男跳樓女遇溺。但係如果
隻狗帶咗 mask，點吠點咬呀
懵炳！
係咪火山爆發想怒屌「黑警痴線㗎，諗埋啲咁嘅仆街嘢」。喂阿哥阿姐，係你哋仲用個「警」字㗎咋，我呢度由 2019年7月20日開始已經係用「軍政府」呢三個字。點解？一個以武裝實力藉以凌駕法律放任權力，然後不擇手段打壓異己、箝制人民表達訴求嘅政府，就係「軍政府」。唔似咩？覺得我用詞誇張？定係你哋最少三個幾月以嚟逃避現實或唔敢面對現實咋喂 ?!
軍政府因為「凌駕法律」所以已經唔止唔會同你講法律，更加唔會講道理，更無可能會講常識，一切只有政治目的 ── 打壓異己、箝制人民。既然「人」都咁對待，仲期望會善待啲狗以至其他動物，會唔會緣木求魚咗啲呢喂 ?!
再者，家陣呢個 軍政府 背後撐腰嘅係 中华人民共和国。中国人普遍對狗嘅觀念係乜呀？第一，奴才；第二，咸濕佬；第三，四腳落地背脊向天嘅係要嚟食。同 中国人 講狗嘅權益？咪唔記得 溫家寶定胡錦濤講過「人權就係食飯權」先得㗎。當一班統治者視人如豬嘅時候，要佢尊重一種可以只顧交配、甚至可以食落肚嘅奴才？恕老實吖，真係有點痴人說夢話囉。
唔好話我抽水抽到咁撚盡，你哋啲香港人連個敵人嘅特質都無認清楚，又或者心底裡知但唔願意承認同接受，只係用返你哋幾十年嚟做慣「太平狗」嘅思維去應付局面，就連狗唔帶罩都只係識得嘈、鬧、屌，保護到啲狗咩？
面對返現實：帶警犬出嚟只係想吠、追、咬，配合 TG 放題同真槍實彈，迫你哋幾百萬香港人乖乖地做返 支那共匪 認為你哋只係嘅豬，根本點嘈點鬧點屌，軍政府衛隊係唔會停止而唔再要啲警犬出嚟索山埃㗎。唔係有得啲警犬被毒死，而係除非一嘢隊冧個軍政府，否則啲德國牧羊犬、 比利時瑪連萊犬、甚至遲早出動埋搜行李緝毒嘅拉布拉多犬，只有一隻一隻受苦而終，直到所有去晒彩虹橋維止。
我再講多一次，唔係我冷血，而係現實就是如此殘酷。再直接啲講，你要一堆「以為揸住枝槍就大撚柒晒」嘅仆街冚家鏟同你講人性，真係同「要獅子老虎改食齋」一樣咁撚憨鳩！就係連人性都唔會講，點可能講得到「動物權益」呀，咪玩啦！
Be the first to comment