噚日 港共軍政府武裝衛隊 部 平治 Axor 2633 貨車 (即係水炮車) 戰鬥群盲嘅都睇到根本係特登向尖沙咀清真寺前閘開炮，射到閘內閘外都係藍色辣椒水，辣著晒所有香港嘅回教徒；加上部份對伊斯蘭略有認識嘅人「煽風點火」，卒之搞到 軍政府武裝衛隊 噚晚扮撚晒蟹入去做五分鐘清潔工，同今朝 軍政府元首 林柒婆同 軍政府武裝衛隊 掛名司令 奴隸蔥 要擺駕去同教長「道歉」。撇除噚日都被射到有去 7.20 撐警集會並大發謬論嘅 Mohan Chugani 都話唔收貨，我絕對夠膽講 港共軍政府 正式進入倒數。
或者先分析返 港共軍政府 為乜事咁夠膽「水炮打清真寺」。可以講，絕對唔係 軍政府隊 嘅無知，必定係有計劃有預謀。支那共匪 有幾憎恨伊斯蘭教都唔駛再多講，但噚日嘅行動係咪同新疆嘅剿滅計劃有關，我就有所保留，事關單在香港本地嘅政治元素，已經有相當充分條件誘使 軍政府 要對清真寺開火。
本地政治因素之一，就如前文提過 支那共匪 於香港嘅種族分隔主張，阻止華裔同南亞裔嘅共融。港共軍政府 或是 支那共匪 噚日嘅盤算之一，係想 Spin「暴徒」導致清真寺受到破壞，試圖同時迫使和理非 & 穆斯林社群 都同 勇武派 割蓆。加諸於要不擇手段建構任何對「暴徒」不利嘅輿論之習慣。
第二個本地政治因素就係 岑子杰 暗殺 單嘢，穆斯林社群 不單無同「暴徒」割蓆，仲反過來基於宏觀道理 及伊斯蘭宗教本質，慰問岑子杰與及斥責凶徒。從中共鬥爭思維角度，即係該次收編策劃失敗，甚至更左嘅一派認為「敵人」與收編目標取得可達至結盟嘅聯繫，就必須要「小懲大戒」、瓦解聯繫。
只不過 支那共匪 及 港共軍政府 勢估唔到竟然失敗收場，甚至「敵人」與收編目標嘅聯繫不單未能瓦解，仲要「適得其反」進入「結盟」嘅階段。共匪 今次真係唔衰攞嚟衰。
至於單純在清真寺衍生嘅宗教角度，回教徒對 港共軍政府 嘅憤怒嘅原因，首先係藍色辣椒水玷污清真寺，第二係講大話 ── 有片有真相架「Benz 貨車」停定、瞄準、發射，仲要死撐係「誤射」，或是「驅散暴徒」。姑且講得偏鋒一點，單係呢兩個原因已經夠「聖戰」。跟住梗係仲有啦。第三係雌性警獸短袖甚至背心，直情係褻瀆。「撈埋一碟」而以香港粵語俗俚演繹嘅意思係「你政府當我哋回教徒係乜呀?!」可以話都唔駛扯到咁遠「一帶一路有唔少回教國家所以林柒婆焗住跪低」，單係在宗教角度已經「唔跪都唔得」。
無錯，响過去24小時，國際傳媒傳如 Reuters、Bloomberg 之類都對「停定、瞄準、發射」嘅真相避重就輕，甚至 Al-Jazeera 竟然無報噚日嘅示威，到今日林柒婆去完清真寺先至輕瞄淡寫報導「為噚日誤射導歉」，隻字不提噚日現場實際情況，也許可以理解係 支那共匪 為咗「一帶一路」而「落藥」，但別忘記國際社會對「回教」嘅觀感印象同擔憂「唔知會引發乜嘢大問題」。都係嗰句，睇國際新聞切勿「以香港為中心」嘅變相天朝思維。
集中返香港，港共軍政府 唔好以為首領 林柒婆 同衛隊掛名司令 奴隸蔥 今朝去「道歉」而首席伊瑪目 Muhammad Arshad 「收貨」及「相信警方非故意」就無事。首先要明白 教長、伊瑪目 並唔能夠代表穆斯林社群嘅立場，Mohan Chugani 唔收貨只係一個例子；其次係「玷污」同「褻瀆」，加埋「講大話」响伊斯蘭係非常大罪，伊斯蘭青年協會亦以此表明唔會收貨。即係話 港共軍政府 根本無「擺平」成個香港伊斯蘭社群。更是 有傳 軍政府衛隊 今日大舉出動去建築地盤「查身份證」，即係話 港共軍政府 根本唔駛旨意收到科。
不過咁，假設「明天日出於西方」林柒婆真係照做，又或者教長、伊瑪目成功令所有穆斯林接受「道歉」，跟住落嚟就必定全城「圍剿」軍政府 ── 係咪選擇性道歉？係咪因為「夠惡」就道歉？然後就重回到「是你教我和平示威是沒有用的」！加埋華裔同南亞裔 Connected 徹底摧毀 支那共匪 嘅種族分隔圖謀，香港特別行政區政府仲唔係 counting down of 政府倒台，我諗唔到第二個局面。
後記：我請教過伊斯蘭朋友，佢哋話要「擺平」嘅方法只得一個：
警務處處長及特首以書面公開道歉，交代噚日「誤射」真相及承認責任，與及當時水炮車上嘅司機及操作員到清真寺真誠懺悔，求真主及穆民們原諒。我唔敢肯定係咪完全符合伊斯蘭教教義，但都聽落覺得合理嘅。不過坦白講，港共軍政府會肯做？心照啦！
Be the first to comment