暗殺 岑子杰 單嘢，傳媒報導強調凶徒係 南亞裔人，一班極有可能係 熱普城 嘅共諜借勢發難話要去 南亞裔人 聚集嘅 重慶大廈，甚至 尖沙咀 九龍清真寺「裝修」。好彩班前線手足戰士、連登仔唔係蠢，一嘢諗到有可能係 支那共匪 嘅挑撥離間鬼計，立即叫停；仲獻計民陣星期日遊行就由 南亞裔 同胞 打頭陣；加埋 香港回教信託基金總會 與及 九龍清真寺首席教長 Muhammad Arshad 嘅聲明，直情將 支那共匪 嘅計謀徹底粉碎，解除咗一場政治大風暴。
除咗今次嘅暗殺事件，好多人都會諗起過去 土共 策動 南亞裔人 參與行動，例如2014年8月17日「保普選、反佔中」 遊行，就有「印度巴基樣嘅汕尾福建同鄉」，因而覺得南亞裔人都係同 共匪 過從甚密，不其然對 南亞裔人 產生抗拒感。確實的，支那共匪 對於香港嘅南亞裔同胞都有暗黑 agenda，大方向係正如周恩來對香港嗰句「長期打算，充份利用」，目標就係煽動種族問題成為香港另一個巨大危機火頭。
唔講 支那共匪 對南亞裔有乜 agenda 住，因為抵擋敵人挑撥離間嘅最佳方法，就係先互相了解清楚，避免產生誤會。
歷史說明南亞裔同胞都是值得尊重
撇除近十年先至移居嚟香港嗰班，香港嘅南亞裔人嘅來由都係同香港治安、防衛事務有關。例如「ABCD，大頭綠衣，捉人唔到吹BB」呢首香港古老童謠，背景就係早在二十世紀初期，英國政府基於當時本地華人唔願意加入警隊，為應付治安需要就從印度、巴基斯坦 (包括現今的孟加拉)，及斯里蘭卡招募來港做警察。泥泊爾人就是英軍聘請的僱傭兵，來港主要協助新界郊野及邊境嘅防務。因大多數來自一個叫啹喀 (Gurkha) 嘅部族，故俗稱「啹喀兵」。睇埋佢哋祖輩來港嘅目的，唔止要完全視佢哋係香港嘅一份子，更絕對要嚴肅尊敬！
無論祖輩來自邊度，經過幾十年以至近百年、幾代人在港生活，已經落地生根，意識上已經認定香港係佢哋嘅家園，渴望融入社會。無奈地，即使在 97前，政府提供俾佢哋嘅支援相當有限，尤其是語文教育方面；另外，向華人灌輸接納南亞裔人嘅教育亦不足。97後 支那共匪 更加唔駛再多講啦。導致華人同南亞人之間嘅相處雖沒有大問題，但未有完全解除隔閡。呢個情況就係導致 支那共匪 有機會乘虛而入嘅根源原因。
我對南亞裔同胞的見解
我算好彩，依稀記得小學已經有南亞裔同學。到投身社會，亦接觸唔少南亞裔人。唔計 Nabela Qoser (邊個？利君雅 呀！記吓佢個原名啦！)，有識講香港粵語，亦有只懂得講英文的。根本上一般相處唔會有問題。另外，姑且自揭少少「情史」，曾經在97前的一個 Ex 係香港最大華人回教家族嘅成員，所以我對伊斯蘭有皮毛認識。因而懂得應付同適應普遍信奉 回教 嘅南亞裔同胞佢哋基於宗教嘅生活習慣。另基於近年嘅工作同身份變化，總希望幫助佢哋融入香港，真正實現到 97前中小學教育會強調嘅「華洋集處」嘅融和。
五年前，捷輝小巴老闆 Terence 搵我，想我幫佢公司做一個招聘廣告。經過一輪討論之後，我大膽提出一個建議：
巴士公司都有印巴裔車長，而 紅磡、土瓜灣 有唔少南亞裔人居住，不如以佢哋為其中一個目標對象，擴闊人力資源潛力。使廣告「破格」得嚟可以順便柔性宣揚「關懷少數族裔」訊息，提升公司形象。
佢考慮咗幾日就首肯，然後我就開始策劃工作。最後「完成品」就如下面嘅相片。
個 South-asian face 係藝人 Bitto，感激佢當年「友情價」接呢個 job。留意吓啲文字，除咗慣常嘅中英文，仲有烏爾都文 (Urdu)。
捷輝亦確實聘請到多名南亞裔車長、站長及維修技工。雖然如今都已離職，但總算有一啲成效。
我講呢件事出嚟唔係要 show off，而係身體力行去證明俾大家知道，只要肯提供機會予南亞裔同胞，佢哋確實願意投入香港社會出一分力。
共匪之計謀如何乘虛而入
容許我囂張咁講，有幾多個香港華人會好似我咁「痴線」去幫助南亞裔同胞？呢個正正就係 支那共匪 有機可乘向 南亞裔人 埋手嘅原因。
共匪實行對南亞裔人嘅暗黑 agenda 大至可分兩個方向：第一係妨礙南亞裔人融入社會，第二係挑動「黃皮膚黑頭髮」厭惡甚至憎恨南亞裔人。
第一個方向就如前述，收窄南亞裔人與華人相處嘅空間同機會。除咗响教育方面之外，仲有就業 / 營商嘅空間。留意一吓，南亞裔同胞從事嘅行業工種，來來去去都係一般人認為「低下階層」體力勞動嘅工作；做生意嘅即使係開設食店、雜貨店，都彷彿塑造出一種「黃皮膚黑頭髮」唔好入去幫襯嘅氣氛。
至於第二個方向，除咗就係因為言語、學識、生活習慣差異而使「黃皮膚黑頭髮」唔多願意同佢哋相處之外，仲有就係過去幾年班土共例如鼠王芬、自由黨 閪門子敬 嗰啲仆街，配合 CCTVB、白粉報經常放大「南亞裔犯案」「南亞裔黑工」嘅報導。
歸根究底，支那共匪 所做嘅一切係基於「大中華民族主義」── 認定香港係中國嘅一部份，唔係英國殖民走狗販賣鴉片毒害中國人致要割讓香港，呢啲「黑古勒凸」嘅非我族類係唔會响香港出現。
唔好又話我「吹到鳩咁撚大」，有去過北京上「國情班」嘅公務員同我講，課程內容真係滲透住呢種思想。
不過，支那共匪 又知道無可能一時三刻一嘢趕走晒呢班「印度摩囉差、巴基躝坦」走，於是乎就「長期打算，充份利用」。見到坊間嘅「黃皮膚黑頭髮」唔太願意同佢哋相處就一於「將計就計」，由班土共以「俾機會貢獻社會」展開誤導然後收編。暗殺岑子杰又好、扮福建同胞又好…… 總之但凡見到南亞裔人同班土共一齊出沒，大多數都係咁樣而來的。當然，亦有一啲真心向共匪投誠的。
另外，支那共匪 對於能突破「暗黑 agenda」嘅人，都係會進行鬥爭打壓。例如近期大家見到表現神勇嘅利君雅，班土共對佢做乜都唔駛多講。我合作過嘅 Bitto 又係一例。再遠少少嘅當然唔少得 Gill Mohindepaul Singh (喬寶寶)。
一句講晒：南亞人都係香港人，係香港社會嘅成員
講到尾，南亞裔人 只係一班膚色、種族略有不同，但响香港落地生根嘅族群，甚至曾經為香港作出重要貢獻。來到現今嘅一代，佢哋從來只係渴望融入香港社會，為各族群所接納並融洽相處。在我嚟講，新加坡嘅種族融和雖然係夾硬迫出嚟，但宏觀效果的確就係香港社會要追求嘅目標。
既然明知 支那共匪 唔想呢個現象出現並一直從中作梗，而且大多數「黃皮膚黑頭髮」都不自覺地中咗伏使 土共 得逞而埋下政治炸彈，就該趁今次機會，乘著本港伊斯蘭宗教領袖紛紛主動申出友誼之手，主動爭取呢班同胞，摧毀 共匪 嘅鬼計， 重塑同實現返「華洋集處」呢個真正嘅社會美境。
至於實際要點做？唔一定要好似我咁瘋狂，俾個心出嚟、勇敢的開始探索，佢哋會知道同識得配合㗎喇！
1 Trackback / Pingback