岑子杰突然再度遇襲，今次仲係用鐵鎚扑頭，擺明要攞命嗰隻，根本同意圖謀殺案。網上流傳 Jimmy 遇襲現場有一部車牌 FL 7976 嘅日產 Serena (C25) 七人車同案件有關，但有傳話係「假車牌」；另外有網民「考古」 Telegram 頻道呢個車牌曾經「扮接放學」，即係 港共軍政府衛隊 派出喬裝義載以圍捕義士嘅車。
單憑呢幾個線索已可以推斷係 港共軍政府 派人暗殺 Jimmy。但我再仔細研究有關線索，呢架車仲有幾個可能性。
第一，前文《「反送中」黑警 民牌車 一次過曝光》已經提過 港共傀儡政權 確實曾經大手買入日產 Serena (C25) 分派各部門使用，即係該部車有可能係已變成 港共軍政府 派出嘅車；
第二，又正如前文所講，政府車必定保持原裝。但現場嗰部 Serena，四條呤唔係原廠呤，即係有可能唔係 港共軍政府 的。
不過，去錦田啲劏房隨時可以搵到一套四隻呤連胎。價錢大約 $1500 – $2000，半小時完成替換；
第三，好耐之前，打「豐田霸權」19座位嗰陣有提過，「民牌車」嘅車牌號碼，去運輸署做「查底」係會 No Record Found 「沒有該車牌的登記資料」。唔熟行情嘅人、記者就會以為係「假車牌」。引伸出嚟，即係話架 Serena 極有可能係「民牌車」。不過仲有一個可能性 ……
第四，揸開車嘅人會知道「啤車牌」非常簡單，甚至相對外國嚟講簡直兒戲 ── 去汽車零件舖、專造車牌商店，求其噏個車牌號碼，大約 10 至 15分鐘 (最耐因人多等候都係頂盡 1 小時) 就可以有一對車牌到手，盛惠大約 HK$200。引伸出嚟，可能架車唔係 軍政府 的，但「判頭」為咗任務嘅「安全」點都會要整個假車牌上去，但唔知邊個白痴去「啤車牌」嘅時候噏咗個「民牌車」嘅號碼。或者條白痴仔唔記得個車牌號碼已經被點相 / 以為條街無人記得個車牌號碼已被點相，結果依家就「出咗事」。
以上呢四個可能，無論只係中其中一個定多過一個，誰是暗殺岑子杰嘅幕後黑手已經呼之欲出。但又不過又要再次「召喚霞姨」── 道具組點做嘢㗎！
大家睇到呢度覺得好恐怖，但我一而再、再而三重申：依家個政府係「軍政府」，任何仆街嘢都會做得出。況且，美國眾議院通過咗《香港民主及人權法案》(與及封鎖 港共軍政府衛隊 由美國 (以至全球) 購買武器嘅《香港保護法案》)，等參議院稍後時間過埋，就算 Donald Trump 唔簽名都會在 90日後生效，港共軍政府以至支那共匪如今死到臨頭必定發花癲、發爛咋。各位香港市民必須要加倍小心，眾義士們亦要調整戰略，避免無謂送頭淪為 戰俘 遭 軍政府 以違反國際法虐待以至殘暴殺害。
1 Trackback / Pingback