勿再擾亂續領 BNO 及平權運動

叫香港人續領 BNO 叫咗十鳩幾世,總係大把港燦港豬話「貴又貴過特區,免簽又少過特區」;連帶爭取平權運動進行咗咁耐,同樣都係大堆豬隻話「英國佬邊會咁好死吖」、「英國佬走咗就唔會再理香港」,續領比例唔夠10%。

好喇,呢期香港俾支那共匪搞到水深火熱,英國佬亦終於捨得出嚟廢噏「平權之意不可逆」,又起勢放風「平權之路進入最後大直路」,加埋美國通過《香港人權及民主法案》呼聲甚囂塵上,成堆港燦港豬先至嗌救命,周圍問人點申請。我就講明,十鳩幾世之前叫咗 & 教咗點續,依家唔會再教。

我咁臭串啫,但有啲人就樂意襄助,甚至將之變成商機 ── 做顧問教人申請,要 Countersign 就簽埋佢。不過楝得「顧問」招牌就唔係做義工,要收錢啦。不過,HMPO 訂明 Countersign 資格、與申請人關係要求,甚至寫明不得收取任何費用,否則即屬違法。但呢班友仔,包括熱普城系嘅 Barry Ma 同埋一間叫 British Connections Office 嘅公司等等,就繼續無恥地做呢啲生意。

前文已經講咗最後一次 BNO 申請手續,同埋 Countersign 人選要求,唔再响度重覆。但必須要強調,Barry Ma 班仆街、British Connections Office 以所謂顧問服務提供 Countersign,本身已經違反申請規定,仲要收埋錢就直情違法。英國政府唔止可以起訴佢哋,仲可以 Ban 鳩你個續領申請。唔好以為 Home Office 唔知佢哋嘅存在、唔會做 Spot Check。姑且好心講句:奉勸各位咪撚再搵佢哋,跌錢事小,ban 申請甚至Black-listed 事大。

前日近千人上英國領事館請願,兩大訴求分別係要求英國立即 BNO 平權,宣告《中英聯合聲明》失效並採取相應行動,可是不論本港定英國傳媒都只係報導前者,後者就隻字不題。姑且以政治角度去睇,「聯合聲明失效」呢六個字唔止敏感,俗啲講真係「仗都有得打」;香港傳媒就仲有所謂政治政確嘅考慮,還可以理解。但前者,本港傳媒就只係寫居留權、甚至扭曲成「走佬到英國」,呢個真係唔能夠接受。雖然大家都會明白香港傳媒既受到支那共匪操控,加上「中華民族」觀念响香港實在太根深柢固。最大鑊嘅係,現場一班唔知乜嘢人係咁叫口號「英國見」,使傳媒只講「居留權」而無得反駁,就俾晒位人哋入。仲擾亂晒成個平權運動嘅焦點同論述。真係多得佢哋唔少。

BNO 平權並唔係要得到英國居留權,亦唔係微服訪港嘅施禮博MP (Bob Seely) 講嘅工作權,而係一個完整 British Citizen 公民權利/權益。傳媒點寫、英國政客把口噏乜,我哋控制唔到,但我哋把口响自己度,就唔該唔好再只係小農奴隸基因 ~ 只顧門前三畂田,只係掛住食飯疴屎瞓覺生仔。甚至直接啲講,BNO 平權 +《中英聯合聲明》失效係一個完整嘅戰略部署,而當前香港嘅局勢係更加迫切要實踐呢項戰略。

另外,英國國會 E-petition 網站的 British National (Overseas) Citizens should be given full British Citizenship. 聯署,好多熱狗咬住第二段話係伏叫人唔好簽。我哋仔細研究過,第二段只係 Konglish 寫得衰。全段理解係「支那已經拒絕遵守聯合聲明。如果我哋(英國)再唔理的話,將會變成一場災難,香港人將會出現大量政治難民,我哋(英國)需要付出大量代價回應國際社會批評不負責任造成的聲譽受損」。要 Grammar Taliban 上身,呢段或許應該咁寫:

There are lots of proof the Chinese Government was being interfered HK internal affairs and seems violate 「One Country Two System」 under Sino-British Joint Declaration, and to be more rigorous. The Government should take responsibilities to HKer, especially the Nationality to prevent all kind of risking of refugees . Otherwise, great reputations to British may come out.

熱普城班冚家鏟根本從來都唔係真心爭取BNO應有權益,而只係抽水,甚至如 Barry Ma「收錢 Countersign」嚟搵著數,梗係不斷搵位踢散成場平權運動啦。我依家直接講:夠10萬就直上國會開拖,仲爭唔夠兩萬唔該簽埋佢。BNO 都簽得。

返回主頁

Be the first to comment

Leave a Reply

Your email address will not be published.


*