「反送中」林鄭 記招廢話之勁過 江青

成晚無瞓,亦都瞓唔著,五點幾就揸車出發。唔係要做港燦港豬返工 (叫得人罷工又點會自己開工),而係我知道自己响反送中嘅主要角色同職責就係觀察、分析、拆局,為咗唔想打搞啲志士,同埋盡早做咗一 round 觀察。原本有晒計劃行程,點知香港軍政府元首林鄭月娥突然話10:00開記招,嗰一吓真係爆粗「屌佢老味」又嚟嘥時間。因為成個朝早我只係靠羅醫生處方俾我嘅Ritalin 利用其藥理成份死頂,已經「嚴重燥底」(放心,我啲EQ一定好過班黑警),仲要打鳩亂晒啲行程。本身都預計佢都係廢噏唔想聽/睇,但局勢變化之急速又點都要聽清楚佢開邊瓣,結果表面一如所料廢話一大堆,實際暗藏大量殺機,各位真‧香港人要小心應對。

612以嚟啲記招都係林鄭月娥、李家超、盧偉聰做鐵膽,今朝清晨「吹風」話會有陳茂波,身邊好多朋友估「派錢」降溫,我就一於大唱反調 ── 講錢講經濟,配合林柒婆應該講食飯返工搵食。

結果?林柒婆一開波就講不合作運動塞港鐵封馬路影響「基於自由嘅原則」選擇返工嘅市民(其他廢噏後段),而劏房波出場就講一堆經濟數據,GDP 下跌,香港經濟步入衰退期;「暴徒」嚇到遊客唔敢嚟,零售業績暴跌(五月跌1.4%,六月跌6.7%)。即係我又要拎《聖經》路加福音4:24「先知在家鄉是不受悅納的」出嚟。加埋巴曲張又係講返工講搵食,三條仆街夾埋講「搵食」、「返工」講咗十幾次,完全就係 Set agenda「抗爭示威阻住開飯」嘅輿論戰線,目標就腦部正常嘅都明,就係搞分化,搶攻「淺黃」同游走於藍同黃之間嘅「中立撚」,與及我所講嘅「保守派」市民。呢一招正係支那共匪嘅「拉一派,打一派」嘅鬥爭手段。

林柒婆另外繼續講「示威者」暴力,但就好出奇地無用「暴徒」呢個字眼、無譴責暴力。唔係佢退讓,而係對應返之後嘅 Q&A,記者不斷追問721元朗恐襲、黑警濫殺、打記者、除女示威者條褲,林柒婆都選擇性失聰玩閃避球,其實佢係知道譴責「暴徒」只會惹起記者進行「圍毆」。反正李家超都督定要告暴動罪,即係班示威者响林柒婆心目中都係死撚硬,攞咗彩就無謂淋電油燒親自己。呢一招其實又係支那共匪鬥爭思維之「一手硬一手軟」。

兩招夾埋,已經成個共产党員楝咗响度。不過,好戲在後頭:

第一,「錄音帶」尾段英文部份重提 The bill is death 嗰堆廢話 (中文部份無撤回,無壽終正寢嗰啲廢話);另外 Q&A 時集中揀外國傳媒,擺明係搏外國傳媒唔會合謀「煮」佢以至「圍毆」佢,即係可以肯定今朝個 Press 只係想交戲做樣就算,毫無誠意可言。

第二,雖然佢無用「暴徒」呢兩個字、無譴責暴力,但就話當前嘅示威所提出嘅訴求已經唔再係《逃犯條例》修訂嘅範疇,甚至話只係個別一少撮別有用心過度激進嘅示威者試圖擴大爭議層面,威脅中央對香港行駛嘅主權…… 一邊廂,借送中惡法爭議隨局勢變化而自然出現嘅擴大,避開「五大訴求」;另一邊廂,同時嫁禍返俾示威者,否定「五大訴求」中的「釋放義士」、兼夾試圖 Spin 一切示威抗爭引發嘅問題要志士們「哽晒佢」。我一做完分析即刻「嘩,賤撚到仆街吖」,真係成個江青楝咗面前咁滯!

第三,宣佈警務處每日都會開記招,仲會有一個「誇部門」記招,美其名就話保持同傳媒嘅溝通同合作,但實際上,唔止係耍鳩啲記者,直頭係大報復式玩鳩啲記者。此話何解?首先要明白,黑警打記者嘅成因其實係粉嶺 PTU 教材嘅洗腦 ── 記者都係敵人,即係港共傀儡政權對於傳媒已有既定立場。然後的,在過去接近兩個月,記者對林李盧軍政府都毫不客氣,尤其是721元朗恐怖襲擊之後。再跟住的,講得「軍政府」呢個稱呼,即係林李盧班賤狗只會諗住要向記者還拖,但佢哋點都會諗到「軍政府警衛軍」繼續打的話遲早俾幾班樂於勾結外國勢力嘅「叛軍」搞到去聯合國、或是荷蘭海牙嘅風險…… 於是乎,既然班記者咁鍾意問長問短,但又全部答非所問都「咬我食呀」,一於將計就計,日日開最少兩個PRESS,燒晒你哋班記者嘅時間、精神、意志…… 大報復之餘仲可以形成消耗戰,就睇你哋班記者捱得幾耐。

另外的,你做盧偉聰 / 鄧炳強睇唔到示威者就係進行游擊隊 Hit & Run 同警務處打消耗戰咩?只不過,PTU、SDU 以至 Zulu 嘅訓練一直都係以陣地戰為基礎,直接啲講搞唔掂游擊戰、市區嘅巷戰,就算最後拉到人但都「損兵一千自傷八百」程度嘅資源消耗…… 根據共产党鬥爭思維「搞你唔到就搞你屋企」,而既然有公務員報料 that 港共內部有早會訓話「TVB 先係中立專業、NOW 同 Cable 都係暴徒嘅同謀」,咁就一於搞鳩記者!「挑動敵人內部矛盾」是也!

最重要嘅係記者大多會基於專業考慮,或是啲編輯、採主深怕「執輸行頭慘過敗家」,係咪都一定會去 / 派人去個記招,即係道理上可以1000000% 保證中伏。點解唔捨難取易呀!!!

所以,我即管好言相勸各位記者行家,認真考慮係咪要「送上門」陪香港軍政府癲。專業係要持守,但唔係明知俾人玩都要守。

第三招簡直係一場乾坤大挪移式前後大包抄嘅戰術,一次過集合多種支那共匪嘅鬥爭思同手段於一身。咁仲唔係勁過江青?!甚至結合晒以上分析嘅所有招數,更可以話就算四人幫復活都未必夠林柒婆鬥呀!

不過…… 以林柒婆嘅黨齡,未必夠功力諗得到呢啲招數;就算加埋中国人民解放军少将邓炳强同志,頂盡都係諗到後面嗰兩招。依我對中共黨史研究之功力的皮毛去睇,無個高人响佢哋後面,無可能有咁高強嘅部署。而睇返上星期国务院港澳办個記招,同今朝嘅情況有啲相似甚至相同,包括「錄音帶」用詞明軟實硬、軟中帶硬;Q & A 專揀安全系數最高嘅傳媒 / 選擇性失聰式避答問題。引伸出嚟,邊個會係今朝記招嘅幕後黑手已經呼知欲出……. 呀唔係,係「太阳如常升起」才对!

即係邊個?唔好要我開名啦,講到好撚白喇!對付呢啲極度超級變態狂魔,只能鬥陰招㗎咋。

返回主頁

Be the first to comment

Leave a Reply

Your email address will not be published.


*