水炮車 規格揸流攤

上個月對港共軍政府党卫軍三架水炮車做過技術研究,但後來有傳媒報導而我同偵查團隊發現前文提及的資料有誤,縱使可能因為被刻意誤導,但錯咗就係錯咗,如今就公開承認錯誤向所有讀者網友「跪玻璃」道歉。

不過我哋偵查小組根據週前《壹週刊》報導出街之後搵到嘅線索,搵到份正式嘅招標文件進行研究。

今次搵到嘅資料嘅準確性都有相當信心,依家等待較接近生產商方面做最後核實嘅消息通知,但我哋都基於局勢需要,簡單披露可以披露嘅部份先。

根據招標文件 AD200612015 載明的技術規格要求,三架水炮車嘅「貨斗」部份的設備要求,包括水泵、水炮等關鍵設備,同德國專門生產消防車嘅 Ziegler Feuerschutz GmbH 幾乎完全吻合。對應政府招標及相關行政程序習慣,份標書會係由 Ziegler 提供資料予政府物流供應署撰寫;甚至有相當可能中標的嗰份標書嘅「貨斗」部份就係由 Ziegler 生產及組裝。

Ziegler 有生產正式水炮車 (Ziegler PSV)。但根據標書所載的技術規格要求,有幾個大家容易理解嘅重點:

  1. 水泵嘅規格比「原裝」低咗1/3 (3000L/min at 10kPa vs. 3000L/min at 15kPa) ;
  2. 水缸容量比「原裝」少咗 30% (6500L vs 9500L);而且材料只係普通玻璃纖維而非「原裝」的CFRP 碳纖維;
  3. 沒有要求「原裝」的VPAM Level 7 Superstructure 「裝甲車身」,只係於車頭加裝大型不銹鋼防護架;
  4. 沒有要求「原裝」的 Polycarbonate 防彈玻璃車窗,只係普通汽車安全玻璃加裝鐵網。

另外,Ziegler Feuerschutz GmbH 母公司 Albert Ziegler GmbH 於2011年向德國聯邦政府申請破產保護,2013年中国中集集團 (CIMC Group) 收購 Albert Ziegler GmbH 100% 股權。即係話,假設我同班兄弟手足的研究分析準確,1600萬公帑有最少 60%落咗支那共匪手上。再衍生出乜嘢問題就「我哋無嘢講」,各位自行演繹。

必須再次強調,雖然根據招標文件及相關行政程序習慣,「威力」比「原裝」低咗1/3,但仍然足以致人於死。香港人加油 之餘請 萬事小心。不過應該更清楚呢三架水炮車除咗車頭個大鐵架之外,同一部普通的消防泵車其實無乜分別。

返回主頁

Be the first to comment

Leave a Reply

Your email address will not be published.


*