「反送中」成功攻入立法會之後的輿論戰略(前傳之形勢分析)

前晚一眾戰士成功攻入立法會,响戰術上連同「換黑旗」對於反送中抗爭係非常成功,因為突破咗十幾年嚟支教民飯桶「司馬懿養敵自重」、即係「永續抗爭」,無法升級向港共傀儡政權施壓嘅局面。噚日凌晨0400林柒婆開記招,雖然又係「強力譴責暴力行為」嗰類廢話,配合港共公安已著手展開嘅白色恐怖,戰事已回到輿論戰方面。

要如何應付新一輪輿論戰之前,就要分析返攻入立法會形成嘅形勢局面。而為免全文過於冗長,決定「斬件」。How to do 會另文。

噚日凌晨嘅記招雖然廢話連篇,但要留意以下幾點:

1. 唔敢作出「暴動」定性。唔止全場無講,就連記者追問都無答,所以係「唔敢」。

林柒婆、比卡超、孟宏偉隻狗之前極度口硬話612係「暴動」;正常嚟講,以前晚嘅「破壞」程度,佢哋應該會毫不猶豫話係「暴動」,甚至仿傚共匪主子响1989年5月21日話係「動亂」。但竟然唔敢咁做,可理解為戰士們「打中死穴」。

「死穴」所在,係十幾年嚟支教民飯桶嘅和理非非「點到即止」散播失敗主義使香港社會瀰漫嘅無力感,使香港人普遍認為無可能向港共傀儡政權「挑機」,點知噚晚成功咗。

2. 記者「圍毆式」追問「示威者視死如歸」,但「選擇性失聰」而不作回應。

港共傀儡政權唔會放過任何一個可以向「暴徒」扣帽子嘅機會,並且會無視示威嘅動機,總之要扮撚晒理直氣壯,然後大肆抹黑。

關鍵係不論港共傀儡政權或支那共匪 (尤其是自大成狂睇唔起香港人嘅張曉明) 一直認為香港人都係貪圖安逸以至貪生怕死,加埋教民飯桶嘅「司馬懿養敵自重式抗爭」所形成嘅無力感,無人夠薑向政權「挑機」,點知噚日唔止越戰越勇,仲有戰士公開昭告天下「預咗入咗去就無命返出嚟」,中咗我一直以嚟所講「對付支那共匪就是『吃硬不吃軟,越硬越有機』,只要有如恐怖份子自殺式炸彈咁打算『攬炒』,共匪就必定會縮」嘅形勢。

另外加上之前有三人「以死明志」的犧牲,在一定程度上已經將港共陷入兩難局面 ── 讓步既無面,又要俾共匪主子屌 / 唔讓嘅就有位俾人鬧無血性,造成輿論失勢風險,於是佢哋三條柒碌就唔敢應機,只能啞口無言俾記者嘅「圍毆打到爆缸」。

3. 單純在法律角度「換黑旗」都係違法行為,但竟然無食住上向示威者「踩多兩腳」。

港共傀儡政權慣常以「法治」向示威扣帽子,無理由放過任何「違法行為」Spin 嘅機會。再者,港共公安部為捍衛支那共匪主子嘅「尊嚴」保證 7.1 扯旗成功,不惜腰斬寵物展封鎖成個會展新翼。「暴徒」如斯破壞主子「尊嚴」,必定會主動話要嚴懲。但竟然粒聲唔出!

關鍵就係,港共公安以為保安滴水不漏但被「暴徒」攻破,乜面都無晒之餘,仲必定俾共匪主子大興問罪之師。更重要係支那共匪好堅定認為「扯旗」係最重大的面子工程,如今「龍顏大怒」之餘,如果消息傳咗返去共匪治區而有人照版煮碗的話,你哋話點撚樣算。

另外,政府新聞處刪 (篡) 改記招影片,將記者「圍毆」、質問有人殉道犧牲、「天堂定地獄」嘅場面消失。正常人都知呢啲係斬腳趾避沙蟲嘅憨鳩所為,甚至嚴格講有違新聞專業操守,但之所以要咁做,除咗會係林柒婆佢哋死要面之外,更是林柒婆以至成個港共傀儡政權根本就唔知點面對「暴力」「暴徒」呢啲 Spinning 以外嘅問題。通俗啲講「人命嚟㗎」,你叫佢哋點答?!

更重要嘅係,繼續「暫緩」試圖呃住你先,就可以使嗰班近乎文盲嘅廢老以「都話咗唔做住咯,你哋仲嘈乜撚嘢呀」鬧啲「廢青」;另外,集中講「暴力」「暴徒」,亦係向土共、「未肯交出Form RN 嘅英國人」周融等嘅一班土共、藍絲廢老提供搞屎搞尿,煽風點火嘅「彈藥」。而且,承如我之前講過,香港過咗好耐表面的太平盛世,縱使因為送中惡法從夢中驚醒而有走上街頭,但一下子仲未接受得到「香港進入動蕩不安嘅年代」嘅現實,仍然希望可以和理非非化解危機嘅心理狀態,我會稱呢啲為「保守派」嘅人係目前香港社會嘅多數。「暴力」「暴徒」呢一類字眼,係會使呢啲「保守派」即使支持「五大訴求」但可能唔認同戰士們嘅升級行動,造成輿論形勢嘅變化。直接講,港共傀儡政權嘅輿論部署,就係針對「保守派」港人。

另外,仲有嗰班只圖「永續抗爭」嘅政客,都會係想食住「暴力」「暴徒」呢條水。因為前日嘅升級,證明咗佢哋十幾年嚟嘅和理非非根本無撚鳩用,而又以「唔想你哋受害」為藉口帶上光環。我要強調我嘅立場都係唔鼓勵「衝」,但如今係非常時期就可能要非常手法;況且,從我在現場觀察,戰士們並唔係社民連嗰種「鏡頭前烈士」鳩衝,而係有勇有謀嘅行動。所以,我對於 Rugby 式「隊冧」梁耀忠嘅行動,係絕對支持,完全認同。更是就宣誓當日逃脫做主席直接屌佢老母,就足以反映班戰士會係有根有據去做嘢。

但可以話,成功攻入立法會

綜合整體形勢,可以確定得到:

  • 要面對嘅敵人計有港共傀儡政權、港共公安部、支那共匪,仲有支教民班「司馬懿」;
  • 但是港共傀儡政權以至支那共匪已經無力招架;
  • 港共傀儡政權試圖集中「暴力」「暴徒」之說,配合CCTVB 袁臭花蟹志偉,為土共吶喊助威,同試圖推動「保守派」港人取態移離抗爭;
  • 要同港共傀儡政權爭奪心理狀態未作好準備嘅「保守派」港人繼續支持抗爭;

下一篇,我會整理 How to do,並且會集中於應付「保守派」港人方面。不過,請俾多少少時間我。

後記:
1. 雖然英國殖民走狗一直向香港「欠交功課」,但擺咗枝97前嘅香港旗上主席台,美國同英國嘅態度即時強硬起來。箇中嘅意義同因由暫不詳述,但始終呢面旗,就係香港人與及國際社會嘅共識,就係事實。所以,大家要繼續用。
2. 當我順便賣廣告:我會考慮再造一批手搖旗。香港無商號敢造,但我有一家台灣廠商肯造,價錢都相宜的。大家可以俾意見我。

返回主頁

Be the first to comment

Leave a Reply

Your email address will not be published.


*