「反送中」林鄭 壽終正寢 之 僵屍復活

隨住7月1日晚攻入立法會,但港共傀儡政權一定唔會答應「五大訴求」呢個唯一解決方法,送中惡法已經成為一個無法收拾嘅爛攤子。港共公安响7月7日晚上為咗保住潮聯小巴商會呢個重要嘅合作夥伴,死守亞皆老街兼大開殺戒,打「暴徒」、記者之餘仲連酒樓食客都想打埋,進一步推高民怨,就更加唔駛旨意返到轉頭。林柒婆今朝又再玩語言偽術「壽終正寢」,以為呃得到啲對政治、議會運作唔熟悉嘅人,結果單係網上一片怒火,唔止已經可以確定「收唔到科」,甚至我可以講香港真係正式進入大革命時期。

林柒婆打死都唔肯宣佈「撤回」,即係唔會有白紙黑字記錄確保送中惡法消失;相反地,即係2020年7月20日之前都可以「翻兜」。同樣道理,今朝講嘅「壽終正寢」,一樣唔可以成為 Black & White,即是都係可以理解為緩兵之計。

或者以一個任何普通人都要面對嘅事情 ── 死亡,打個顯淺啲嘅比喻:根據香港法例第174章《生死登記條例》第14條,任何死亡個案,必須在24小時內(不計算公眾假期)到生死註冊處呈報,而且必須提供具法定效力的死亡原因證明文件 (通常為註冊醫生 / 法醫官發出)。「壽終正寢」者除非早有醫生確診療罹患絕症嘅醫療報告文件,否則一定會將遺體移交法醫官進行解剖驗屍,斷定死亡原因。又承如前立法局主席黃宏發所言,立法會議事規則只有「撤回」同「押後」,即係港共傀儡政權 issue 唔到「死亡證」。無死亡證,即係隨時可以「翻生」啦!

送中惡法最大得益者係支那共匪,呢個唔需要多講;而且可以得到嘅「益處」實在太多、太廣泛,已經可以肯定支那共匪一定想伺機行事。中共黨史關於鬥爭嘅部份,就係以鬥死敵人、或最起碼徹底消滅影響力為終極目標,否則必招致敵人反擊。毛澤東响文革之所以鬥死劉少奇、或縱無鬥死鄧小平但整到鄧樸方殘廢,就係知道如果仲俾佢哋「有命」的話,必定會重演大躍進俾佢哋迫退嘅歷史。或相反地,為求他日可以反擊,就必定保住自己條命或影響力。毛澤東自大躍進後退任國家主席,但保留中国共产党中央委員會主席,就係為他日時機一到整死劉少奇、鄧小平等人鋪路。

引伸到送中惡法,林柒婆打死都唔講「撤回」,就係「保命」等待時機。已被英國傳媒以 Riot Police 形容嘅港共公安,極度凶殘地濫權加上白色恐怖手段對付示威者,一貫支那共匪恃惡凌人打壓異己風格唔止係想壓抑反對聲音,以史鑑之更可謂英媒嘅「警察暴徒」所做嘅就係「致敵於死」。甚至直接啲講,林柒婆今早嘅「壽終正寢」就係 buy time,主要目的係俾港共公安繼續發癲直到「劉少奇斃命」,然後「翻兜」。

所以,可以確定林柒婆「壽終正寢」根本又係呃住人先,並且可以預見班 Riot Police 嘅瘋狂變態所為將會越趨凶殘。只不過盧偉聰亦知道唔可以再開槍,no matter 橡膠子彈、布袋彈定催淚彈都唔得,大家嘅「防衛」就要集中應付警棍同胡椒噴霧,與及「條街無人識法律」嘅思想心態所衍生嘅恐嚇手段。

後記:林柒婆已經電郵回覆拒絕同我討論。我無失望 as 一切預計之內,但就正中我嘅下懷 ── 拒絕咗,我就無後顧之憂可以更瘋狂鳩打,唔撚駛再客氣。

返回主頁

Be the first to comment

Leave a Reply

Your email address will not be published.


*