「反送中」香港人繼續 好鍾意返工 只會招致敗陣收場

港鐵車務前線員工不滿管理層就 721元朗恐襲 嘅處理手法發動聯署,聲言要求行政總裁金澤培、車務總監劉天成在7月29日限期前交代,否則會在今日(7月30日)發起罷工。縱使整體聯署比率達77% (扣除輕鐵部更高達81.6%);更是新巴工會、九巴「綠簿仔」以「安全車速」工業行動應援,以至港九新界各區均有車主自發行動,在馬路上建構另一條戰線,根本就係俾訊號過港鐵班車務員工「放心去馬」,但結果今日還是人人開工。正宗雷聲大、雨點少,有頭威、無尾陣。甚至更串嘅講「以為葵扇2,原來階磚3」

《蘋果日報》訪問港鐵的行動發起人,佢亦明言唔少同事擔心飯碗因而未有積極回應罷工計劃;而對應返今朝嘅港鐵頭班車正常開出嘅事實,真係恕我講句正一「講就凶狠,做就碌撚」。甚至講得更加臭串,根本就係「公義唔可以當飯食」思維,「响公義同開飯之間,佢哋選擇咗開飯」。

佢哋唔做唔緊要,有乘客「代勞」。而巴士佬同私家車車主亦都照舊 action。但結果呢?雖然有市民明白「暴徒」嘅用意,體諒呢種「不合作運動」針對政府嘅同時係無可避免影響到生活,但亦有唔少港燦港豬批評行動參與者阻住佢哋實踐「我好鍾意返工」嘅「信仰」,甚至動手動腳,我就真係唔止無辦法接受,甚至會講「再繼續係咁,香港只得滅亡一個終極下場」。

唔好覺得我諗得過份悲觀。首先要明白,呢十幾年嚟,港共傀儡政權都係以「影響市民生活」作為針對示威嘅輿論主調同埋基礎,目的就係將「激進份子」、「暴徒」同一般市民大眾進行分化,以至處於對立狀態。雖然今次反送中抗爭已逐漸消減咗呢啲效果同目的,但始終香港人腦部仍然充斥「唔駛食飯、唔駛供樓/交租呀」嘅思維,於是乎「橋唔怕舊,最緊要受」。

第二,所謂「一隻手掌拍唔響」,若不是港燦港豬繼續「搵食大過天」,港共傀儡政權又點可以繼續用呢啲仆街招數呢。先講今朝為例,除咗嗰啲動口甚至動手嘅「返工教信徒」之外,仲有數以十萬計嘅市民,那管係對「暴徒」嘅態度係體諒同明白嘅嗰啲,都係繼續要返工。無錯,未有政治組織宣佈發動全港大罷工,又雖然直到噚晚都仲未肯定港鐵會罷工,貿貿然「射波」一定俾老細詐型。但如果連一眾市民都做定兩手準備,港鐵班員工就算無食咗豹子膽,都一定睇到「要焗住上」嘅勢啦。

第三,對應返成場「反送中」抗爭,港共公安 / 林李盧軍政府警衛軍 已經不斷將暴力升級,甚至達到恐怖襲擊水平,前線戰士們就算無被拉被鎖,都已經消耗相當體能。但如果過去咁多晚大家無諗住「聽日要返工」而行完就返歸,晚晚到23:59仲有幾十萬人响條街,縱使未必阻止到盧偉聰 / 鄧炳強仍然夠薑要班毅進黑警有咁變態得咁變態的無差別殺人式鎮壓,但起碼「現場後援」的物資運送、「啦啦隊」之類夠晒人多,成個局面已經爭好遠啦! 我明白每個人都會攰,又或者屋企有事要處理,例如我要返歸開罐罐俾阿B。但我都有試過「開完罐」之後,沖個涼回一回氣換件衫就再出動。

第四,確實「飯碗」係好緊要,亦確實因為高樓價、高飯價,收入升幅追唔上通漲使香港淪為奴隸社會,人人都為生活疲於奔命,因而「唔可以得罪老細」所以唔可以貿然話罷工。亦無錯,三幾丁友罷工,老細一定郁鳩你;但如果集齊人腳人多勢眾、甚至冚世界都罷呢…… 老闆要炒?即刻無咗成村人俾佢奴役,佢仲驚過你呀!只不過,香港人就係太集中於食飯供樓交租供書教學,又太習慣於只看眼前嘅事而欠缺宏遠目光思維,結果就人人都繼續只會「我要食飯、我要供樓」。

老實講,成場反送中抗爭持續咗接近兩個月,宏觀局勢雖然「反政府陣營」其實佔有優勢,但其實已經出現樽頸位,市民同林李盧軍政府之間呈膠著狀態。從軍事戰略角度分析,雙方都在尋求突破方法。噚日响支那共匪嗰場記者會雖然擺明係爛戲,但林李盧軍政府會認得成功同共匪主子借力,就會開始試圖突圍。雖然人人都估到都只係將暴力鎮壓升級,但點講都係嘗試突破樽頸。反觀市民呢一邊,雖然「火」無熄而只是有如煲湯校細咗,但到今日仍然仲係「我好鍾意返工」,即係仲未出現能突破樽頸嘅條件、意識。咁嘅局面,好難唔使人擔憂。

更是事實上,林李盧軍政府一直賴皮,對五大訴求視而不見,就係睇穿咗香港人被支那共匪奴役咗22年嘅奴隸心態,總有一日因為「我要食飯、我要供樓」而跪低,因而在打拖延戰、消耗戰;配合因隱藏身份識別而可稱為秘密警察嘅凶殘變態打壓手段,使人心生懼怕之餘加快因為生活而跪低嘅速度。直接啲講,就係個個都仲繼續「我好鍾意返工」將會是招致敗陣的關鍵!

恕我真係要如此措辭凶狠的狂鬧香港人,但單係今朝所見,真係好難忍得住而唔發火。我好希望香港人真係醒一醒,清楚知道「食飯、供樓」縱係生活生存之必須但同時成為林李盧軍政府對付香港人嘅武器。6月9日百幾萬人遊行,使我重現對香港嘅希望,唔該香港人再嚟一次「奇蹟」俾我睇、俾全香港人睇、以至俾全世界人睇,香港人唔係待宰的豬,好唔好?!

返回主頁

Be the first to comment

Leave a Reply

Your email address will not be published.


*