「反送中」逾二百萬人遊行,林鄭政權等倒台

今日遊行,人數真係好誇張。港鐵人潮比上週更早出現,尖碼排隊長達一公里,隧巴比上週更早迫滿「黑衣人」,仲有聽聞長洲渡輪都迫爆。而我响灣仔派完花之後更親歷其境 ── 上週軒尼詩道兩邊的行人路仲可以 Fast Forward,但今日完全水洩不通;上週駱克道到入夜先至被「攻破」,今日大約16:00 已經人山人海,仲要謝斐道都迫滿人,甚至內告士打道西行都係遊行群眾。所以人數一定過200萬,更可能迫近230至250萬。

人數之外,我今日留意到人群中有幾個情況,第一,神情比上週沉重,形成嘅 atmosphere 係哀愁而充滿怒火;第二,嗌口號未停過。我分別响軒尼詩道(修頓至菲林明道)、駱克道 (菲林明道)各逗留咗最少半小時,群眾嗌口號未停過,其中叫得最多嘅係「香港人 加油」同「林鄭下台」。反映參與遊行的人嘅示氣非常高昂;第三,多咗好多自製標語









我認為呢個情況反映港人對港共傀儡政權嘅不滿已經唔止針對送中惡法、完全心理變態毅進黑警濫殺無辜,會係多方面、全方位的。

民情方面,林柒婆已經撐唔到落去,夜晚出聲明有「致歉」呢兩個字,遊行所反映嘅民情絕對係原因,不過照我睇只係其中之一。其中之二,要留意港共傀儡政權22年來,無論有幾大規模嘅集會遊行,從來唔會出現「道歉」之類意思嘅字眼,今次出得呢兩個字,絕對可以理解為官衙內部俾咗相當巨大壓力過林柒婆;甚至乎較後時間有「消息人士」放風話「暫緩」只係下台階而實際即係撤回,更明顯地成個港共傀儡政權有好深嘅內部矛盾。再甚至乎有「爆料」話林柒婆前日搵班獻世派土共訓話時被屌老母,意即係連班土共都唔撚賣佢賬。已經可以睇到林柒婆依家嘅形勢係最起碼係四面楚歌。

仲有一樣更恐怖嘅係已經有公務員表達「反送中」嘅立場,同埋港共公安亦有不滿「香港甲級戰犯一號」盧偉聰對於班完全心理變態毅進黑警嘅處理手法。更可以話林柒婆依家根本已被十面埋伏,可見條死八婆當前身處嘅環境有幾咁凶險。

而回顧歷史,菲律賓馬可斯响1986年倒台,除咗有逾百萬人上街之外,其實最關鍵係馬可斯內閣閣員、宗教領袖辛海棉大主教、軍方司令拉莫斯將軍嘅倒戈。對比返當前香港,民情比當年菲律賓有過之而無不及,林柒婆內閣亦不斷互相割蓆,宗教組織就連最撚親共嘅明光社都「掉轉槍頭」反送中。直接啲講,尚欠紀律部隊嘅不滿仲未浮上水面咁解。所謂借古鑑今,你話林鄭政權都唔係準備倒台咁係乜!

或者大家睇到呢度可能好興奮,但同時地要知道,如果真係不幸的我又烏鴉口,就必定出現權力爭奪戰。所以,依家香港人就要認真思考,若是港共傀儡政權真的倒台,應該要由邊啲人接掌香港,那管會是一個不超過五年嘅臨時政府;同埋要有勇氣承擔响「執手尾」嘅過程中所出現嘅陣痛。

可以講,香港真係巨變在即,真‧香港人上完街,除咗要密切留意局勢之外,真係要認真諗定香港前面嘅路要如何走下去。

最後,再次向烈士梁凌杰先生致敬,願你在天之靈安息,相信香港人終能為你完成遺志。

返回主頁

Be the first to comment

Leave a Reply

Your email address will not be published.


*