「反送中」特區政府仲擺得幾耐?

逾兩百萬人上街之後,港共傀儡政權陣腳大亂,更出現互相割蓆,情況非常之混亂。就以噚晚「香港甲級戰犯一號」盧偉聰嘅記招為例,佢對「暴動」嘅立場「縮」,但同時話有五人干犯暴動罪行。好多人只係集中佢向群眾進行分化,但要是仔細留意6月12日以來港共傀儡政權嘅反應變化,其實會睇到盧偉聰噚晚其實係向返林柒婆還拖。

此話何解?港共將「暴動」嘅立場同開槍嘅責任推晒去港共公安部,比著你係盧偉聰條氣都唔順啦。而且,佢又將 Open Fire 嘅責任推俾指揮官,表面睇又係卸鑊所為,但試諗吓,Reuters 日前報導有資深警員不滿政府嘅處理手法,即係警隊內部出現矛盾。正常嚟講,盧偉聰呢個時候應該穩住軍心,但佢相反地向啲細嘅「撥火」;萬一警隊內部嘅矛盾浮上水面,林鄭地位甚至條命分分鐘凍過水。可以話盧偉聰唔止係還拖,仲係要同林柒婆同歸於盡!

然後再睇幾個因素:

第一,班土共「炒晒車」,直接屌林鄭老母,呢個跡象即係通稱建制派嘅土共已經唔賣帳俾林柒婆。另外,行政會議成員分頭「撲火」,你可以理解成林鄭借佢哋把口,但亦可能係連內閣都係四分五裂。單純政府管治角度,林鄭月娥已經變成一隻跛腳鴨。而且,無端端話今日行政會議唔開會,即係幾乎可以肯定內閣出現咗好大問題。仲點管落去?!

第二,醫管局電腦遭港共公安「入侵」,兩邊鬥卸,唔止反映港共傀儡政權內部矛盾相當之嚴重,要留意醫管局嘅原本職責係人命關天,而道理上不容「政治角力」威脅人命,其實係醫管局公開宣告有內鬼,更可以話特區政府已陷瓦解邊緣。

第三,睇返民情,港人好清楚目標唔止係撤回送中惡法,仲有要追究港共公安部就612「暴動」嘅責任、撤銷所有示威者嘅拘捕及檢控,但盧偉聰噚晚不單唔屈服仲要火上加油,即係話無論陣間16:00 林鄭月娥就算話辭職,民間場火都唔會收,仲反而使群眾目標集中於警務處同立法會。即係可以預計將會引起盧偉聰同一眾土共議員向林鄭作進一步反擊,隨時「火勢」一發不可收拾。

第四,送中惡法另一個罪魁係陳維安,但立法會突然話取消「黃色警示」,容許返議員及議辦職員自由出入。呢個可以理解為立法會秘書處都出現矛盾,甚至係對陳維安以至林鄭嘅不滿。

再仲有,劉夢熊多次「抽水」話潛水唔見人嘅董建華同689,其中689今朝突然「現身」。雖無表態支持還是反對送中惡法,但字裡行間全部都係怒斬林柒婆。無錯,689暴君只係覬覦篡位復辟,但基礎就係要隊冧林鄭嘛。仲有《大公報》社論出完又收,綜合而言就係反映支那共匪都唔知點處理當下呢個超級爛攤子。

咁多對林鄭政權不利嘅因素存在,你估仲好襟擺呀?? 不過,所謂國之將亡必多妖孽,當班飯桶只係諗住今年年尾區議會選舉之時,你估無人諗緊林鄭倒台之後搶奪權力?依家香港人唔止要為「反送中」嘅目標達成作出努力,仲要認真準備萬一林鄭真係倒台的話應該要做啲乜。

後記:之前兩篇文都有提到菲律賓馬可斯倒台嘅歷史,其實係叫大家讀吓歷史然後借古鑑今。放低對菲律賓嘅憎恨同偏見,讀咗就會知道當前嘅香港同1986年2月嘅馬尼拉有何相似以至相同之處,同埋仲爭啲乜嘢。

返回主頁

Be the first to comment

Leave a Reply

Your email address will not be published.


*