「反送中」好心林鄭月娥咪再老屈台灣

剛剛林鄭開完記招,本來有因為「割蓆」潮而預計有戲睇,不過到頭來乜料到無。可以話唯一重點係臨尾有記者問「你作為兩子之母,點樣睇記你老母呢四個字」,而林柒婆只係卸返隻鑊俾警務處。

佢嗰啲廢話就無謂再LOOP,而有記者問佢如何處理陳同佳案,佢答只能遺憾而無辦法,就真係要撩返出嚟講。一來陳同佳案係港共傀儡政權老屈台灣而催生送中惡法嘅根源,陷台灣於不義;二來係仲未遞退籍申請嘅英國人周融同埋一堆支那共匪豢養嘅狗嘅彈藥。就是林柒婆咁答,即係繼續當台灣政府同人民無到,同埋俾班土共走狗繼續亂吠,埋下送中惡法他日死灰復燃嘅伏線。即使單純地針對返宗案件,在法律角度,係有必要處理。

其實在原有嘅《逃犯條例》嘅基礎上,台灣政府同香港法律界都提出多個可行嘅方法,將陳同佳承擔殺害潘曉穎嘅法律責任。例如 one-off 引渡協議、修訂《刑事條例》加入香港司法機構可以審理港人境外犯案等等,具體細節唔重述。點解港共傀儡政權唔做嘅原因,除咗係要嚟開啟「送中惡法」嘅藉口之外,最重要嘅其實係「一個中國」嘅政治原則,唔要承認台灣嘅主權。而响呢個「政治正確」嘅原則之下,仲要掉返轉老屈台灣,或是以台灣用語講法「栽贓」,更可見港共對台灣嘅仆街程度係極致徹底。所以解釋得到台灣社會點解咁火滾,同埋台灣多家媒體近週响香港「駐重兵」。

再其實,香港同台灣之間無引渡協議唔係今時今日嘅事,出現嘅情況唔止陳同佳案,亦唔止台灣「走犯」到香港,仲有港人犯事後「著草」到台灣。

或者我先「政治不正確」咁講,港共傀儡政權好想拉嘅李倩怡,就係呢個「歷史遺留落嚟嘅問題」而「逍遙法外」,但點解林鄭月娥當時唔郁手吖?

再追溯遠少少,最少有三個香港人好熟悉嘅名人真‧走佬到台灣而逍遙法外 ── 「五億探長」呂樂、曾志偉老豆曾啟榮、同埋「因涉嫌販運700噸鴉片而被政府檢控繼而棄保潛逃到台灣的東方日報創辦人」馬惜珍。

敢問班支那共匪豢養嘅狗,點解一個存在咗接近半世紀嘅問題,講緊仲係有香港人借「著草」去咗台灣而逍遙法外,點解唔出聲呀喂?97前英國殖民走狗無處理已經係失責,到「回歸中国,當家作主」都唔處理,依家就借啲意拎出嚟嘈喧巴閉,呢啲係乜嘢道理?

但又掉轉講,2016年荃灣「石棺藏屍案」的兇徒事後著草到台灣,台灣都好有技術地避咗「台獨」問題,以簽證到期驅逐出境嘅方式將兇徒交返俾香港啦。今鋪為咗幫支那共匪主子而老屈台灣,更見港共傀儡政權唔止欠香港人一個真正嘅道歉,仲欠咗對台灣政府同人民嘅道歉。

林柒婆今日仲係迴避台灣傳媒,遲早俾台灣輿論打鑊金。

返回主頁

Be the first to comment

Leave a Reply

Your email address will not be published.


*