「反送中」警察總部長春圍城之後續戰略

621升級行動暫告一段落,雖然凌晨大約兩點隨住有港共公安full gear增援消息而「散水」,表面上無以為繼,但班黑警忍咗一日「長春圍城」以為可以大開殺戒,可惜「入寶山空手回」連發洩都無得發洩,就是連想製造「暴動」場面編造輿論嘅機會都無,縱使不能有如左賊嗰隻「階段性勝利」,都可以話有一定斬獲。亦所以順便警告健吾、容樂其班焦土撚唔好諗住「咪又係同民陣一樣」嚟抽水,戰術嘅嘢佢哋識條撚啦。

針對送中惡法嘅抗爭仲未完結,就要整理同分析噚日「長春圍城」演變出嘅局勢,為後續行動鋪路。

1. 戰略部署調整
由立法會聚集,無預警擴展至包圍灣仔警察總部,仲要封鎖晒所有出入口,連埋突擊灣仔稅務大樓,令到封鎖線西起干諾道中大會堂東至告士打道菲林明道,成套戰術絕對係空前成功。測試到香港人係有能力癱瘓政府運作,爭在嘅就係人數使「癱瘓」嘅程度同持續時間。

當然,港共公安必定重新部署,防止再發生「長春圍城」,唔止係軍器廠街,仲必定係所有政府設施。但只要人夠多「蟻多摟死象」,佢哋有限嘅資源根本無法應付。

直接講,6月9日同16日有上街嘅市民,你哋要作進一步準備參與其中。但唔需要擔心要食催淚彈,戰士們唔會預你哋啲「示威新手」响前線衝鋒陷陣,後勤支援都係一場抗爭嘅重要角色,甚至齋坐都已經足夠。

另一個測試結果就係「大台」真係可以消失。只不過仲有啲政客 (以至政棍) 仍然眷戀「大台」提供嘅榮耀虛榮感,甚至試圖左右大局。呢樣嘢我必須點名黃之鋒,無啦啦搞乜春去留公投,好彩在場群眾「睬你都有味」,唔係的話咪俾你搞散!做人要知所進退,俗啲講要知自己斤兩,唔好只係諗住發明星夢。廿零歲仔就想隻手遮天,呢啲心態真係唔要得,宏觀講根本唔適合當領袖。

仲要點名張超雄。放走架 Benz Sprinter 519CDi,你傻定懵呀仆街!你唔識戰略已經唔應該指手劃腳,更是佔領期間「婦人之仁」俾港共公安運咗批武器入去特首辦嘅慘痛教訓,唔該你「柒少陣當幫忙」甚至躝屍趷路啦屌你個閪!不容向敵人放水就係基本戰略思維,後續再有人做呢啲嘢,大家只需要「一腳踹到外太空」,話之佢係玉皇大帝。

仲有一樣相當之重要嘅事情,就係提防黑警混入群眾,收集情報已經夠累事,甚至挑起事端爭執,製造混亂。大家必須要小心同留意。

噚晚九點幾,夏慤道後門發生「拗撬」而幾乎演變成打鬥,正當我打算拎條「委任證」 Sound track 出嚟播之際,群眾又 Sing Hallelujah to the Lord 先至化解危機。

另外,大約20:30,「煲底」有人向佔旺畫家挑機,以下呢張相red marking 條友喪到十幾廿人調停而條友仔都唔想收手。

我諗咗好耐決定公開呢張相。因為我用身體擋住佢去路時,佢身體嘅衝力話我知佢應該「食過夜粥」;我同在場多位相信是擔當糾察嘅人士傾過,佢哋都覺得「鬼鬼地」;而且有人同我講呢條友已經成晚响度撩交嗌,仲要係針對係人都知「有問題」嘅「畫家」,呢種擺明係鬼頭仔所為;所以我決定基於戰術同群眾安全考慮,選擇「寧枉無縱」,少佢一個唔少。

2. 黑警心理質素
首先要明白班黑警平日覺得自己係天下無敵好撚威,但噚日「長春圍城」搞到班佢哋無得出去,仲要不斷被屌老母,甚至「餵狗糧」,對佢哋嚟講心理上其實係「不如一槍打死我」。再加上切斷晒補級線,特別係食物同水呢啲生存基本都真係彈盡糧絕,產大巨大嘅心理同精神壓力,正常人都會發癲,更何況佢哋幾小時內由天堂跌落第十九層地獄?!

第二,佢哋隔住玻璃門發撚晒癲,响窗口舉中指,甚至响堅偉樓4樓廁所玩剪影開氣槍等嘅發洩行為,反映到佢哋嘅心理質素差到跌渣,簡單而通俗啲講「唔襟激」。一方面當然要小心佢哋老羞成怒;另一方面,佢哋嘅EQ同AQ就係死穴,後續可以响「心戰」方面落多啲功夫。直接啲講,就係針對佢哋平日恃才傲物自視過高嘅態度。而佢哋呢種態度嘅來源係以為自己乜都識,特別係法律方面,所以大家要惡補有關嘅法律知識,包括由截查身份證、搜身,到使用各類武器等等,鎮住佢哋唔好有恃無恐之餘,繼續壓抑佢哋嘅自大成狂。

第三,根據過往經驗,其他環頭必定快速增援清場,但好相信因為 G20 峰會衍生嘅「外國勢力」因素焗住忍手,即係唔止警察總部入面覺得「乜面都無晒」,仲會係成個警隊都有呢種諗法。另外,盧偉聰噚日龜縮潛水,同埋佢之前將612 Open fire 嘅責任卸俾前線指揮官,班黑警對住呢個所謂一哥係充滿怨氣;再仲有,你估班死差佬唔知道支那共匪公安武警解放軍做「臨時警員」,班共匪僱傭兵大開殺戒而要班香港警察孭呢隻黑鑊,條氣更加之唔順。即係港共公安內部有深層次矛盾,挑撥離間嘅大好時機到了。

第四,港共政權為612嘅「無差別殺人」行為互相割蓆,坊間要求徹查「交人頭」嘅呼聲不絕,班港共公安點死撐都好都必定有巨大壓力。再者,國際社會讉責聲音此起彼落,同埋已經預計甚至知道外國將會介入同採取追究行動,包括國際軍事法庭,班黑警點死撐都好都必定知道隨時大難臨頭。呢種心理狀況之下只會諗「自保」,爭在係祭出「投名狀」定係向群眾絕地反擊而已。

3. 輿論戰對訣
港共傀儡政權一如慣常利用TVB慣性收視配合袁志偉呢條仆街,手法大家都見慣見熟。但關鍵在於普遍港人唔熟悉政府以至同警隊運作,就產生輿論被誤導嘅風險。

噚日中午嘅「阻礙緊急行動」為例,唔熟港共公安部運作,就有機會被呃到。但要記住單係港島區北部唔止得灣仔一間警署,仲有西區警署、中環警署可以應付封鎖線以西嘅求助;封鎖線以東就有跑馬地、北角同埋柴灣可以應付。

夜晚嘅「白車CASE」,呢招嘅基本目的唔駛再多講。但我可以講黑警唔開門嘅目的除咗「例牌菜」之外,仲有係「黑警心理質素」嘅第三同第四,港共公安部要提防啲伙記忍唔住衝出去「大開殺戒」或是「投名狀」甚至爆大鑊,隨時搞到唔止香港警務處 Totally collapsed,係成個特區政府倒台。

另外有文職都埋怨返唔到屋企,又話屋企有乜人要照顧,試圖進行軟性Spinning。「反擊」方法亦係好簡單,一句「食得咸魚就要抵得渴」;要具體啲講的話,就係「落Charge 啲文件就係你哋打嘅」,將之列為共犯,唔駛再講其他嘢。

當然,唔少得「收錢」呢種言論。唔駛同佢哋講乜春「公義是無價的」,因為講得「收錢」嘅廢老,眼中就只有錢。同樣地又係只需要「打著紅旗反紅旗」,佢哋講錢就同佢哋講錢,最緊要引到佢哋講出銀碼,然後就所謂「大話怕計數」。具體方法就例如早前Facebook 有個Post ── 師奶去街市買餸,檔販話示威者收咗錢,師奶問檔販「收咗幾多錢」,檔販話$2000,個師奶即刻由銀包攞$2000 出嚟叫個檔販出去「食子彈」。甚至乎再高招啲 (尤其適合話「美國佬科水」),例如6月9日100萬人上街,每人$2000,總數最少20億 ── 如果香港值20億,抵賣俾美國佬啦!

仲有英國人周融、傅振中之類嗰班共匪嘅撐警所為。雖然除咗啲深藍廢老都無乜人理佢哋,但正如毛澤東話齋「消滅一切反對力量,消滅於萌芽之時」,就一定要徹底鏟除。方法唔駛惡言相向,只需要「打著紅旗反紅旗」,以「無犯法怕乜俾人查」針對返班完全心理變態毅進黑警嘅所作所為;甚至再串啲,以搜書包「我都無偷嘢做乜要搜我呀」為例,直頭話班黑警戰犯連小學雞都不如,咁就得㗎喇。

還有的是,港共/支共或會因應「短視」呢種香港人嘅特質,試圖「交人頭」出嚟,例如鄭若驊同李家超,將民情降溫,並且 buy time 等 G20 峰會一過就大開殺戒。所以奉勸香港人千祈唔好中計,緊記「初心」,堅持五大訴求;同埋緊記只有「撤回」先至係100%保證送中惡法唔會翻兜 / 「暫緩」就是一年內隨時可以「僵屍復活」。

4. 外國勢力
首先要明白,支那共匪就係勾結外國勢力 (主要係蘇聯,同埋「多謝日本侵華」),佢哋好明白如果有人有樣學樣就到佢哋仆街。另外,支那共匪最想做嘅就係「閂埋門打仔」,或是港共公安深明要是國際社會作出追究就「跳海都唔掂」,所以極度唔鍾意國際社會嘅干涉。

掉返轉講,香港嘅實力無可能挑戰得到支那共匪,就係事實;正如「爛仔打交」都要拖馬。更是港共傀儡政權同支那共匪目前其實最忌諱於外國嘅監察同「干涉」,所以不論實質行動同思想準備,都必須將「外國勢力」納入考慮因素。

繼續有仆街利用普遍港人嘅顧盼自憐心態大嗌「國際社會無人理香港」,依家香港成街都係外國記者,已經唔駛理呢啲廢話。或是嗰班友仔承繼「國民黨特式中史教學」嗰種思維,話外國就算「理」香港都不過是因為利益,向國際社會嘅關注「潑污水」。好老實講,政治就係利益計算,係不爭嘅事實。但如果「西方列強」攞著數之餘而香港有所得益,衰啲講「各取所需」又有乜所謂。

試舉兩個例子:
第一,支那共匪最鍾意講英國殖民走狗响香港「掠水」,例如興建赤鱲角機場由英資公司包攬,但要不是支那共匪控制嘅機管局搞到鳩之媽碌,赤鱲角機場真係世界一流嘅機場;又例如「規定買英國製造巴士」,英國車廠不單唔係賣埋啲垃圾車俾香港,仲會 Tailor made 車款俾香港 (例如 AEC Regent V 34ft.,「珍寶巴士」Daimler Fleetline CRG33 等等)。
第二,假設德國托管香港,並向英國有樣學樣,規定香港小巴換晒做 Benz Sprinter。係呀,德國「cap 水」,但理論上點都好過 Toyota Coaster!
堅持要「勾結外國勢力」,最起碼明白「支那共匪攞利益但搞爛香港 vs 西方列強唔會塞垃圾俾香港」嘅道理。

再血淋淋啲咁講,無德國收容黃台仰同李東昇,無Donald Trump 話要响G20 峰會「傳召」习近平照肺,6月12日你估只會催淚彈、橡膠子彈、布袋彈呀?!

實際行動建議就係練好啲英文,隨時準備接受外國傳媒訪問;同埋幾唔鍾意都要練好國語,得的話就學台語,同「駐重兵」嘅台灣傳媒做訪問。至於去日本示威,原則上我會支持,但記得千祈唔好犯上嚴敏華郭紹傑嘅錯誤,同埋啲標語一定要係英文同日文,甚至德文、法文、西班牙文。

——————————————————————————————

後續將會係點真係好難講,但肯定G20峰會係關鍵因素同埋 Timing。所謂「機會留返俾有準備嘅人」,趁仲有6日時間,大家好好地做準備功夫。

返回主頁

Be the first to comment

Leave a Reply

Your email address will not be published.


*