「反送中」外國登廣告絕對有用有必要

連登仔眾籌300萬响6月28日G20峰會當日响世界各地報章刊登廣告同习近平「贈慶」,結果唔駛四小時就達標,最終超額一倍有多逾600萬完成,證明民氣根本就無大幅下跌。

事實上,現實同客觀啲講,圍完「狗籠」之後,真係要俾時間大家回氣。承如毛澤東嗰句「槍桿子、筆桿子,幹革命必要的兩桿子」,唔「武嚇」就要「文攻」。絕對可以講今次嘅「全球廣告」係對付支那共匪嘅必須。

另一方面,我之前都有講「香港唔夠共产党鬥」過係不爭的事實,跟住嗰句就係「所以香港一定要『拖馬』」,直接講就係「勾結外國勢力」。撇除仲係有啲粉皮繼續顧盼自憐「國際社會唔會理香港」潑冷水…… 609同616兩次 Millions people protests,加埋612 港共公安班「戰犯」亂鳩咁打,國際昅實晒香港。但好現實,無後續行動,或連最起碼嘅 keeping on alert 都無,唔好話「西方列強」,就連傳媒都唔會再花咁多時間「昅」。所以,無得「衝」就做住呢啲「文」,係絕對正確。今次「全球廣告」嘅作用,一方面係「擺明落鳩共匪面」,另一方面就係話俾全世界嘅人知「件事未完;香港人我心不死」。

連登仔原本嘅計劃係美國、英國同埋日本嘅報紙,基本上係足夠。事關普遍嚟講,尤其是香港嘅輿論生態,都係集中於例美、英嘅傳媒;而日本係G20峰會主辦國,可見連登仔嘅策略係有認真諗過。而依家眾籌「超額一倍」,佢哋打算「擴大戰線」亦係正確方向,因為支那共匪就係好怕「家醜外傳」,傳得越開共匪就越多顧忌。但要「打得準,唔好嘥子彈」,我認為就應該以「關注程度」同埋「連繫疏近」作為衡量。

德國真係唔駛講咁多,必定係首選。收留咗黃台仰同李東昇之外,仲透過德國駐港領事館做大量 softcore communications 工作,再仲有係除咗 DW 之外,德國本地電視台 ZDf 都有駐守响香港,612當日影住班戰犯黑警大開殺戒。

其次我認為係法國。雖然法國佬响「反送中」好似無乜動作,但睇返歷史,法國佬好多時都係做有如 Sniper 嘅角色,响重要關頭就衝出嚟聯合其他人馬「冧友」,例如諾曼第登陸。而且,香港第二大 Caucasians 族群人口就係法蘭西硬膠,唔好當法國人乜都唔理。不過,有熟悉法國嘅朋友同我講,法國佬覺得香港人抗爭太斯文喇…… 始終「法國大革命」真係用斷頭台,見血,就係法國歷史。

歐洲第三個建議係西班牙,尤其是應該揀選加泰隆尼亞嘅報紙。無錯,可能加泰友唔太識香港乜料,但加泰同香港其實係同病相憐,只要解釋到俾佢哋知乜事,就好容易產生共鳴。況且,Catalonia TV3 有派人嚟香港。有圖有真相,我親手影的!

加泰友必定唔會無基礎認了解香港到底發生緊乜嘢事。

其實有一個國家,更加之係 Must ── 台灣。
「送中惡法」因為港共傀儡政權老屈台灣而起。台灣同香港一樣都係苦主,無台灣人決定站在香港人民嘅一邊,場仗會係相當之難打。事關兩個苦主但得一個出聲,香港真係好難捱。而且,蔡英文政府對港共作出咗有力、甚至乎法務部响6月15日個聲明直情係致命一擊,有需要繼續保持住台港兩地緊密嘅聯繫。

另一方面,就係台灣社會向香港提供咗相當有力嘅支援,响禮貌上點都要講句「謝謝」,或是最起碼要俾台灣社會一個清楚嘅訊號 ── 香港人收到晒你哋嘅支持,我哋會繼續堅持。

與此同時,台灣政府近期有連串狠狠打擊共匪嘅動作,包括上星期三讀通過國安法,為取締白狼等勾結共匪、PTT 五毛黨殿下法理依據,隨時可以採取行動;另外仲有準備立法針對支那共匪在台嘅商業活動,包括嚴禁傳媒、從事社會事務非政府組織接受共匪嘅各類援助。剛過去星期日「館長」陳之漢聯同時代力量立委黃國昌聯手舉行嘅「反對紅色媒體」集會,就係針對呢個立法嘅議題。即係話,香港同台灣當前都在對付支那共匪,縱使議題略有不同,但其實性質係一樣。從戰略角度,台、港有聯手結盟嘅空間同需要。

如果連登仔仲有「子彈」剩嘅話,當然可以開闢更多「戰場」,例如南韓係可以考慮。事關南韓 MBC 有「駐兵」响香港 (又係我親手影的)

據我打探到,南韓人了解過「反送中」議題同612之後,不約而同諗起光州屠殺,但唔希望香港會重演呢段歷史。不過,香港熟悉南韓政治嘅人真係唔多。鍾樂偉?算把啦。柴文瀚可能先至係專家,但我都唔知佢呢期有無時間可以 Spare 出嚟幫手。但去邊都好,有一個國家絕對唔駛去 ── 馬來西亞 (Except 我鄉下砂朥越)。

馬來西亞華人嗰種「大中華情意結」簡直痴線,今時今日仲幻想住中国共产党透過陳平「拯救同胞」,真係醫返都嘥藥費。點解砂朥越會係例外?唔係因為係我鄉下,而係砂嘅華人相對馬來半島無咁「大中華膠」,同埋仲有一樣香港無傳媒講嘅事件 ── 砂朥越獨立運動。背景論述同香港幾乎一模一樣,詳細就唔响度講,大家可以摷返我啲舊作慢慢了解。砂朥越有乜報紙?Borneo Post,詩華日報同國際時報。

總之,呢600萬反映香港人嘅齊心,但真係要好好運用,食住 G20 嘅形勢,打好「勾結外國勢力」嘅輿論戰。

至於有疑似「外家响台灣竹聯幫根據地之一嘅新北市板橋區自強新村嗰隻芒果」嘅信眾譏笑「600萬拎嚟籌組軍隊好過啦,拎俾西方列強簡直嘥錢」….. 600萬港紙買得幾多武器呀憨鳩!掉返轉講,如果引到外國出手將支那共匪打個稀巴爛,呢600萬幾高「槓桿比」呀?!我心諗你唔識軍事嘢就出少句聲啦。

返回主頁

Be the first to comment

Leave a Reply

Your email address will not be published.


*