G20 美中重啟貿易談判,未必係壞事

香港全城聚焦嘅 G20 峰會,美國總統 Donald Trump 同共匪暴君小學雞习近平雙邊會談,雖然 Trump 「屈服」於支那共匪淫威而無提及香港,仲要對共匪暴君小學雞講咗好多好聽嘅說話,好似使人覺得香港人掟咗600萬賣廣告得個桔;甚至乎係美國宣佈暫緩向中国加關稅同重啟貿易談判,就會有人認為「搞咁多嘢都係嘥氣」、「話咗國際社會唔會理香港」嚟潑冷水,對於習慣不加思索、只會直咇腸現眼報、總是「耶穌復活後的多瑪」嘅香港人嚟講,睇呢啲表面嘢確係會幾無癮。但正如好多武俠小說常見嘅對白「一刀殺咗你咁便宜?我要你求生不得,求死不能」,根本唔需要洩氣,甚至我可以講特朗普係暗地裡曲線幫咗香港。

第一件事就係要睇返美中貿易戰之下,支那共匪驚過你美帝紙老虎嘅事實。從戰略分析角度,處於下風嘅一方,會不斷嘗試唔同方法挑機,試圖取得突破,但如果無效而又唔想跪低就死捱;如果捱到咁上下見對家突然「手鬆」,會以為時機到而郁手。但相反地,如果佔上風嘅一方「放水」,往往都係「欲擒故縱」之技。無錯,Donald Trump 無响 G20 講香港,但提咗北韓,極可能係美帝準備對习近平嘅「屈尾十」部署。當然,未知金正恩會唔會應機。

第二件事就係要明白美中之間嘅經濟同政治角力,可以運用嘅「棋子」唔止香港,仲有日本、台灣、北韓,與及東盟(尤其是菲律賓同越南),其中最具「致命」威脅嘅就係北韓。小學雞习近平去大阪之前先去咗北韓搵金正恩,但就連「聯合公告」都無出,就可以理解為习、金之間傾唔成deal;相反地,Trump 話收到肥仔金嘅生日卡,即係話俾全世界知佢同肥仔金之間仲有聯絡而且可以話升咗級,仲係話俾习近平聽「北韓已經唔再係你完全控制範圍之內」。共产党識睇的話,就知道美帝响貿易戰嘅「放水」背後係有兩手準備。

第三,雖然美國無出聲講香港,亦未見日本之外剩低 G17 國家有講或做過啲乜,但關鍵就係日本首相安倍晉三俾习近平嘅「見面禮」。須知道日本嘅政治傳統係唔會對別國事務說三道四,但安倍晉三竟然打破傳統,一來該係因為日本有唔少投資响香港,二來該係日本後面始終有個美國;另外,今次G20峰會美國只係客人 / 日本先係主人家,如果日本無出聲(講香港)而美國出聲,就唔符合外交禮節。即係可以理解為美國有指示俾日本,起碼做定一啲外交層面嘅準備。而如今 Trump 無講,就可以理解成美國就香港嘅情況向日本借刀。只不過真係間接路線,慣咗直咇腸現眼報嘅香港人未必明白咁解。

第四,支那共匪死要面嘅特質出晒名,向 G20 各國駐香港領事館請願、反送中全球廣告,已經落晒共匪面;而日本政府容許香港人响大阪示威,甚至世界維吾爾大會熱比婭入境,係向习近平「星多兩巴」;連埋有刊登反送中廣告嘅 The Japan Times 响 G20 會場門口任派,對應返支那共匪外交部要求日本「做好保障习聖上尊嚴嘅措施」,更直情係「擺明唔俾面你习近平,吹咩」。

第五,有報導指习近平主動同加拿大首相Justin Trudeau「嗲兩句」扮晒 Friend 底,但加拿大政府又係一個屈尾十話「促請中国盡快釋放『人質』」。即係話习近平响 G20 乜面都攞唔到,仲碰到一鼻子灰。而如果 Donald Trump 唔「放水」,即係真‧趕狗入窮巷,亞太區局勢有一夜間全面失控嘅風險;既然有北韓肥仔金呢隻牌仲可能有得用,不如暫時放支那共匪一馬。

無錯,Trump 咁做可以話俾支那共匪有得 Buy Time,亦確實地可以有向香港同台灣動手動腳 (甚至動刀動槍)嘅風險,但要知道香港社會嘅反送中力量同時需要 Buy Time,甚至乎國際社會都需要時間做準備。另一方面,中国出晒名唔會遵守協議,即係可以預計到同美帝傾得掂貿易談判嘅機會其實接近零;就算暫時放生華為嘅5G,亦可以响招標加入條款令到任正非唔會中到標。所謂「遲死早死都係必定要死」,唔爭在嗰一陣啦!

要講白啲嘛,Donald Trump 同日本借刀,煮咗习近平一鑊杰撻撻,徹底落晒佢面;另外借北韓,暫時制衡住支那共匪;重啟貿易談判,免得趕狗入窮巷,只為緩兵之計。俾共匪 Buy time 而其實最終 Buy nothing,但同時俾香港人 Buy time 做嘢,香港人就要盡快做嘢。但同時當然仲要提防林柒婆、比卡超、「香港甲級戰犯一號」盧偉聰以為「得米」可以準備大開殺戒。但既然美國搭日本隱性曲線確認香港「勾結外國勢力」行動係有作用,而又相當肯定支那共匪同港共傀儡政權都非常忌諱於「外國勢力」,就要繼續做。所以7月1日,繼續要上街。唔想維園行到金鐘咁遠,咪中途加入,甚至就响金鐘等囉。

返回主頁

Be the first to comment

Leave a Reply

Your email address will not be published.


*