「反送中」烈士一個都不能再多

繼梁凌杰在6月15日殉難之後,反送中抗爭今日再添一名亡魂,實在使人黯然神傷。同樣地,我仍要穩住心情,盡我嘅責任去分析呢位少女嘅殉道,藉資訊作為大家其中一個疏導情緒嘅渠道。

盧女烈士終年21歳,即1998年出生,屬「97後第一代」港人。無經歷過英治時期嘅風光,而且升讀中學之時正值中国最「繁榮昌盛」嘅年代,亦係「反國教」之前港共傀儡政權大開洗腦機器並且最成功嘅時期,理論上該是起碼最唔抗拒共产党嘅一群。可是,2012年該是中二或中三,成為「洗腦國教」最首當其衝嘅一群;到了2014年,高中階段,因為學習需要、以至可能更直接講嘅係為應付考試需要,接觸更多新聞時事,適逢佔領運動嘅發生,好自然地知道支那共匪嘅醜惡。再加上啲土共藍絲廢老廢中標韱「廢青」,對共匪港共更心生厭惡。另外,嗰幾年有唔少討論關於97前嘅歷史,唔止使呢一代人發掘到「97前風光」然後比較到港共嘅垃圾,仲會明白原來香港一切嘅淪喪全都是支那共匪強加諸於香港身上,再然後發覺自己可能沒有明天,所以投入反送中抗爭,為求一搏換取將來。

帶返頭盔講明,我唔係話盧烈士殉道前係咁嘅諗法,純粹係一種基於宏觀環境因素作出嘅分析推論,也可能解釋得到「前線」有唔少20至25歲嘅年青人嘅基礎原因。

佢留下嘅遺志,比梁烈士造成更大震撼。一來更詳盡、內容直接明確清晰;二來寫於牆上,並且影相放上 Instgram,似乎佢知道若只是一張紙,未必能夠讓港人清楚知道佢嘅遺志,甚至遭港共公安將之灰飛煙滅。而且,我相信佢甚至乎有考慮到殉道之後,港共傀儡政權好快就會叫油漆佬「搞掂佢」,所謂「有乜堅得過『有圖有真相』」。容許我比較「冷血」咁講,佢似乎比梁烈士更堅決要以死明志。誠然,人命,確實一去不返,仲留低條命嘅,當然要諗接續下來如何達成目標,梁烈士殉道犧牲不能白費,如今盧烈士殉道之志,作為真正香港人的更是不容有失。

我相信除咗悲傷心情之外,最多人諗「林鄭幾時死」。坦白講,所謂「政治一日都嫌長」,無人可以肯定港共傀儡政權幾時倒台。但承如我講梁烈士殉道時提及鄭南榕殉難嘅歷史,盧烈士今殉難就使我諗起鄭南榕殉難嘅後續 ── 1989年5月19日鄭南榕舉殯,喪禮巡遊去到當時名稱介壽路,即係依家嘅凱達格蘭大道,即係總統府前面,有一位來自嘉義嘅追隨者詹益樺當場自焚殉道。

之後,總統李登輝開始成功擺脫蔣家為首嘅「外省籍」人士勢力嘅影響,推動政治改革,台灣正式步入民主化嘅歷程。姑且以呢段歷史,作為俾大家嘅「心靈雞湯」。

確實悲痛情緒難免,我認為事到如今,眾人都要振作之餘,亦真係要留意身邊每個同伴,唔單止「一個都不能少」,亦唔止係「要死嘅應該係港共傀儡政權」,係正如鄺俊宇轉達梁烈士父母之言,其實仲有一句(傳媒報漏咗) ── 成功之後,大家一齊享受成果。

亂世之下,眾人都好大壓力,更容易有情緒問題。咁就順便講,面對潛在情緒病嘅人,千祈唔好叫佢「睇開啲」,亦唔好刻意講一啲懶正面嘅說話,只要做一個對方信賴嘅聆聽者,已經足夠。

希望藉住以上廢噏,可以俾到大家疏導情緒,亦睇得到前面嘅路可以如何走下去,為梁、盧兩位烈士達成遺志。

最後,向盧烈士嘅父母、家人、親友表達慰問。希望你哋能夠相信香港人,最終唔會使佢嘅殉道白費。願盧烈士在天之靈安息,放心在另一個空間休息啦。

───────────────────────────────

後記:啲仆街藍絲廢老想「慶祝」,就直頭打柒佢老母臭閪唔撚駛客氣。仲有一啲無膽匪類嘅藍絲廢老,試圖忽略烈士殉難前在梯間牆上的遺志而想話「唔好乜都咁政治化」,甚至係「受煽動而一時睇唔開」誘導輿論去「精神有問題」,或好聽啲講「情緒病問題」淡化事件。咁我唔講政治,就講「情緒病」呢三個字。我作為過來人,政府對情緒病患者俾咗乜春嘢支援呀?咪就係睇醫生要等超過一年,唔額外俾錢for自費藥就繼續食超舊式成份嘅懵仔丸囉,屌你老母。一個連病人都唔提供妥善治療照顧嘅政府呀,要嚟做乜撚嘢呀?! 倒台把啦。

返回主頁

Be the first to comment

Leave a Reply

Your email address will not be published.


*