老K反對同志平權結果自作自受

台灣嘅同志平權我一直無出聲,原因一來係我响台灣有幾個朋友係同志 (Both Gay and Lesbian 都有),費時俾老K、耶撚有位入影響輿論,二來係雖然我從法律同人權角度支持同志締結平權,但其實比較保守,唔認同容許領養兒童 as 同志知道「無後」是事實 (即使是 Transexual 變性後都唔能夠「繼後香燈」)。

台灣立法院日前三讀通過法案之後,就可以講了。

雖然科學證實同性戀唔係病、亦唔可以「拗直」幾十年,但世界各地,那管是美國同歐洲,依然有「反同」勢力。普遍嚟講都係基於所謂道德問題,但其實骨子裡根本都係「繁殖」嘅問題。

西方嘅「反同」在道德方面的基礎,主要來自《聖經》提及所多瑪同蛾摩拉被滅的背景就是淫亂和同性戀氾濫,認為上帝視同性戀為罪;繼而因為同性戀「無後」,違背「你們要生養眾多,治理這地」之說。只不過現代社會唔少「正常」的男女結合夫婦也不生小孩,衍生「生唔生係個人自由抉擇」可同樣地引伸到人權嘅問題,於是乎西方比較少以「無得生」批評同志。

至於華人社會,或集中講台灣,反同的論述基礎就好集中於所謂「不孝有三,無後為大」的「古賢聖訓」 ── 同性戀「無後」就是違反「古訓」不合人倫。老K 只不過就係利用呢種小農奴隸基因嘅思想,加埋台灣嘅基督教雖然比香港正常同開明但仍然有唔少「耶撚」,去煽動「反同」。只不過台灣社會普遍明白必須要給予同志在法律同人權方面的權利同保障,但老K 又反駁唔到,「耶撚」亦無辦法以「講耶穌」推倒很多現實問題,於是乎就試圖訴諸「情緒勒索」手法,例如話「教壞細路」之類。可是都作用不大,反對同志平權的聲音和勢力未有明顯擴展。

臨到立法院三讀前夕,唔知邊條國民黨員定FANS,拎所謂「國父」孫中山出嚟,以為可以將「情緒勒索」提升到屈機嘅程度,結果遭到網民瘋狂以孫大炮嘅拋棄糟糠、淫欲幼女嘅歷史「打臉」,我就心諗國民黨都有今日喇!再深入一點分析,根本係老K 近70年積孽而成嘅惡果。此話何解?

第一,國民黨從來係以孫大炮、辛亥革命作為宣稱政權合法性的基礎。到後來更是將孫大炮奉若神明,有乜拗唔過 (不論對住綠營還是老K黨內派系之間)就拎嚟「撻朵」。今次反同出動到孫文,其實都係沿襲自呢種幾十年「行之有效」嘅習慣。

第二,國民黨一直為鞏固其以孫大炮為基礎嘅論述觀念,在歷史教育方面一味講到孫文係好狠偉大嘅偉人 ── 只會講佢點樣領導反清勢力,點樣成功推翻滿清…… 但對於歷史的「陰暗面」就隻字不提,當中就包括拋棄糟糠盧慕貞、淫欲幼女大月薰、「見一個食一個」嘅淫穢史實。無錯,以現代商業角度嚟講,國民黨好成功塑造咗「孫中山是很偉大的」形象,但同時令到好多人遺忘咗佢呢啲淫亂臭史,甚至是老K盲粉懵然不知、或就算知都唔當乜嘢一回事。

呢兩樣夾埋,咪就搞出今次「國父顯靈反對同志平權」嘅笑料出來囉!

姑且講遠少少,國民黨响隱藏歷史做咗唔少功夫。除咗塑造「孫中山是很偉大的」形象之外,仲有嘉慶斬和珅之後為何出現「嘉道中衰」,有何因素導致大清帝國之下癮君子變得如斯普遍嘅歷史資料都係唔知去咗邊。須知道老K以「拯救中華民族」遠離西方列強欺壓嘅民族主義出現,但如果有史料引證「西方列強欺負」嘅背後不過是「中國人」自己攞嚟衰,咁就國民黨無從「拯救」!

今次同志平權嘅「國父」笑料,可以話對國民黨處理歷史嘅手法發出嚴重警告。期待唔知幾時再有乜嘢議題,引爆埋「嘉道中衰」至鴉片戰爭之間的臭史出嚟的話,中國國民黨應該變成「歷史」。

後記:我持續追殺國民黨關於歷史嘅問題,因為普遍香港人有嘅歷史知識,都係國民黨搞出嚟。如果鴉片戰爭唔係只得「英國佬賣鴉片正一仆街」,仲有埋「中國人自己沉淪毒海」嘅真相,仲點會有《中英聯合聲明》所衍生出嚟嘅問題吖!

返回主頁

Be the first to comment

Leave a Reply

Your email address will not be published.


*