左賊抽楊匡水正一絕頂仆街所為

黃台仰同李東昇獲得德國難民庇護,對於廣義獨派嚟講可以話正式鬆一口氣,既有肯定佢哋平安,亦有一早知情的可以唔駛再忍口。但班土共就全部 Hang 晒機唔識反應,然後亂咁俾反應;仲有班大中華民族主義左賊,一樣亂咁射炮,話佢哋做逃兵,出賣梁天琦、美國隊長之外,拎目前响加拿大溫哥華嘅楊匡出嚟抽水,話黃、李唔係第一宗得到外國政治庇護嘅事件,試圖壓低佢哋兩個嘅輿論聲勢。呢啲根本係酸民所為,其實都費時理,不過佢哋講到楊匡,在公在私我無可能唔出聲。

我唔會否定楊匡確實係港人得到外國政治庇護第一人,但撇除楊匡係從廣州移居香港因而出事前係持香港特區護照嘅國籍身份問題,楊匡之所以遭支那共匪追殺同被港共傀儡政權迫害,全因為佢嘅行動係針對中国共产党,仲要唔係支教民只係鳩嗌「建設民主中国」但無實質行動,而係堅係走入共匪治區做嘢。另外就係2012年保釣行動,佢一腳伸開阻撓嘅阿牛曾健成,Full Throttle 駕駛啟豐二號同日本海上保安廳兩艘艦艇硬撼成功登島,搞到支那共匪乜面都無晒之餘,仲導致共匪治區出現大規模反日暴亂;加埋當年响匪區有流傳「解放軍還不如一個楊匡」嘅講法,支那共匪為免民情擴大到失控威脅到政權焗住冚熄民間怒火,搞到「谷住道氣但出唔到」。性質同背景根本同今次黃台仰及李東昇嘅唔同,根本就不能相題並論,更莫講話拎嚟抽水簡直攞錯例子。

坦白講,「保釣」本身係基於大中華情意結同民族主意,但回望2012年保釣出海嘅時候,左賊除咗同陳雲打鍵盤戰爭之外,可有一如當前嘅高調的支持?甚至乎匪區出現大規模反日暴亂嘅時候,陳雲同一眾盲目信眾被我打到收晒嗲,佢哋又有無做過啲乜?我唔想嘥時間考古。但對比起嚟,清楚反映左賊從來都只係意圖「有水就抽」。

容我更屈機去講,當年楊匡响出發前幾晚約我出嚟飲酒吹水,佢同我講:「Jacky,睇住我做場好戲!」我無追問佢會做乜而只係回應一句:「我買定煙同酒等你返香港,係咁多!」,兩條友跟住拎住啤酒樽一哼「就咁決定」。到佢成功登島我仲未參透當晚佢到底講乜,直到匪區連場反日暴亂,我心中欣然大笑一句「阿匡你條仆街吖,搞單咁嘅嘢出嚟」,然後就同陳雲「搏鬥」。但左賊响當時全部潛水去也,皆因楊匡嗰次同日本嘅硬撼,揭露咗共匪所謂「捍衛領土完整」不過是得把聲,變相為獨派、本土主張確立港中分隔嘅論述;更重要嘅係引證咗自從陳毓祥罹難之後嘅「保釣」不過是支教民體系嘅一場戲,一場性質同悼念六四一樣嘅戲,只圖永續抗爭呃飯食嘅戲。

到後來楊匡屢次進入匪區參與維權行動,左賊有出過聲嗎?唔係要高姿態到劉曉波嗰隻,但最基本嘅「Like & Share」有關嘅消息都無囉。再到之後佢要同劉沙沙展開逃亡,左賊有無關心過佢哋動向吖?更是佢哋終於到咗加拿大落腳,有邊件左賊仲有繼續同佢聯絡?甚至乎楊匡確診鼻咽癌而後來成功治癒,患病期間有邊件左賊、支教民有慰問過佢吖?

由2012年以嚟,左賊、支教民幾乎對楊匡嘅事不聞不問,依家為咗針對「唔支持『建設民主中国』」嘅黃台仰同李東昇就拎楊匡出嚟抽水,簡直仆街冚家鏟都不如囉吊佢哋鹵味!

仲有,楊匡係新移民,國籍身份同梁天琦一樣;佢哋兩個都不約而同的唔 buy 支教民嗰一套。或者解釋得到點解左賊一直對楊匡嘅動向漠不關心,又同時反映左賊今次嘅抽水所為係幾咁無恥。因此,唔該左賊全撚部收嗲;要擦存在感唔該搵第二個目標。

返回主頁

Be the first to comment

Leave a Reply

Your email address will not be published.


*