黃台仰出賣獨派?

黃台仰同李東昇獲得德國難民庇護一事,左賊支教民除咗拎楊匡嚟抽水之外,連埋啲假獨派一齊話佢哋遠走高飛得安樂日子有得梁天琦、美國隊長等人响香港受刑,出賣梁天琦、出賣獨派/本土派。再到今日有報導引述黃台仰話放棄「港獨」主張,嗰堆賊匪又話佢哋「變臉不認人」、「受德國豢養就要跟德國條Line to take」,真係睇到我想嘔囉。

確實,自從佢哋離開香港之後就再無聯絡,因而我唔會知道黃台仰嘅心路歷程同思維有乜轉變。但是,真獨派有多個主張嘅光譜,彼此之間唔會爭奪「話事權」,反而有共同嘅中心思想 ── 香港只有脫離中共魔掌先至會有好日子過;而黃台仰其實仲有話著重民主同人權,可以話無違背佢嘅主張嘅最根本基礎。左賊一味睇表面就亂噏廿四狂抽水,簡直不知所謂到極點。

表面睇,確實好似係黃台仰同李東昇「賣甩」參與魚蛋革命嘅人,尤其是正受牢獄之災嘅梁天琦、美國隊長等人。不過,睇返德國政府今次正式披露給予黃、李庇護嘅事件,拖咗一年先至爆出嚟,反映德國以至歐盟對香港有所盤算;甚至乎負責「爆」嘅唔係歐洲傳媒,而係 New York Times 呢份美國報紙,仲有英國 Financial Times 同日較後就「爆」出獨家專訪,可以話係德、美、英嘅合謀。但如果無黃台仰同李東昇嘅流亡,德、美、英可以有今次嘅行動咩?當然,大家唔會知道佢哋兩個同梁天琦之間有乜諗法,但又正正就係大家都唔知佢哋諗乜,貿然話黃台仰佢哋出賣梁天琦以至一眾受刑當中嘅人,會唔會武斷咗啲呢??

左賊等大一統膠通常最鍾意辛亥革命歷史,事關呢個係佢哋嘅論述基礎。但是整段推翻滿清過程嘅歷史,有唔少人犧牲性命,例如譚嗣同、林旭、楊銳、楊深秀、劉光第與康廣仁。康有為、梁啟超,以至左賊、支教民最推崇嘅淫賊孫文,通通都「著草」去也喎,點解左賊大中華膠唔鬧呢幾個人出賣「戊戌六君子」嘅呢?!

撇除「歷史係勝利者的歷史」呢個講法,純粹客觀分析去睇,要不是康有為、梁啟超、孫大炮等人「著草」,辛亥革命根本唔可能發生。唔好話因為佢哋「勾結外國勢力」籌到錢、搵到學術資源等等,古今中外嘅歷史巨變,點都要有人做「頭」領導變革嘅過程同埋完成變革收拾爛攤子。

套用返魚蛋革命,如果連黃台仰同李東昇都身陷囹圄,仲有邊個人可以救到佢哋而唔被港共傀儡政權摧殘?甚至乎宏觀當前香港嘅政治局勢,可以好肯定香港同支那共匪玩困獸鬥的話一定仆硬街,「勾結外國勢力」根本係絕對必須。但單係啲所謂政治明星去外國遊說,除咗必會招致支那共匪大鬧「干涉香港內政」之外,未必有夠大嘅實際效用震懾共匪。但是黃、李受德國庇護嘅場面出現,確認咗港共傀儡政權利用司法制度對魚蛋革命所作嘅判決等同政治迫害,唔單止「西方列強」講句嘢都可以大聲啲,仲係有實質證據同理據「干涉香港內政」而支那共匪除咗打咀炮更是無力還拖,成個局面即刻唔同晒。已經可以見到就算黃台仰真係出賣梁天琦,宏觀上都係對香港有利,就更加無乜嘢可以鬧黃台仰同李東昇佢哋。

更是呢頭德國透過美國「爆」出庇護呢件事,嗰頭德國政界就準備要佢哋响中国共产党最唔老嚟嘅日子 ── 6月4日正式現身,仲要地點係德國聯邦議會。呢啲擺明剃共匪眼眉嘅所為,香港有邊個夠薑做呀?甚至再串啲講,香港其實有人夠薑做,但結果點呢?唔計魚蛋革命,佔領中環俾支教民玩到謝晒啦;就算「和理非非」得個講字嗰種,以《基本法》22條 ── 中央不得干預香港內部自治事務,要支那共匪收嗲甚至收皮,結果咪俾支教民「收皮」而無人用囉。

另一方面,英國對香港有絕對嘅責任,但英國殖民走狗一直迴避,俾左賊支教民可以大嗌「英國佬走咗就唔會理香港」。但今次德國佬成功將英國「綁上賊船」,好過歸英派嘈咁耐都無乜實質反應啦。要明白今次德國所做嘅根本係對英國作徹底羞辱 ── 點解兩個持英國護照嘅人要由德國保護?再引伸到「如果唔係英國將香港交俾支那共匪就唔會發生啲咁嘅事」,判定英國對香港係「不光榮撤退」,呢個英國政治嘅大忌中之大忌。

而又再走返轉頭,無黃台仰同李東昇嘅「著草」,呢啲事可以發生咩?但又的確委屈咗梁天琦等人,呢個真係現實。唯一可以做嘅就係設法盡快救佢哋出嚟,唔係一味鬧黃台仰佢哋嚟嘥時間。甚至再衰啲咁講,黃台仰同李東昇做咗德國嘅棋子,就睇吓點樣德國會點做、諗吓點樣利用德國去扭轉香港嘅危局。

返回主頁

Be the first to comment

Leave a Reply

Your email address will not be published.


*