華為、貿易戰、黃台仰、中国人

德國給予黃台仰同李東昇難民庇護,與及華為同貿易戰,除咗被針對嘅目標都係中国共产党之外,好似風馬牛不相及、沒有關連,但留意返中国人 (包括土共,同埋認中国人嘅香港人)嘅反應,其實搵到共通點。

先講德國單嘢,唔計支教民左賊嗰啲抽水,土共就一味大鬧德國政府「干涉香港內政」,話黃台仰佢哋係干犯「暴動罪」嘅逃犯,德國必須「交人」。

黃台仰佢哋同「阿爺」作對,打靶就啱㗎喇,捉佢坐監即係仲要養佢,益咗佢啦。
香港好地地係都要搞乜嘢港獨,無咗大陸,你班打靶仔屎都無得你哋食呀!

至於華為同貿易戰,啲中国人又講乜?

美國佬想賺晒全地球嘅錢之嘛;美國佬唔想中国強大起來之嘛。話中国不公平貿易,利用廉價勞力傾銷全球,你美國佬無份用呀!賣啲嘢唔夠中国平就响度嘈生晒之嘛。
講到尾都係唔想華為做乜嘢 5G 龍頭之嘛,咪即係唔想中国搵錢多過啲西方列強。
講乜嘢知識產權都多鬼餘嘅,你美國佬無抄人嘢!華為有後門可以竊取私穩資料造成保安風險,你美國佬無做間諜嘢呀?斯諾登嗰單乜嘢嚟㗎?有口話人無口話自己!
你唔得罪「阿爺」,唔講埋啲政府唔啱聽嘅嘢,怕乜嘢監控呀!

=============================

第一個共通點:奴才特性。奴才嘅特質可以唔駛多講,不過諗深一層,衍生出第二個共通點:崇尚同追求絕對權力。奴才要生存就係唔要得罪權貴;但如果自己有權嘅時候,就可以為所欲為。

第三個共通點:天朝思維。
乜嘢「干涉內政內政」本身嘅思維,其實係有如古代嗰種藩屬定當聽命於「天朝」。並因此認為「天朝」就是號令天下,所有「藩屬」不聽從「天朝」之命,甚至阻止「天朝」強大介入,就視之為敵。

第四個共通點:柏楊的醬缸 / 黃子華魚蛋
就以華為為例,華為嘅 back door 係要嚟「防民之口甚於防川」,仲要係基於絕對權力;相對其他國家嘅 back door 係要嚟「防範更大嘅禍害,例如極端伊斯蘭恐怖主義」,而且有民主政制作出嘅權力制衡不能濫用。可以話基於第二個共通點因而唔覺得有問題。
總是覺得美帝紙老虎都做得點解我中国唔做得;點解全世界只係鬧中国唔鬧美國。簡單而直接啲嘅講法,就係唔會反省自身問題,永遠都認為人哋唔啱。

第五個共通點:全世界都要對付中国。全世界都睇唔起中国
處處針對中国的一切,不惜一切雞蛋裡挑骨頭,為的是支那共匪嗰句「亡我之心不死」。但要不是顧盼自憐,直接啲講即係「自己睇唔起自己」,點會覺得人哋睇你唔起。
呢個就同中国人嘅歷史觀好有關係,特別係由清朝中葉開始嘅近代史到現代史有關。

打從由鴉片戰爭開始,學校所教授的以至坊間普遍搵到嘅歷史陳述,都只係訴諸悲情,認為「西方列強」是在欺負「中國」。一方面就衍生「中國」要強大起來才能抵抗侵範嘅思維,另一方面就認定西方社會只想繼續侵害「中國」,所以唔會想「中國」強大起來。亦所以中国人看待華為事件同貿易戰,一味話美國同歐盟只係唔想中国強大嘅所為。

其實綜合起嚟,都係中國人/中国人嘅歷史觀而形成呢啲思想。試諗吓,如果有敘述「嘉道中衰」時期鴉片變成時髦的話,甚至「楊芳馬桶陣」作為鴉片戰爭背景嘅其中一條主軸,使人明白要「自省吾身」嘅重要的話,點會搞到柏楊的醬缸 / 黃子華魚蛋,係咪都話人哋錯吖!

只不過,由「英國佬賣鴉片毒害中國人正仆街」開始,到「火燒圓明園」,一切都係「西方列強」侵害「中國」,所以咪搞到中国人到今日都覺得「全世界都要對付中国」囉!也就是一切都係「西方列強」嘅侵略對「中國」打到體無完膚,講到「中國」人總是受到迫害,咪就搞到「中國」人都覺得自己是可憐蟲,然後就是覺得「全世界都睇唔起中国」。

歷史本身係多角度的,但只強化某啲特定角度,甚至隱惡揚善,就可以達到某啲目的。寫到「中國」人要顧盼自憐變得平常,就可以然後的建構呢個地方、呢個民族需要「救星」。邊啲人咁寫?中國國民黨是也!

又試諗吓,如果有敘述「嘉道中衰」時期鴉片變成時髦、「楊芳馬桶陣」的話,仲點可以簡單的由「英國佬賣鴉片毒害中國人正仆街」開始,到「火燒圓明園」,一切都係「西方列強」侵害「中國」嘅問題,然後將拋棄糟糠淫慾幼女嘅孫大炮塑造成「中華民族的彌賽亞」唧。

所以,中国共产党係仆街係絕對正確陳述,但中國國民黨其實先至係呢一切問題嘅罪魁禍首,亦係不容老K抵賴嘅事實。只不過,呢啲遺禍已經超過一個世紀,今時今日中国人仲係咁,呢個民族醫返都嘥藥費囉。

返回主頁

Be the first to comment

Leave a Reply

Your email address will not be published.


*