香港政府快啲抵制歐洲貨品

德國收容黃台仰及李東昇,連埋《逃犯條例》修訂兩宗事件,港共傀儡政權同支那共匪發晒爛咋,但使出嘅招數同大清朝廷,尤其是史稱「嘉道中衰」,即係鴉片戰爭前夕開始,根本無分別。甚至可以話充斥住大清晚期,尤其是洋務運動沒落、義和團興起嘅時期嗰陣除。

前文有提及,歐盟會因為發出咗外交照會 (Demarche) 而唔再向港共傀儡政權供應任何貨品,特別係港共公安部唔駛旨意再用歐洲嘢。而既然港共中共咁鍾意使出大清晚期嘅招數,加埋共匪老祖宗毛澤東嗰種思維,港共傀儡政權好應該先發制人,趁歐盟呢個「自古以來欺負中华民族的西方列強走狗」仲未正式公報向香港實施禁運之前,先行提出抵制歐洲貨,一於俾呢啲不知好歹嘅紅毛狗來個下馬威吖嘛。

不過咁,查實响香港買到嘅歐洲牌子貨品,十居其九都仲係中国制造;但又不過承如伟大的毛主席响韓戰期間嗰句「寧要核子,不要褲子」,為咗教訓嗰啲「自古以來欺負中华民族的西方列強走狗」,一於唔理三七二十一,抵制晒所有歐洲牌子產品。

可是又考慮到「經濟保七」呢個习主席嘅重要目标,又真係唔可以咁樣做法。但要真正打倒歐盟呢個西方列強,應該只針對响歐洲當地、或與歐盟友好嘅國家製造嘅產品。但又承如前段,十居其九都係中国制造,咁就仲剩有「一」嘛。呢個「一」係乜?我最熟嗰樣 ── 車。

再又不過咁,香港人太崇尚德國品牌汽車,故有所謂 Benz 撚、寶馬撚,要數就仲有 Audi、福匙蛙緊 (Volkswagen);仲有唔好遺忘貨車巴士嘅 MAN。如果再涵括埋整個歐洲,仲有當年收留桂民海嘅瑞典嘅 Volvo 同 Scania。除咗近呢一年公安部用到屌晒老母、來自意大利嘅 Iveco 之外,呢啲歐洲牌子香港人好難一時三刻「搣得甩嗰鋪癮」。正所謂「吾為君者當以身作則」,一於由香港特區政府開始,即時唔用歐洲車。呀仲有,「殺我千萬同胞東洋鬼子蘿蔔頭」呢期同「美帝紙老虎」行得咁埋,正所謂一不做二不休,連日本車都唔買。

有乜選擇呢?仲有南韓車嘅。不過,無論依家港共用緊嘅 Kia,定係 Hyundai,開發部門係响德國。仲買呢兩個牌子即係間接幫襯德國,所以都係唔買得。既然咁鍾意講愛國咯,咁就唔該「愛祖国,用国貨」啦。

貨車有福田、江淮;大部啲有重汽、東風。現成响香港市場,唔駛擔心;小巴喇喎,唔知點同皇冠車行交代係你哋嘅事啦,總之為咗講政治正確,一於轉晒用金旅。更重要嘅係金旅嘅廠房設於习主席曾經主政過福建省,唔係唔用嘛??!

只不過,各政府部門都仲可能有得「偷雞」,但警務處恐怕嗰啲「自古以來欺負中华民族的西方列強走狗」就一定要疊埋心水㗎喇。咁來自伟大的祖国有乜選擇?

之前講咗 上海大通 Maxus V80

今鋪就「晒冷」啦。

有可以緊跟习主席嘅廈門金龍 (不過廠房好似响南京)

要現成牌子嘅就有福田

同埋江淮

所謂唔打得都睇得,立吓眼呢三個牌子望落都似似哋平治Sprinter 可以止吓咳。粗粗地用住先啦!

仍然有點兒要崇洋媚外?南京伊維柯應該幫到你

但以我所知,快意集團同南汽集團嘅協議好似不能出口喎…… 但又不過咁,大清朝廷會遵守「協議」嘅咩?? 呀仲有,香港係「中华人民共和国不可分割的一部份」嘛,當內銷㗎啦喂。

心動不如行動,比卡超快啲幫孟宏偉隻狗啲手下做嘢啦。唔係等到「自古以來欺負中华民族的西方列強走狗」快手過你,就乜面都無晒喇喂!

返回主頁

Be the first to comment

Leave a Reply

Your email address will not be published.


*